近年不少藝人名人發出「出櫃」宣言，繼黃耀明、陳志全外，趙式芝（Gigi）和波爾錶太子女楊如芯（Sean）亦公開同性婚訊後，不過就不被父親趙世曾接受，趙世曾更以五億招婿以表示對女兒這段同性婚姻的不認同。而作為「同道中人」的蘇施黃日前接受傳媒訪問時，就力撐「芝芯戀」，寸趙世曾「愛不夠」、「唔醒目」。她說：「我好感激父母親對我全面支持，唔需要問，唔使打開個櫃，呢啲咪醒目爸爸、媽媽囉，爸爸當金燕玲好似女咁，一切盡在不言中。」
蘇施黃日前接受傳媒訪問時，力撐「芝芯戀」外，更剖白和金燕玲的一段戀情。
除了力撐「芝芯戀」外，更剖白和金燕玲的一段戀情，阿蘇表示：「我唔係特別愛佢（金燕玲），但她最幸福，正所謂是行運醫生醫病尾，只係大家成熟咗，大家識得點去處理EQ，家我學會包容我朋友、愛人、家人、鄰居，會容納同接受，最重要大家要保留空間，我好enjoy目前過住一啲似係單身，但屋企有人嘅生活，我哋互不管束，唔會知道對方行蹤，每星期只係食一、兩次飯；我約咗朋友，佢只會好真心咁講：『好呀，玩得開心啲！』佢肖馬，所有馬，所有人都唔應該去馴服，生出來咁就咁，唔好為相愛而去改變，但好多人偏偏鍾意去改變同支配一個人，呢啲係謬誤，冇嘢係應該，呢啲唔係法例。」
蘇施黃雖然怕凍，但因為金燕玲怕熱而成間屋開大冷氣，自己就包到冚。
她自爆兩人相愛的生活點滴：「我哋每晚會傾好耐偈，或者一齊打機。我甲狀腺低最怕凍，佢就怕熱，屋企保持雪房溫度，我明白，佢怕熱，等於我怕凍，所以由得佢開大冷氣，每晚自己就化身阿拉伯女人，用絲巾包實個頭瞓覺，始終凍可以控制，咁咪冇交嗌咯。最離譜一次係我約咗班打機腳去咗日本打彈珠機，竟唔記得話畀金小姐（金燕玲暱稱）知，直至佢打來，因為太嘈又聽唔到電話中人是誰，晚上我同佢通電話，仲怪責佢胡亂將日本手機號碼畀朋友，點知佢回應：『打畀你嗰個咪係我囉！』大家笑個不停，佢對我咆哮又冇乜嘢，不過，有時我做咗好乞人憎嘅事，佢合十話：『主呀，我會饒恕佢！』真係好好笑。」阿蘇享受現有生活，無意改變，更冇諗過結婚。
日前蘇施黃接受now觀星台節目陳海琪主持的《海琪的天空》錄影訪問時，坦言享受現有和金燕玲的相處方式，故無意改變，更冇諗過結婚。
蘇施黃接受傳媒訪問時力撐「芝芯戀」，寸趙世曾「愛不夠」、「唔醒目」。
留言列表
{{ article.title }}
