享受緊霆鋒攬錫嘅栢芝，着上比堅尼露出兩個紋身，私密相家任人睇，難怪嬲到要告人！

結婚近 5年的鋒芝， 06年秘密在菲律賓小島 Pamalican的 Amanpulo度假莊園結婚，婚禮一直有聲冇畫，點知結婚相突於上週流出。
有報道指婚照係霆鋒授權畀攝影師刊登，但霆鋒夫婦分別否認。栢芝經理人 Emily表示版權屬鋒芝二人，攝影師冇權擅自公開，「雖然啲相係開心嘢，栢芝見到都冇嬲，不過始終個程序唔啱，我哋一定要交畀律師處理，等對方知道咁做唔啱！其實個攝影師係霆鋒喺當地搵返嚟，大家唔熟，家已經冇聯絡，係佢自己話已經攞咗 permission，根本就冇！」
而霆鋒助手表哥亦證實冇叫攝影師公開批相，「霆鋒好嬲，佢從來冇授權過畀對方！」密照無辜外洩，希望鋒芝從此學精咪再亂信人喇！

 

放大圖片

幕後黑手
今次私自發放霆鋒婚照的菲籍攝影師 Lito Sy，在當地開設 studio，更在公司網頁自稱拿了多個本地獎項。

 
放大圖片

充滿誠意嘅霆鋒，雖然唔肯再透露求婚詳情，但睇佢嘅眼神咁堅定，栢芝想 say no都難。

 
放大圖片

當年霆鋒只請咗幾位好友一齊去菲律賓觀禮，包括 Eric Kwok和女友葉佩雯。霆鋒仲用咗 2個月籌備求婚，栢芝感動到喊都好正常。

 
放大圖片

日攬夜咀
曾經講過自己命格同栢芝相剋的霆鋒，寧願死都要同栢芝結婚。愛得咁深，唔怪得 06年求婚成功後，開心到要放煙花慶祝。

 

早瀨野

栢芝的婚照被當日負責的攝影師擅自放上網，其實栢芝已經唔係第一次被出賣。去年新加坡著名攝影師 Lesile Kee將栢芝 06年慈善寫真《 Super Stars》的拍攝花絮放上網，相中栢芝上身全裸，胸前只有兩塊乳貼。據知該相是二人私下合照，栢芝冇諗過對方會公開相片，但事後並冇作出追究。

arrow
arrow
    全站熱搜

    stinglife 發表在 痞客邦 留言(0) 人氣()

    E-mail轉寄