同你吟一吟
亞洲先生小姐 女 man男姣
今年無 綫唔搞香港先生，亞視獨食，招募完亞洲先生，驚觀眾唔夠喉，再搞埋亞洲小姐面試，雙線出擊，挑戰笑爆肚皮底線！
陰差陽錯
姜明（圖）夠 man，祖魯哈夠姣，如果十二月二十一日真係世界末日，我明點解！
上個禮拜二（十月九日），亞視殺上深圳進行強國亞男面試，十九位「令仔」，高矮肥瘦騎呢樣衰應有盡有，當中以新疆加俄羅斯混血兒祖魯哈最嘔心，伸 脷咬唇扭籮不斷「放電」攻擊評判，至於原本好眉好貌周身肌肉、來自哈爾濱 嘅李思桐，專登搽黑個身騷肌，但漏咗塊面同腳面，搞到兩截色，未正式上台比賽已經榮獲 key頭男寶號！
至於亞洲小姐，星期一（十五日） 响大埔亞視總台舉行首輪面試，繼續係強國佳麗天下，唔識講廣東話，正常，一地豬扒，預 咗，只係估唔到人妖同妖怪都有份。
自稱係演員 嘅姜明，英氣十足，同吳尊有七分相似，另外自稱做模特兒 嘅楊狄珊，塊面啲粉搽到一笪笪，面同身又係兩截色，同亞洲先生 嘅 key頭男李思桐，簡直係妖界金童玉女！
key頭男女
楊狄珊同李思桐夾都冇咁 啱 key，同樣鍾情面白身黑，去哈囉喂 party唔使化妝！
現形女
男人玩凸出，擺明有心，現年二十六歲 嘅碩士生陳彥蓉，泳褲現形解釋只係一時唔小心喎！
現形男
來自雲南 嘅何小平（右圖），白泳褲戴手袖玩獨臂跪地放電，富二代同褲現袋，只一線之差，都係來自烏克蘭 嘅尤里比較明刀明槍。
勇字當頭
四十六歲趙芳華（左），自爆後生 嗰陣冇呢類比賽，今次志在參與不求入圍，亞姐方面年齡最大係三十一歲于建茹，本身 响國內做模特兒，仲話對自己一身健康膚色充滿信心，評判會鍾意！
最猛料
個樣較為四正，有少少似陳法拉 嘅孟丹珏（左），自爆曾奪得「世界旅遊小姐浙江賽區」冠軍，算係首輪面試中比較突出，而讀緊大學 嘅陸文婷，報稱上圍 32，望落起碼 D級，心口比樣貌更搶鏡！
全站熱搜
留言列表
{{ article.title }}
