同你吟一吟
余文樂夠運慳$320
愈住愈豪，靚車愈買愈貴，又經常襯住班富貴人做朋友嘅余文樂，住豪用好著嘅貴，最唔講究，係食。
上星期四（十一日），三點三下午茶，余文樂一支公去咗中環歌賦街踎大牌檔，撈丁再加杯凍檸 tea，明顯係熟客嘅佢，一路食一路同啲牌檔阿姐阿嬸吹水。
校啱時間，樂仔差唔多食完，助手就到，之後一齊急急腳行去攞車。又係啱啱好，有警察巡到，第一時間開車走人。
避過一劫！慳番三百二，否則，慳住食嘅余文樂碗撈丁，背脊骨落。
臨走前，啜多啖唔好嘥。
求其泊低架 Range Rover喺街邊去醫肚嘅余文樂及時趕到，唔使吞牛肉乾。
全站熱搜
留言列表
{{ article.title }}
