谷奶回港 拒泳豪照顧思琦囡囡似足吳帥
現年 33歲的楊思琦去年中撇李泳豪，被爆戀上前跳水運動員吳帥，上月底還秘密在美國未婚誕女，同時爆出思琦與吳帥分手，她決意做單親媽咪，並堅拒泳豪照顧。剛坐完月的思琦昨日谷奶返港搵奶粉錢，並在微博上載抱着囡囡楊卓穎的照片，囡囡樣子似足吳帥。
其他娛樂名人影片
精神奕奕的楊思琦昨早 8時多由洛杉磯返港，她除戴上太陽鏡外，也全身黑衣包到冚，但厚衣下仍見豐腴身形，尤其因谷奶令上圍明顯升 cup。思琦昨晚在微博貼上抱着囡囡的照片， B女似足爸爸吳帥，思琦留言說：「我們終於回到香港了，雖然有點累！但回到家的感覺很溫暖啊！」思琦決定母兼父職養大囡囡，首要當然是解決經濟問題，樂易玲早前曾爆思琦產後曾擔心獨自撫養囡囡問題，昨早她高調回港，甫落機即大方接受傳媒訪問，也為日後復出鋪路。無綫派出製作資源部總監樂易玲和外事部副總監曾醒明等五人接機，可見無綫非常重視思琦產後復出。
放大圖片 
無綫高層樂易玲（左）昨早傍實思琦做訪問，給她鼓勵。
放大圖片 
空姐昨日為思琦（左）推行李車，不慎將整車行李翻倒地上。
「養好身子同減肥」
思琦甫出閘即被約 20多名記者團團包圍，她說：「你哋好，今日我返咗嚟啦，首先多謝各位，我知傳媒朋友好關心我，未來日子我會盡最大努力照顧我囡囡，希望佢開心健康，快樂成長， BB係跟我姓。」問到為何不見囡囡同行？思琦說：「已經安排佢之前返咗嚟香港，因為佢太細個怕閃光燈。」問到囡囡的父親可是吳帥？有指二人已分手，問思琦可有聯絡他？她迴避說：「呢啲唔講啦，唔回應。」至於何時開工？思琦說：「希望盡快投入工作，家養好身子同減肥先，瘦啲效果好啲。」
樂易玲勸聽媽咪話 放大圖片 
上月誕女的楊思琦昨早谷奶回港，她謂早前已安排囡囡返港。
有指當日吳帥是楊媽媽介紹給思琦，但現在思琦最終變成這個結局，她說：「總之辛苦大家，要講嘅嘢都差唔多。」可覺遇人不淑？她尷尬回應：「唔回應，多謝大家。」若囡囡將來長大追問生父身份，思琦如何回應？她面有難色說：「唔答啦，我會畀心機照顧 BB，等佢識先講，大個咗先算。」經一事長一智，思琦日後是否要帶眼識男仔？她頓時語塞，樂易玲解圍說：「叫佢唔好再咁硬頸，要聽媽咪話，慢慢嚟唔心急，做嘢先。」思琦表示自己一直聽公司話。有消息指吳帥早前到美國箍煲不遂，今年 1月突返內地，只是在電話向女友交代有麻煩，不便現身。昨日所見原本擁 C cup上圍的思琦產後升 cup，問她是否用人奶餵 B？她說：「兩樣交替，家係摸索學習階段。」可會向舊愛豪仔求助或聯絡，思琦說：「唔回應。」思琦接受訪問的 10多分鐘，全程緊張緊握兩手，其後她接受無綫訪問時說：「做媽咪好辛苦，個人成熟咗， BB跟咗媽咪返屋企， BB太細啦，咳嗽同少少發燒就已經好緊張。」樂易玲指會讓思琦休息一下，並做 facial扮靚，她又取笑拍打思琦微脹的肚皮，樂易玲表示讓 BB長大才帶出來見大家。思琦隨即由樂易玲陪同返回清水灣半島寓所，看來是心急回家湊女。
無綫監製安排角色
曾起用思琦拍過無綫劇《人生馬戲團》和《天機算》的監製徐遇安，最近正拍攝新處境劇《愛．回家》，他歡迎思琦回來，他說：「家啲角色定晒又開緊工，或者遲啲後面啲線寫到加入新角色，都會考慮搵佢，思琦做到戲，又有天份。」李添勝則說：「有啱角色一定會搵佢。」採訪：胡比、汪芷寧攝影：羅德光、黃文成
話你知：十年琦事幾番新
楊思琦入行以來事業和愛情運都麻麻，與李泳豪拍拖九年未能修成正果，中途殺出的吳帥又未能付託終身，出名慳的思琦惟有獨力擔起頭家撫養女兒。
