近排盛傳無綫同「四大唱片公司」講掂數將會恢復邦交，唯獨謝安琪要繼續被封殺，好在禍不及老公，張繼聰上個禮拜三晚（八月四日）仲上《獎門人》玩遊戲。

 
上節目贏獎金獎品減輕吓屋企開支唔係壞事，所以張繼聰全晚表現落力，何止玩到露出粉橙色孖煙囱，玩坐波波遊戲時，懷疑衝力過猛，祠堂食到應，張繼聰要夾腳企將痛楚 減低。
之後接力玩心口壓爆波，落點繼續失準，張繼聰一玩完就閃埋人堆中，雙手放前有所動作。
雖然屋企已經有個寶貝仔張瞻，但無話同老婆「停工」嘅張繼聰無謂太盡，「自廢武功」，邊個負責先？

 


俾個挨二百磅嘅壯男衝埋坐上嚟，張繼聰承認對手落點失準，搞到佢行路丁字腳，隱隱作痛。


凌空接食物，張繼聰一樣咁落力，對贏獎品攞便宜志在必得！


呂慧儀原本想以鉸剪腳夾住吳家樂，可惜長腳蟹玉腿過長失敗，仲成個人跪低响地下，聲稱有三重打底嘅呂慧儀，始終避唔過一劫！


騎膊馬食意粉，吳文忻成個人跌低差啲走光，記者叫佢小心，驚佢玩到甩鼻，吳文忻即刻更正：「我唔係整容，係矯形，我身上無嘢係假！」

arrow
arrow
    全站熱搜

    stacylife 發表在 痞客邦 留言(0) 人氣()

    E-mail轉寄