記住影多幾張俾我家姐睇！（設計對白）
拍拖撞見記者做電燈膽，超蓮同Jeremy何只無黑面，仲拖晒手企定任影俾記者交功課，真識做！
賭王何鴻燊三房兩位千金超雲、超蓮，原本兩姊妹感情生活各自精彩，但家姐超雲最近同皮草太子爺王大業分手，外傳佢哋「公主病」鬥「公子病」，各不相讓下令半年短命戀玩完，雖然超雲失戀仲有心情去睇林峯演唱會，但無拖拍dry爆就係人都睇得出。
上個禮拜五（八月六日）晚上十一點，超雲同一位男性化打扮嘅女友，一齊去跑馬地蓮園食消夜。雖然超雲同朋友有講有笑，見到記者影相又面帶笑容，但係佢一雙充滿脂肪嘅拜拜手，化失戀悲憤為食量，擺明自暴自棄。
至於就快返英國繼續學業嘅細妹超蓮，同Jeremy就打風都打唔甩，上個禮拜三（八月四日）兩個爭取時間拍拖，去銅鑼灣百德新街shopping，沿途撞見記者，企定拖手sweet爆任影，擺明向失戀家姐晒命。
四圍都係大減價，超蓮間間都要睇，Jeremy就做觀音兵幫手攞戰利品，仲會幫眼俾意見女友。
買到咁上下，兩個行番上車準備走人，Jeremy臨走前幫超蓮買珍珠奶茶解渴，咁細心，加上兩個又稱得上郎才女貌，超雲他日再戰情場，真係要好好問吓細妹有咩心得。
4/8
知道女友行街行到又熱又口乾，臨走前Jeremy去超蓮經常幫襯、收銀機前貼有佢哋拍拖照（圖白圈）嘅珍珠奶茶店買嘢飲，原本超蓮可以安坐車上歎冷氣透涼，佢最後決定返去搵Jeremy一齊等外賣，分開一陣都唔得！
超蓮終於有斬獲，Jeremy幫手攞戰利品，仲幫女友攞銀包。
超蓮睇中個背囊，Jeremy摸完質地擰擰頭，超蓮即刻聽晒話放低無買。
6/8
失戀超雲見到記者一樣咁nice，面向鏡頭笑晒問：「做咩呀（影相）？」
無拍拖，超雲雖然著衫品味依然講究，但手臂脂肪明顯失控，失戀又唔係世界末日，食少餐消夜keep吓啦！
留言列表
{{ article.title }}
