張智霖（Chilam）與太太袁詠儀（靚靚）愈住愈豪，近日被本報發現以月租20萬元搬入淺水灣豪宅，據知靚靚愛新居風水好，加上舉家去佛教法會祈福及狂掃中藥調理身子，實行三管齊下，誓為張家添個「小龍女」！
自5年前誕下囝囝張慕童（魔童）後，靚靚一直想追個女，明年龍年是生B的旺季，靚靚積極想辦法為魔童添個妹妹，更不惜放棄在內地拍劇的掘金機會，留在香港調理身子，而老公Chilam則歌、影、視三棲發展，落力搵錢讓一家人住得舒舒服服！近日，本報發現兩公婆的座駕經常出入淺水灣道63號豪宅，原來張氏一家愈住愈豪，正式搬入月租近20萬元的海景單位，附近環境清幽怡人，似乎風水不錯。
掃中藥補身
Chilam昨日駕車載靚靚由新居前往銅鑼灣一間麵店醫肚，然後逛家品店，為新居睇燈飾及揀傢俬。記者上前打招呼，問Chilam是否豪租十幾萬元的靚單位，他笑說：「嘩！點只呀？（點解搬入去？）因為鍾意呢度囉！」問到是否為添女兒而揀風水屋，他笑而不答，然後登車離開。
至於致力調理身子的靚靚，日前獨自駕車到中環一間中藥店掃貨，滿載而歸，為「靚肚」打氣。連日來誠心帶囝囝魔童到法會聽道的她，現今租住風水屋、調理身子及祈福三管齊下，做足準備為老公添個「小龍女」！
音樂組
遷入風水屋的靚靚與Chilam，日前行街為新居添置家品。
Chilam與靚靚的座駕，頻頻出入淺水灣道新居。
靚靚與Chilam選家品時有商有量，結婚多年不減恩愛。
Chilam與靚靚住得豪卻食得慳，不介意光顧平民小店醫肚。
為生女鋪路的靚靚，到中藥店掃貨調理身子。
全站熱搜
留言列表
{{ article.title }}