放大圖片 
《港姐冠軍》22歲還在中學當實習教師的思琦， 01年參選港姐，以大熱姿態成為四料冠軍。
放大圖片 
《屋邨慳妹》思琦出身石硤尾屋邨，當選港姐後為慳錢，每天坐地鐵返工，父親任保安，母親在銀行做文職。《壹週刊》圖片
放大圖片 
《撻着泳豪》02年拍無綫劇《血薦軒轅》與李泳豪撻着，思琦因太高調拍拖而被無綫掟入雪櫃。
放大圖片 
《棒打鴛鴦》雖然被無綫棒打鴛鴦，但並沒影響思琦與李家的關係，當時她與泳豪母親施明感情不俗。
放大圖片 
《搭上吳帥》思琦被爆搭上前跳水選手吳帥，導致她與李泳豪的九年情玩完。《壹週刊》圖片
放大圖片 
《泳豪箍煲》思琦去年宣佈與豪仔分手，暗指遭豪仔出賣放料，安排記者 5月時追訪她陪豪仔出席生日飯局（圖）。
放大圖片 
《鼎爺鬧爆》泳豪遭思琦撇甩，護子心切的鼎爺（右）真性情盡出，連珠炮發三字經也難平心頭怒氣，他說：「如果我個仔放料，我仆街死！」
放大圖片 
《赴美生女》上月思琦在洛杉磯誕下女兒楊卓穎，同時傳與吳帥分手，昨日她回港為復出作準備。
楊思琦昨晚在微博上載抱着囡囡楊卓穎的照片， B女似足吳帥（小圖）。微博圖片
鼎爺唔肯出錢養女
其他娛樂名人影片
楊思琦昨早單拖回港，問鼎爺可有甚麼鼓勵說話？他昨日在電話中說：「叫佢快啲調理好身體， BB精靈，快高長大，健健康康。」但鼎爺謂幫手養女免問，他說：「唔關我事喎大佬，養個細路，佢有份人工喺度冇話唔得，細路仔最緊要食得飽着得暖，物質嘅嘢係睇大人嘅啫。」鼎爺可鼓勵思琦原諒囡囡的爸爸吳帥？他說：「呢樣嘢要問佢。」思琦做單親媽咪的路很難行，鼎爺說：「冇辦法，辛苦都係咁話，條路佢自己揀。」若思琦開聲向鼎爺和豪仔父子求助，鼎爺可會答應？他說：「冇所謂，朋友始終係朋友，能力上幫到就幫，財力上我都冇乜錢。」採訪：比華利 
李家鼎表示願助思琦解困，但借錢免問。資料圖片
楊思琦堅強：努力照顧個女
到美國待產半年的楊思琦昨日抱女返港，被記者追問愛女Krystal的生父是否前香港跳水隊隊員吳帥？即使接機的高層樂易玲在旁着她回答，但思琦顯得有口難言，只直認女兒跟她姓楊，並說：「我會好努力照顧個女！」擺明會做單親媽媽獨力養育女兒。
楊思琦昨晨7時與母親及女兒從美國洛杉磯一同返港，以調虎離山計讓女兒避開記者鏡頭，思琦在無綫高層樂易玲、曾醒明等5人安排下於8時許步出機場，接受記者訪問，思琦獨自出閘一臉病容，架上黑超身穿黑色長褸，明顯要遮掩臃腫身材，由職員幫她推出多件行李，期間因行李太重而跌滿地上，場面狼狽！當樂易玲着她做訪問時，思琦起初還自動波說：「大家好，多謝你哋，今日我返嚟，好多謝傳媒、記者朋友，自己嘅朋友同家人，仲有公司同樂小姐好關心我，我會好努力照顧個女，希望個女開心健康快樂成長，期間公司同朋友都幫我好多，仲有屋企人同經理人。」
摸索餵人奶
問到BB女是否已回港，思琦直認已從秘道送走BB女，她又指BB女太細個，怕閃光燈。問到BB女是否跟她姓？她說：「BB係跟我姓。（同BB爸爸分手？）呢啲唔回應。（係咪吳帥？）呢啲唔講。（同吳帥有冇聯絡？）呢啲都唔講。（以後都唔提佢？）呢啲唔答。」
有指吳帥是楊母介紹，思琦避而不答：「我要講嘅都差唔多，其他唔回應，之前喺微博或經公司想講嘅都講咗！」問日後會否向女兒講解誰是父親？她說：「大個先算！」在旁的樂小姐即搭嘴說：「你以後要聽話，唔好咁硬頸，聽媽咪話。」思琦即點頭稱是。
