Winning Eleven12 《 WE2012》要攻得爽　先學冬菇頭分身術－娛樂八掛大放送★

由 PS年代玩到家，大把機迷同我一樣係 Die Hard波牛，亦係飲《 Winning Eleven》奶水長大。每年指定作《 WE2012》又再推出，起初擔心只約略 Update吓轉會球員名單，好彩新加同時控制兩名球員嘅新系統，讓你盤球進攻之餘，仲可用「冬菇頭」 Analog掣操控另一隊友配合走位，進攻上靈活得多！記者：陳國輝攝影：譚盈傑Model： Rika@GME

其他副刊影片動作細微　節奏更快放大圖片
■版權問題，部份球會、球員名字連會徽都完全唔一樣。

■版權問題，部份球會、球員名字連會徽都完全唔一樣。

玩過咁多集，入到 Menu熟口熟面，只係代言人唔再係美斯，改為葡萄牙型男 C朗而已！由揀隊、設定戰術、顯示出場陣容然後 Kick Off，除咗介面經重新設計，玩法流程跟以往分別不大。必須留意係，因為球員 Data比以往更加複雜，可能會令到今集「撈機」速度無咁快。講到底，最重要係落場有無 Feel，如果同上幾代比，感覺就唔同晒！最大分別係當球員前跑、傳波、轉身或者攔截時，動作明顯細緻咗，而且相當順滑，但換來另一種感覺，就係似玩緊《 FIFA》系列，呢樣嘢究竟好定唔好，《 WE》粉絲不妨買返屋企 Feel吓！另一令機迷關注嘅，係球員名單夠唔夠 Update。今集以 8月開賽時嘅名單為基礎，大部份英超球會都無官方授權，小記粗略試玩，只見曼聯一隊用實名，其他只有疑似「 London FC」、「 Blue London」等假名，好彩今集同樣畀你「手動」逐一改番真名，係麻煩啲啫。

放大圖片
■曼聯波衫有贊助商圖案，但假隊就無名無姓喇。

■曼聯波衫有贊助商圖案，但假隊就無名無姓喇。

放大圖片
■就算玩開《 WE》系列，都覺得今集比以往節奏快。

■就算玩開《 WE》系列，都覺得今集比以往節奏快。

操控兩名球員　拉開對手放大圖片

有留意片頭 Opening，又或比賽慢鏡重播，你會發現畫面明顯細緻咗。以今集代言人葡萄牙 C朗拿度為例，佢除咗外表同真人超過九成相似，身體上嘅皮膚顏色、質感、頭髮嘅鬈曲程度，甚至臉上每一滴汗珠，也製作得相當認真。不過並非每名球員也如此神似，西班牙靚仔費蘭度托利斯，就明顯同真人有出入喇。全新嘅 AI以及操控系統，亦喺今集有重大改進。以往你可能嫌隊友「唔醒目」，唔識得走位！其實《 WE》的 AI一直採取直線走位作為進攻策略，但如果你想隊友幫你拉開對手，讓你可在無人看管下向前衝，又可以點做？原來，今集你可透過「控制隊友系統」來操作兩名球員，只要利用右邊冬菇頭 Analog掣，就可控制佢走動；另外，你掟界外球、處理罰球或角球嗰陣，也可操控場上嘅球員，令你制訂唔同嘅進攻或防守策略，不過《 WE》迷就要畀啲時間熟習吓喇。

放大圖片
■開罰球嗰陣，你可選擇控制場內任何球員。