本周二（ 15日），鄭俊弘返無綫為《梅艷芳十年回顧音樂會》錄音，其間向記者表示，為了做歌手，絕唔介意捱窮。
滾熱辣
羅鈞滿輸比賽贏收入 鄭俊弘賤價做歌手
《星夢傳奇》周日（ 13日）舉行決賽，鄭俊弘（ Fred）以逾十六萬高票成為冠軍，節目更有 24點收視。無綫為求肥水不流別人田，更即時將鄭俊弘及早前四強不入的羅鈞滿收歸新開設的唱片部。
「聲」價十倍的鄭俊弘及羅鈞滿正式成為歌手，無綫更打鐵趁熱，今周安排兩人出演《梅艷芳：十年回顧音樂會》，乘勢追擊。鄭俊弘雖貴為《星夢》冠軍，不過講到工作量，羅鈞滿卻先贏一仗。
連續接了三劇的羅，加埋舞台劇，檔期已排到年尾，錢途無限。至於鄭俊弘，早前因為要專心比賽無奈推 job，就算 11月有新劇開，但劇酬仍是舊價，收入暫時被羅鈞滿拋離。據知無綫唱片部更以賤價簽旗下歌手，捱足十年的鄭俊弘，仲有排捱。
陪行街原來鄭俊弘陪弘媽到 Apple Shop揀 iPad，可惜弘媽揀咗一陣，都係唔啱心水。 
幫合照本周二（ 15日），鄭俊弘返完 TVB錄影阿梅紀念騷，之後搭地鐵去中環，途中有 fans要求合照，更勞煩弘媽揸機。 
彈結他去完中環，兩母子再搭地鐵去尖沙嘴琴行。原來鄭俊弘攞咗支結他維修，他更即時彈結他試音。
歌手收入靠分紅
「無綫簽親生仔，出碟前唔會有筆錢俾歌手，歌手收入只係靠分紅。新人每賣一碟最多分 5蚊左右，賣到三千隻已經好叻。就算賣到呢個數，都只得萬五蚊，冇肉食。無綫仲講明服裝費要歌手自己搞掂，將來 Fred（鄭俊弘）惟有接多啲登台同廣告增加收入。不過，以佢目前底薪得一萬元（包廿個騷），好抵用。」知情者說。
換句話說，鄭俊弘要到出碟先有錢分。雖然可以靠其他工作幫補，例如 11月有套新劇都為他加了戲份，但他有「冠軍」名銜，戲路有限制，所以鄭俊弘拍劇數目及劇酬都不及羅鈞滿。
「阿 Moon（羅鈞滿）《星夢》前已演過舞台劇，依家又拍緊兩齣劇《 ICAC》及《男大當婚》，唔少監製都貪佢有外形同有經驗，加上佢好識冧監製，所以是劇接劇。佢底薪近萬五，高過鄭俊弘，加上劇集多，個個月都爆騷。」
「星夢幫」中，無綫已集中火力捧鄭俊弘及羅鈞滿，周六（ 20日）晚播映的《梅艷芳：十年回顧音樂會》，兩人都有份唱 medley（混合曲）。而鄭俊弘周二晚錄完 medley後，翌日晚（ 16日）更會往意大利拍攝旅遊特輯。表面上，鄭俊弘工作密麻麻，可惜全都是 TVB的工作，他的合約又是《星夢》前簽落，換言之都是用舊價計騷，雖然曝光率大增，卻冇肉食。
集團總經理李寶安親自點名，由前華星高層黃達輝主管唱片部。決賽當晚，黃達輝（右）更同李寶安另一愛將余詠珊一齊睇騷兼揀蟀。 
上周四（ 10日），羅鈞滿到超市買生果。他周三在 facebook指責王維基：「將自己商業失敗跟社會公義拉上關係」。明撐公司，好識做人。 
雖然周日的決賽羅鈞滿冇份，不過 fans早早為羅鈞滿做咗個冠軍獎座，評判周啟生更負責頒獎，明撐羅鈞滿。 
羅鈞滿有兩套劇在手，在《男大當婚》他更拍住黎耀祥、蘇玉華及鍾景輝等好戲之人，甚多發揮機會。
鄭俊弘：錢係其次
周二（ 15日）訪問鄭俊弘，雖然知道賤價做歌手，但他已做足心理準備，絕對唔介意捱窮。
記：知唔知幾時出碟？
鄭：未知幾時。
記：可以接到外面嘅工作未呀？
鄭：未呀。
記：咁你嘅收入有冇多到？
鄭：唔心急，應付咗現有工作先。
記：係唔係賤價簽歌手約？
鄭：最緊要做到音樂。
記：你都要生活㗎！
鄭：要睇長遠，開頭做音樂先，錢係其次。
記：唔介意做窮歌手？
鄭： OK嘅，捱慣咗啦，相信將來一定會好！
至於羅鈞滿雖然失獎，不過他大把工作在手，錢途無限。上周六（ 12日）他對記者說：「暫時都係拍劇為主，十二月會開新劇。（余詠珊講會放星夢幫出去賺錢！）咁就好囉。（但係要你賤價簽歌星約？）我係公司嘅人，公司會對我好嘅。（同 Fred比，你啲工作多元化，收入又穩定啲？）佢嘅音樂造詣比我高，各有各做啦。」
雖然，羅鈞滿及鄭俊弘出碟仍然無期，不過原來羅鈞滿已經為一首廣東歌及一首國語歌作曲及填詞。音樂路上，羅鈞滿明顯主動出擊！
鄭俊弘在無綫苦等十年，終於等到一個做歌手的機會，連「準外父」秦沛亦坦言已第一時間恭喜他。 
唔止係佢嘅！（真實對白） 
陳奐仁揀錯歌俾 Moon
捱足十年
騷肌肉鄭俊弘自小習武，更曾攞過卑詩省中國功夫比賽冠軍。在《法證先鋒 II》宣傳活動時，不經意騷一騷鋼條身形。 
三人行04年拍《心花放》，鄭俊弘飾演秦沛兒子，因而認識秦沛女兒姜麗文。後來兩人拍拖，更唔介意拖住秦沛三人行。 
《心花放》 
初上位去年的《幸福摩天輪》，鄭俊弘在其中一個單元故事，飾演謝雪心及張國強兒子，算是他戲份較多的作品。
兩派 Fans互插
鄭俊弘同羅鈞滿因《星夢傳奇》而人氣急升，雙方粉絲亦大增。除了二人在比賽期間惡鬥外，鄭俊弘同羅鈞滿粉絲，亦在網上互踩對方偶像，部分評論更完全同音樂無關。
陳明恩搶閘出碟
五強之中，並非「親生女」的陳明恩早已簽唱片公司，更率先在年尾出唱片，陳明恩的處女碟中，其中兩首歌是自己作曲。
留言列表
{{ article.title }}
