本報昨日率先踢爆蔡卓妍（阿 Sa）和新一代媾女王陳偉霆（ William）去年秘密撻着，當時阿 Sa尚未和鄭中基離婚，而 William仍和 Angelababy拍拖，因兩人昨日仍身在內地一同工作，故未有現身回應。消息曝光後阿 Sa昨晚罕有地透過唱片公司英皇直認和 William拍拖，但她強調：「我哋係剛剛開始嘅戀情，發展時雙方都喺單身嘅情況下一起，啱啱開始 3個月。」有傳阿 Sa和 William拍 MV定情，阿 Sa卻否認，她聲稱：「因為我哋生日係相隔一日，所以一向私交甚篤，加上又經常合作，咁好自然下發展感情。」唱片公司表示後日阿 Sa會返港，屆時會親自向公眾交代。
放大圖片 
阿 Sa在公開承認與陳偉霆拍拖前，已毫不避忌地將兩人的自拍親密照放上微博。
放大圖片 
鄭中基昨晚大方承認和余思敏（右圖）曾約會吃飯，並表示雙方的確在發展當中。資料圖片
中基認與主播約會
至於鄭中基被傳和有線主播余思敏拍拖，他昨日說：「我哋食過幾次飯，算係發展階段，可以講嘅係咁多。」至於阿 Sa承認同 William已拍拖三個月，鄭中基表示祝福。與阿 Sa同公司的容祖兒昨晚出席商台 DJ朱薰的婚宴時，被問到阿 Sa和 William拍拖，她說：「咁我私下會恭喜佢，我唔係一早知，不過只要佢哋開心就得。」祖兒又指阿 Sa和 William外形合襯。對於 William被指為媾女王，祖兒會否訓示他好好對阿 Sa？祖兒說：「佢係好男友，大家都會 feel到阿 Sa開心。」而 William前女友 Angelababy透過經理人 Kim說：「會祝福佢哋，朋友開心就得。」採訪：馬建華、林妙萍 
熱戀中的阿 Sa和陳偉霆早前一起拍廣告，恩愛之情早已表露無遺。
陳偉霆肉麻示愛娶硬阿Sa
28歲的蔡卓妍（阿Sa）和25歲的陳偉霆（William）墮入愛河，昨日兩人向本報自爆拍拖三個月，William更公開示愛：「唔怕肉麻講我哋係熱戀期，我好愛佢，認定佢係結婚對象。」
自從去年William和Angelababy分手，阿Sa又跟前夫鄭中基離婚後，據知各受情傷的他們，因近期合作多了一撻即着，身邊密友透露，由於兩人都是天蠍座，性格好夾，阿Sa欣賞William發憤圖強，是一個有上進心又孝順的男人，William就鍾意阿Sa性格樂天，帶給他快樂。
微博晒貼頭相傳情
前日他們「拍拖更」去鄭州舉行歌友會，阿Sa還不避嫌在微博上載兩人的貼頭相傳情。
記者致電阿Sa，她大方承認戀情：「我哋係拍拖，開始咗好短時間，諗住感情穩定時候就公開，唔需要隱瞞。」William亦坦白說：「係好神奇緣分，雖然識咗七年，中間唔係咁熟，呢幾個月合作多咗，傾心事多咗，大家互有好感。」
雖然他們拍《美麗密令》時曾傳緋聞，當時William未跟Baby分手，阿Sa亦是有夫之婦，William強調大家一齊時都是單身：「我哋冇諗過要隱瞞，只不過開始太短，想穩定先講。（依家穩定？）唔怕肉麻咁講，依家係熱戀期，我好愛佢，包括人同心，唔想否認戀情傷害阿Sa，我哋公開係想成件事輕鬆、開心，希望可以過情侶生活，拖手行街睇戲，得到大家祝福。」
祖兒與關智斌恭喜阿Sa蜜運。
早前阿Sa與陳偉霆一起慶祝生日。（資料圖片）
唔介意阿Sa曾結婚
William否認二人同居，又說不介意阿Sa曾結婚：「當你愛一個人，會接受佢過去。（有冇諗過同阿Sa結婚？）等上天安排，不過我認定佢係結婚對象。」據知兩人將於今日返港，展開新戀情的阿Sa，其前夫鄭中基亦跟有線主播余思敏傳緋聞。
容祖兒昨晚出席朱薰婚宴，對於阿Sa和William承認拍拖，她說聲恭喜，還說兩人很襯，再問阿Sa同William襯還是與前夫襯？祖兒笑說：「同阿嬌最襯。（訓示William？）相信佢係好男友，見阿Sa咁靚就知活喺開心當中。（羨慕？）我不知幾好，依家好幸福。」而William的舊愛Baby經理人回應：「如果係真，就祝福佢哋。」
留言列表
{{ article.title }}
