娛樂八掛大放送★

鄧穎芝對海鮮西餐尤其鍾愛，因為在繁忙生活中，可慢慢享受晚飯的過程，加上優美環境，實行浪漫一番。

歌手鄧穎芝享受用餐過程，貪西餐不會像中菜般「快來快去」，僅以半小時填飽肚子的用餐方法，並不是她所求：「食物質素當然重要，但環境同氣氛我都好有要求。食西餐可以一道菜、一道菜慢慢食，有充足時間邊食邊感受整個氣氛，試諗吓，有機會同另一半喺一間環境浪漫嘅餐廳食嘢，一邊摸住酒杯底，好浪漫！」

情傾海鮮的鄧穎芝，今次一口氣點了龍蝦作前菜，還有海龍皇湯，主菜則選來藍青口和法國藍蝦松露菌汁的扁意粉，面對一碟碟美食，食指大動的她說：「海鮮會將餸菜本身嘅味道再帶出鮮甜味，所以揀海鮮一定要新鮮，先可以將食物味道發揮出嚟。」

法國藍蝦夠鮮味

面對黑松露扁意粉，她讚不絕口說：「Osiblue Prawns（法國藍蝦）好鮮味，同個松露菌汁好夾，同埋我鍾意食Linguine（扁意粉），因為佢闊度喺Spaghetti（意粉）同Fettucine（粗意粉）之間，入口感覺好適合。」

場地：31010656

影視組

鄧穎芝對食甚講究，會選擇環境好、食材新鮮的餐廳慢慢歎。

黑松露扁意粉配法國藍蝦松露菌汁 $298
採用法國藍蝦，體積較大和鮮味，配黑松露汁將香味散發出來。

意式龍蝦協奏曲 $248
菜式選上波士頓龍蝦肉，夾着Buffalo Cheese和西班牙三十六個月大的黑毛豬火腿（Air-Dried Iberico Ham），因取其味道較濃更可口。

法國普羅旺斯海龍皇湯 $128
材料有新鮮青口、帶子、長蟹腳，配海鮮湯底，重點採了藏紅花調味。湯底至上枱時才與配料混合，能準確地保持適當溫度。

澳洲有機藍青口 $238
選用Erdinger啤酒和Bouillabaisse濃味魚湯烹調，配上洋葱及羅勒調味，分外可口。

暖心杏仁朱古力布甸配雲呢拿雪糕及雜草莓 $78

鄧穎芝親自為這道法國普羅旺斯海龍皇湯「上湯」，不怕配料浸腍晒。