白歆惠願做貓做狗兩年就嫁

兩大名模熊黛林（Lynn）與白歆惠雖聲稱以事業為重，但談到結婚，白歆惠已有人認頭，還計劃兩年後結婚；但一向恨嫁的Lynn卻遭緋聞男友郭富城於另一邊廂發表不婚言論，Lynn見婚期冇望即時轉軚，反指自己心態未成熟才未有心理準備嫁人！

熊黛林自認不夠成熟，故等自己「玩夠」才會想結婚問題。

台灣名模白歆惠和王心恬昨晚與名模熊黛林（Lynn）、Cara G.等為M.A.C彩妝派對擔任模特兒，眾人化身貓女郎行騷，白歆惠則不慎透出白色底褲，場面香艷。同場嘉賓包括莊思敏、戴妮廷、李卓庭、李蘊等青春女星，星光熠熠。

拒絕再提黃曉明

白歆惠受訪時自言是隻俏皮貓，性格也似貓：「我覺得貓的性格愛理不理，有時很黏人，有時卻不黏人，但其實也想像狗，因為狗無時無刻都很忠心。」被笑指是否似老虎乸，她嬌嗲地說：「不會，自己對男友很好，有學煮飯，就算兩人吵架我都會先低頭，我希望自己是一隻獨立的貓，然後發展成為男友或老公喜歡的狗。」

王心恬新妝上陣，令人眼前一亮。

白歆惠甜蜜表示與男友拍拖約五年，兩、三年後便會結婚。

提起男友，白歆惠一面甜蜜，還稱與男友拍拖四、五年，亦已談過結婚問題，打算兩、三年後結婚：「現在以事業為先，想儲多些錢等小朋友將來有更好的生活。」被問到曾傳緋聞的黃曉明也在香港，會否相約，她說：「不會啦。（是否因已分手？）我快要崩潰了，不要再問。」

戴妮廷盛裝到場，低胸晒料。

司儀楊洛婷（左）及吳嘉龍與眾模在台上談笑風生。

Cara G.的背心打扮充滿青春活力。

不怕做高齡產婦

另一邊廂，Lynn被問到城城在首映上發表不婚言論時回應說：「佢都唔係第一次咁講，佢成日都咁講。（對住你係咪咁講？）我冇問呢啲。」為配合城城，她亦表示要遲數年才想結婚這問題。被問到大家是否有共識？她說：「唔係。雖然今年三字頭，但一個女仔想有自己事業，想做多幾年嘢，我覺得自己仲未成熟，驚會後悔，等心理準備好啲先，唔想有唔開心事發生，結婚想一生一世。（等城城玩夠先？）等我自己玩夠。」

Lynn又謂就算遲婚亦不擔心做高齡產婦，亦否認曾逼婚：「唔會，我都冇同人傾過呢個問題，包括家人或朋友。（如果城城唔結婚係咪搵第二個？）都唔關事，唔會成日拉埋一齊講。」

三貓女談情說愛白歆惠嫁硬　黛林未玩夠
其他娛樂名人影片

台灣名模白歆惠噚晚同有「小林志玲」之稱嘅師妹王心恬，以及熊黛林化身為貓女郎，喺香港太古坊幫化妝品牌 M.A.C示範最新秋季彩妝，莊思敏、 Cara G.等就去到捧場。

放大圖片
熊黛林話今年踏入 30歲，但唔怕嫁唔出做敗犬。

熊黛林話今年踏入 30歲，但唔怕嫁唔出做敗犬。

放大圖片
白歆惠穿得密實，但好彩有呢個誘人甫士搭夠。

白歆惠穿得密實，但好彩有呢個誘人甫士搭夠。

小志玲有男友

白歆惠扮住貓嘅動作出場，佢話自己性格好似貓咁愛理不理，講到對男友，佢就話唔會係老虎乸，有時嗌交都係自己低頭先。白歆惠又自讚將來會係個好太太，佢話：「我和這男友拍拖 4、 5年，我們都有結婚計劃，但希望先賺多些錢，讓小孩將來生活得好一點。」提起同佢傳過緋聞嘅黃曉明都嚟咗香港，佢即刻話黃曉明唔係緋聞男友，仲話同曉明只係工作上嘅朋友。王心恬都好似師姐咁大方，承認有個 25歲嘅男朋友，問佢怕唔怕做模特兒誘惑多？心恬話：「我不會隨便鍾意男人。」

黛林怕唔開心

熊黛林就再被追問會唔會同郭富城結婚？佢即刻話從來冇同人講呢啲問題，唔會逼婚，佢話結婚係配合自己嘅事業，唔係配合城城嘅時間，問佢怕唔怕做敗犬？佢話：「唔會囉，太早唔成熟，唔想後悔同有唔開心事發生。」會唔會怕嫁唔出？佢即刻話：「唔係啩。」佢又話自己好傳統嘅，結婚係一生一世，係咪等城城玩夠先？佢話：「我等自己玩夠先啦，家科技咁先進，我亦唔怕會做高齡產婦。」

白歆惠（左）坦言與男友傾過兩、三年後結婚、王心恬（中）有男友，比未獲承認女友身份的熊黛林（右）幸福得多。

Lynn出嫁無期唔驚做敗犬

郭富城昨晚公開不婚宣言，有意結婚的熊黛林出席另一活動時，即配合男友收口！相反同場的台模白歆惠，則自爆與男友計劃結婚，甜蜜晒幸福！

城城與熊黛林（Lynn）是公認的一對，不時被外界追問婚期，可惜神女有心、襄王無夢！城城昨晚公開不婚宣言，Lynn只好識時務配合！Lynn昨晚與白歆惠、王心恬，莊思敏、Cara G.、李蘊、戴妮廷及日本通王友良等出席M.A.C彩妝派對，向來有結婚打算的Lynn，對於城城發不婚宣言，她即鎮定地說：「佢唔係第一次咁講，成日都咁講！（對住你係咪咁講？）我冇問喎！」經記者多番追問，她依然口硬否認配合城城：「係配合自己事業啫！係冇共識！」

白歆惠宣布兩年後出嫁，有晒計劃，難怪她春風滿面。

白歆惠（左起）、王心恬及Lynn同台比併，各具媚態。

Cara以小背心襯短打，充滿夏日感！

「唔關城城事」

問到是否等城城玩夠才結婚？Lynn說：「等我自己玩夠！我冇同人傾過呢個問題，包括屋企人同朋友！（城城唔結婚，你搵過第二個？）都唔關佢事，唔好成日扯埋一齊講！」雖然避談細節，但她默認有意結婚：「結婚遲多幾年先啦！」年屆30歲的她，坦言不擔心被指「敗犬」（未嫁的「中女」），強調目前以事業為先：「等心理準備好啲先（結婚），唔想有唔開心事發生，我好傳統，係想一生一世！」她揚言不相信嫁不出，亦無懼做高齡產婦。

模特兒扮貓出爪，吳嘉龍似乎唔多欣賞。

李蘊悉心打扮，與男伴齊齊睇騷。

戴妮廷獨自赴會，悠然自得。

聞曉明崩潰

另一邊廂，白歆惠則自爆獲拍拖近5年的男友求婚，計劃兩年後結婚，她更自稱性格似貓：「其實我想似狗多啲，因為狗無時無刻都咁忠心！我唔會係老虎乸，因為我對男友好好，學煮飯、鬧交都會先低頭！希望自己係一隻獨立貓，然後發展為男友喜歡嘅狗！」看來她樂做小女人。另外，提到前緋聞男友黃曉明同樣在港，她即大叫：「快崩潰喇！唔好再問！」

名人組