賣慣大包
原籍浙江的 23歲潘霜霜床照事件發生後,自稱主動傳短信給林峯,不過見慣世面嘅林峯點會再受坤,林峯仲搵潘霜霜個剝衫死穴反擊:「邊有男友會鍾意見到女友成日着泳衣?」未爆床照前,潘霜霜亦影好寫真預備今年書展過嚟香港發功,有傳佢因為形象差隨時令本寫真難產。

被狗仔隊視為剋星,從未衰過食女斷正的林峯,今次唔小心瞌眼瞓就中伏。因拍《翡翠明珠》而搭上大胸蛇腰內地演員兼脫模潘霜霜,道行高林峯有女收埋玩 10個月,至上週被人公開床照先揭發二人關係。

 

放大圖片

合照引爆
去年 5月林峯因拍攝電影《翡翠明珠》而搭上潘霜霜,早前忽然流出二人親密照,但潘的經理人卻堅持不是洩密者。

 
放大圖片

右至左:美籍「老公」 John, John仔 JP,潘霜霜
09年於巫啟賢的博客內亦有 John和兒子 JP及潘霜霜的合照,當年潘霜霜仍未剝到咁盡,有啲賢妻良母 feel!

 

老外求婚

放大圖片

我唔會信!
連日來林峯都眼濕濕表示自己「好傷心」,雖然受情傷,但堅持唔信潘霜霜已婚。其實人妻咁索,有賺。真實對白

 

林峯諗住嗒正妹冇黐牙,但據知潘霜霜早在 09年 4月答應下嫁美國人 John做老婆, John更搵歌手巫啟賢作曲向潘求婚,巫啟賢當年亦於 blog內詳細描述求婚過程,而本育有一子的 John,仲一齊拍埋 MV憑歌寄意,當時巫更在博客內說:「得知霜霜看到《為我們披上嫁衣》 CD感動落淚,並答應了 John的求婚……」事隔兩年,巫啟賢說:「印象中有外籍人士上門要求幫忙製作求婚歌求婚,有聽過他們的愛情故事,但對潘霜霜冇印象,亦不認識。」

「每一次都心痛」

上週六( 19日),對床照一事仍耿耿於懷的林峯,仍未相信前女友曾答應下嫁老外:「吓?我唔會信,成件事已經 over,唯一希望心情平伏。對呢件事,要講已經講晒……每提一次都好心痛。」
引爆床照卻臭晒朵,潘霜霜一直熄電話避世,日前佢透過經理人林小姐說:「阿 John求婚事件是假的,之前潘霜霜跟助手有過爭執,而潘霜霜電腦密碼亦只有助手知道,此事仍在調查中。」潘霜霜亦於上週四( 17日)透過微博申訴:「我知道很多人會誤解我、辱罵我,但無論怎樣我都會堅強走下去。」慾女走下去,仲應該會堅強到過嚟香港走轉添!

 

巫啟賢博爆已婚

潘霜霜被踢爆 09年答應與美籍寡佬 John結婚,於巫啟賢的博內更有晒證據,雖然當事人仍死口唔認,但成單嘢發生喺 09年 4月,當時潘霜霜仲係素人一名,唔通巫啟賢有預知能力做定單流嘢整蠱你?

 

放大圖片

巫啟賢 blog內有跟 John的合照,巫當年亦說:「接到一個電話,他說他叫 John,希望我能為他創作並演唱一首求婚歌曲,因為他愛上了一個中國女孩……」

 
放大圖片

歌詞肉麻
除咗有相仲有歌詞為證,潘霜霜想唔認都好難!

 
放大圖片

老外 John除咗請巫啟賢作曲,兩父子仲拍埋 MV合奏,仲將 MV同首歌製成 CD印咗 300隻派畀親友。

 
放大圖片

微博呻寂寞
潘霜霜與林峯交往至今年 1月,戀情進入冰河期,潘經常借微博狂呻林峯唔理自己,據知潘曾在林峯的中半山帝景園住所苦候男友多日,人又冇、知名度又冇提升嘅潘不忿遭林峯冷待,有傳爆大鑊玉石俱焚!網上圖片

 
放大圖片

23/5/10 貓都不如

 
放大圖片

28/5/10 苦候電話

 
放大圖片

早爆蜜月
去年 7月,潘霜霜曾在微博上傳她在馬爾代夫度假照,除了兩對情侶拖鞋外,還有一張印有「 Happy H Moon」的字樣「床照」,明顯是指「 Happy Honey Moon」。當時她正跟林峯熱戀,好難諗第二個囉!

 

陶傑:林峯冇蝕!

除林峯外,仲有吳卓羲同鄭嘉穎先後被內地模借過橋,而港女代表就有 Angelababy,一向對北方女性甚有研究嘅才子陶傑話:「等於港女鍾意 o架仔一樣,呢個係名牌效應,大陸模家有波又有質素,林峯都冇蝕底啦,應該感到光榮!」

咕斷正

姓名:張馨予(蘇州乳牛)
年齡: 23
出招:自拍死物
得着:被監製錢國偉邀請拍《戀夏戀夏戀戀下》

早前於微博上載一張自拍照,但被發現咕款式跟吳卓羲家中一樣而被爆戀情。《壹週刊》圖片

抽得就抽

姓名:徐靖雯(小張栢芝)
年齡: 23
出招:出門口斷正
得着:狂接騷

 

放大圖片

去年 8月徐靖雯被鄭嘉穎私藏 72小時後,出門口時咁啱斷正被記者影到,之後例將鄭嘉穎掛喺口邊。《壹週刊》圖片

 

花名揭密

姓名:楊穎( Angelababy)
年齡: 22
出招:微博自爆
得着:狂掘人仔

女神楊穎( Angelababy)自度「海綿蛋糕」於微博自爆同黃曉明關係,令 Baby在內地的知名度大增。

    全站熱搜

    stinglife 發表在 痞客邦 留言(0) 人氣()