徐濠縈昨日在微博張貼戴口罩照片，她透露從巴黎返港時已又屙又嘔，前日工作時更四肢無力，前晚深夜更發高燒，經醫生診斷證實患上豬流感，須自行隔離，現在她最擔心是前晚出大汗時與女兒同睡，怕傳染她。


其他娛樂名人影片

徐濠縈昨日在微博貼上一張戴口罩照片，看過醫生後證實她患上豬流感，她昨日在電話中說：「其實喺巴黎返嚟已經又屙又嘔，一日幾次，睇完醫生打支針後冇事，噚日仲開工去影相，影相嗰陣忽然周身骨痛四肢無力，返到屋企仲發冷、又燒到百幾度，初頭都瞓唔到，到半夜瞓着 feel到自己出咗身大汗。

放大圖片
徐濠縈謂醫生證實她患上豬流感。微博圖片

徐濠縈謂醫生證實她患上豬流感。微博圖片

放大圖片
豹腿阿徐看醫生時仍不忘拍照。微博圖片

豹腿阿徐看醫生時仍不忘拍照。微博圖片

哮喘底怕氣促 放大圖片
徐濠縈指現在生病，要與女兒康堤保持距離。資料圖片

徐濠縈指現在生病，要與女兒康堤保持距離。資料圖片

「今朝即刻去睇醫生，我好奇怪又冇流鼻水同咳，佢話我係患上豬流感，佢話呢個病家普遍咗好多，原因不明，因為啲感冒菌會不停變種，不過一開始都係屙同嘔，可以好快復原，亦有少數人會惡化，醫生話關鍵睇埋夜晚仲有冇發燒，要觀察住，佢最擔心係我有哮喘底，怕我氣促，同埋記住要勤洗手多休息。」阿徐續說：「我最怕傳染個女，噚晚成身汗時仲同佢一齊瞓，雖然距離都好遠，醫生話乜都會傳染，汗水都會，家會自行隔離，戴口罩、唔會抱抱同咀嘴個女。

知會合作夥伴

「我仲打埋電話畀一齊做嘢啲人好似化妝師咁，因為我哋噚日一齊 share嘢食，呢幾日都唔會周圍去，喺屋企上吓網算啦。」此外，阿徐老公陳奕迅（ Eason）與劉若英及內地演員白冰合演的愛情喜劇《隱婚男女》快將上映， Eason指開拍時以為拍愛情喜劇很輕鬆，其實有苦自己知，片中一場老婆白冰餵他吃橙，但準備的橙十分酸， Eason還要做出很享受的表情。採訪： Faye Lam


徐濠濠上周還精神爽利出席 Moiselle時裝騷。資料圖片

arrow
arrow
    全站熱搜

    stacylife 發表在 痞客邦 留言(0) 人氣()

    E-mail轉寄