問B女為何不在身邊？她說：「佢一早返咗嚟，已安排佢返港！」對於是否餵人奶？她說：「摸索緊，學習階段。」隨即在無綫一眾人伴同到停車場，問返港後會否跟李泳豪聯絡？她說：「應該唔會。」
最緊張「掃風」
思琦於晚上8時30分在微博上載與女兒的合照，並寫：「我們終於回到香港了，雖然有點累！但回家到（回到家）的感覺很溫暖！」
另外，思琦昨晚接受無綫《東張西望》訪問，BB女現由她及母親照顧，初為人母最緊張便是為BB「掃風」，因掃得不好，BB便會生病。
至於吳帥好友俞越曾爆吳帥和思琦於6月結婚，當記者致電他問思琦返港一事，俞越顯得極之驚青，只說：「我同佢好耐冇聯絡！」他又表示自己鮮有跟吳帥見面，所以不知道他們的近況。問思琦和吳帥是否已分手？俞越說：「我唔知呀！太耐冇見，唔想再理佢哋嘅嘢！」
第一手消息請下載on.cc東方互動iPhone/iPad/Android Apps
專案組
戴上黑超的思琦，被推冧行李車時嚇到彈起。
楊思琦獨自出閘，眼見行李倒地四散，神情尷尬，其後任由記者拍照，成功引開視線。
思琦被大批傳媒圍着追訪，卻不肯透露BB生父是誰。
無綫高層樂易玲（左一）和曾醒明（左三）齊接思琦機。
泳豪：邊個受害唔重要
未婚產女的楊思琦昨日高調回港，惹來網友指她以受害者自居，舊愛李泳豪心情則未受影響，昨日上午已離家與男友人往醫肚及前往車行傾談今日出席賽車學校開幕事宜。被問到思琦回港，他說：「我知！今朝有記者打咗畀我。（會唔會主動聯絡？）唔會。（吳帥唔見影，思琦回頭會否接受？）假設性問題唔答嘞！希望佢堅強面對，兩母女展開新一頁。」對於有網友質疑誰才是受害者，豪仔平靜地說：「邊個係受害者唔重要，唔想忘記都要忘記，呢一刻覺得好無奈，依家最重要係努力事業，勝過千言萬語。（需唔需要思琦公開向你道歉？）唔需要啦！以後各有各生活。」
至於豪仔父親李家鼎對於思琦回港，他表示已事過境遷沒有嬲思琦：「祝BB身體健康！（開工撞到會點？）思琦好尊重老人家，佢同我打招呼咪打囉！（擔心豪仔撞見思琦？）唔擔心咁多，搭飛機都會撞機啦！（驚豪仔受唔住刺激？）唔會啦！問番佢本人。（有人話思琦好似受害者咁？）我唔知，唔喺現場。（你覺得思琦係咪要同豪仔公開道歉？）我可以同佢講咩？豪仔可以同佢講咩？（思琦係咪應該道歉？）我唔識答，唔知。」
李泳豪與友人前往車行，傾談今日出席賽車學校開幕事宜。
調虎離山B女順利「閃」
楊思琦與楊母及女兒齊從美國返港，預早知道大批傳媒在機場等候，為怕現場有混亂未敢抱着B女Krystal齊面對鏡頭，由母親抱B女從另一通道離開。據知，三婆孫出閘前，思琦感到身體不適，亦擔心愛女會受到記者追訪，把愛女交託母親帶離機場，而為穩陣起見，思琦更先交託其他人照顧，調虎離山避開傳媒耳目。
同時，離港半年的思琦回程途中可能因過度緊張，在飛機上又屙又嘔，而初生女兒Krystal亦出現發燒，相信母女回家後第一件事便是好好休息及光顧醫生。
思琦上車時滿面倦容，原來在飛機上又屙又嘔。
思琦在樂易玲陪同下登上七人車離開，返回寓所。
壓力大須危機應變
昨晨返港的單親媽咪楊思琦，雖然獲無綫高層樂易玲及曾醒明接機，但仍要獨力應付傳媒，壓力甚大，而她返家後又屙又嘔，臨床身心行為學家李寶能表示，思琦因為心理因素而導致生理排斥，屬於「身心症狀」一種，他認為思琦要懂得處理危機應變，要經得起考驗，否則愈是抑壓，只會令症狀惡化。至於思琦將來的路是否難行，李寶能說：「佢嘅心態需要調整，要掌握自己狀態，態度要積極，計劃自己人生。」
留言列表
{{ article.title }}
