月初汪母張蘭的友人於微博張貼大 S與汪小菲的婚宴請柬，列明 22日行程但不提地點，只指出婚宴「包吃包喝包住包交通」，而 17日就拍到二人婚前於台北擁吻。台灣《蘋果日報》圖片
,
嚴密戒備
二人秘密籌備嘅豪華婚禮，選定位於海南島三亞海棠灣嘅六星級酒店希爾頓逸林酒店及康萊德度假酒店舉行。汪小菲豪擲 500萬人仔（約 593萬港紙）包起兩間酒店之餘，仲包起約 200位賓客「包吃、包喝、包住、包交通」；不過就嚴禁帶手機同相機進場，麻煩到連大 S姑姐都發火。
週一（ 21日）下午，希爾頓逸林酒店人員為翌日下午 4點舉行嘅婚禮布置，觀禮用嘅大型帳篷已掛起彩球裝飾
週一（ 21日）下午，希爾頓逸林酒店人員為翌日下午 4點舉行嘅婚禮布置，觀禮用嘅大型帳篷已掛起彩球裝飾。
大 S率領過百人親友團，包括大 S媽、大 S爸、小 S一家及坐輪椅嘅大 S嫲嫲闔府飛抵三亞睇大 S出嫁
大 S率領過百人親友團，包括大 S媽、大 S爸、小 S一家及坐輪椅嘅大 S嫲嫲闔府飛抵三亞睇大 S出嫁。
過橋抽板
婚禮謝絕傳媒之餘，估唔到連「紅娘」都趕絕埋。安以軒曾於訪問中話「曾經有個非常不錯的男生追我 3年……他就跟別人閃電結婚了」，暗示追求者係汪小菲。據知是大 S同汪小菲的共同朋友嘅安以軒因為邀請大 S出席自己的生日會而令二人邂逅，筍盤隨即被奪，自此姊妹情不再，安今次不但被飛出婚宴姊妹團，更不獲發帖邀請出席。
得知冇帖收而感到被落面嘅安以軒，於 14日晚在微博大罵某人虛偽：「您要跟我演虛情假義，笑裏藏刀槍炮！那我也不能再掏心掏肺，真心換絕情！」矛頭似直指之前高調話會考慮請安以軒當伴娘嘅大Ｓ。
週一（ 21日）本刊致電安以軒經理人小林了解，小林指安以軒要為電影宣傳而缺席婚禮，對有否收帖就表示唔清楚，而對微博留言佢就回應話：「安以軒很在乎朋友，也就比較容易受傷，她只是在找地方發洩一下。（「虛情假義」是指大Ｓ嗎？）她只是有點感慨而已，別人怎樣猜她不在乎，見仁見智。」
另方面，大 S為保密婚禮，在婚禮前一日（ 21日）從台灣包機抵達三亞，下午三點一行共 200人，包括大 S父母、小 S夫婦、親友及姊妹團一到埗即上旅遊巴前往希爾頓逸林酒店，再由近 30名保安同過百位酒店員工護送入酒店，守衛森嚴密不漏風，對傳媒追問一概封嘴唔答。
新房五萬人仔
位於海棠灣嘅希爾頓逸林酒店及康萊德度假酒店（右圖），於去年底開幕並同屬希爾頓（ Hilton）集團。
大 S婚禮安排在希爾頓逸林酒店行禮及舉行派對，而一眾賓客則入住毗鄰嘅康萊德度假酒店，希爾頓逸林酒店擁有全海南島最大嘅宴會廳，可容納 800名賓客，另外坐擁 435公尺嘅海灘。單係二人挑中作為新房嘅豪華總統別墅，一晚便高達 50,000人仔房租。
最爆伴娘團
大 S搵嚟一班娛圈好姊妹出任伴娘及姊妹團，而婚禮司儀則由小 S、蔡康永、黑人及阿雅擔任，而呢班伴娘團亦陸續喺微博留言出發。
週一（ 21日）下午 3:20，以新娘大 S為首共 200人相繼步出三亞機場，對於提問大 S均笑而不答，繼續玩神秘。
34歲徐熙媛（大 S）與內地知名餐飲集團「俏江南」 29歲太子爺汪小菲，由相識 20天見面 4次隨即閃電結婚。速擒富二代，中女大 S完美示範。
一直高調晒幸福嘅二人，婚禮偏偏鬼祟，豪使 500萬人仔，於本週二（ 22日）在海南島三亞低調舉行豪華婚禮。為保密玩神秘，過百賓客亦精挑細選，連造就二人認識嘅「紅娘」安以軒，因曾被汪小菲力追而被醋婦大 S踢出婚宴名單。情場輸家安以軒在微博開火鬧：「虛情假義，笑裏藏刀槍炮！」
「大菲戀」由去年 9月於台星安以軒生日派對展開，大 S不但從「星女郎」張雨綺手上搶走汪小菲，以「神速」於廿天訂婚，更於認識第 49天（ 11月 16日）在北京登記，大 S順利「閃入」豪門。
留言列表
{{ article.title }}
