戲中做男妓的 William，一開場已經要對住「爸爸生」余安安除褲自瀆，雖然唔使露股，不過又用 KY又紙巾，隻右手仲不斷有所動作，意識都算大膽。
半裸周圍走
為遷就拍攝場地，導演要一晚之內完成 William同班闊太去酒店開房的戲分，包括夏文汐、吳家麗和扮台灣富婆搞笑居多的盧覓雪。
不停剝衫着衫， William索性在拍攝現場打大赤肋晒巨胸，「拍嗰陣天氣好熱，我由天黑拍到天光， 3場床戲一晚搞掂晒，為咗唔想除完又着咁麻煩，喺片場咪淨係着住條 boxer囉！好在幾位前輩性格都好爽，唔會介意。」
葉璇摷胸
唔係第一次拍床戲，不過首次一人分飾兩角兼要激戰年過 40的對手， William都話最初好緊張。「最初都有擔心做得唔好，都有特登參考講男妓嘅電影。其實拍床戲之前我哋試咗好多次位，想一 take過搞掂，而幾個前輩好有經驗又好人，所以我都冇特別着多幾條褲打底。我淨係盡量代入角色，當佢哋係我女朋友，咁先唔會尷尬！」
威廉負責露肉，夏文汐就要同戲中好姊妹葉璇搞 les，激咀 3分鐘。「有場戲講葉璇向我表白，話暗戀咗我好耐，跟住就錫埋嚟，仲伸隻手入件衫度摸我個胸。我覺得咀女仔同咀男仔其實冇分別，大家都係人啫！」當年拍《唐朝豪放女》全祼都未驚過，玩吓 les濕濕碎啦！
我知女人心
《出軌的女人》講夏文汐同吳家麗呢班有錢但冇老公錫嘅闊太，因為生活無聊，開始返深圳叫鴨解悶。而鴨王陳偉霆生得靚仔又識氹女人，搞到夏文汐同吳家麗兩個好姊妹為爭鴨反面，但原來威廉係雙性戀，同吳家麗老公鄭丹瑞亦有一手，兩公婆齊齊出軌。
《出》片係導演潘源良第二部作品，第一部係 25年前的《戀愛季節》（左圖），由潘源良現任女友兼舊情人李麗珍主演，講珍妹同黃耀明的初戀故事。拍親都係女人戲，咁了解女人，唔怪得珍妹最後都揀咗佢啦！
全站熱搜
留言列表
{{ article.title }}
