肥佬黎出嘅免費報《爽報》，最近聲稱有新招，就係出「中午版」於午飯時間派，表面上睇，係攻佔午間市場，但有行家踢爆指，其實《爽報》印量受印刷廠能力所限，部分趕唔切於朝早黃金時段出街，惟有延遲到中午再派，可以話係「殘缺」扮「新猷」。
壹傳媒間印刷廠因要幫《am730》印，《爽報》清晨前只能勉強印到近八十萬份，同《頭條日報》比較差咗一截（該報早上出紙九十五萬份），肥佬黎有苦自己知，惟有將印遲嘅報紙在中午再派，希望增加派發量。
《爽報》只印到約八十萬份朝早出街，遲印的報紙惟有在中午再派，但已錯過黃金時段。
但行家指出，免費報最重要係「捉」到朝早返工嘅人流，因為呢段時間上班嘅讀者都想第一時間睇新聞，廣告效力亦最大，如果miss咗，到中午至攞報紙睇嘅人，多數唔係「好客」，也可能已經攞過一次，讀者重複咗，以至廣告作用大減。所以，《爽報》中午再派，讀者唔受落，廣告客戶更加唔buy。
《爽報》印得遲亦連累《am730》，早前肥佬黎已對《am730》限制多多（唔可以增加篇幅），近來更試過印唔切，影響頭輪數量。睇嚟《爽報》印刷缺陷好難解決。
《爽報》內容走色情路線，引起公眾罵聲四起，除咗團體紛紛聲討，多間學校講明唔准學生帶埋返校，但肥佬黎早前接受香港電台訪問，竟然話自己曾建議《爽報》有味內容可以「再鹹啲」，又指「學校立場不等同學生立場」，即係鼓勵學生抗命，鹹古照睇。
肥佬黎話《爽報》內容可以「再鹹啲」！
文章標籤
全站熱搜
留言列表
{{ article.title }}
