港姐出身的無綫藝員林淑敏，去年不幸患上乳癌，接受化療時依然開工拍《法證先鋒 III》。接受完化療後的林淑敏昨日首度復工出席宣傳，一眾演員送上問候。林淑敏憶述當日治療時依然堅持戴假髮上陣，形容自己相當拼搏。
無綫台慶劇《法證先鋒 III》今晚首播，昨日監製梅小青率領演員黎耀祥、張可頤、陳茵媺、吳卓羲和徐子珊等，一同到天際 100出席宣傳活動。日前在微博自爆去年不幸患上乳癌的林淑敏，昨日首度復工，現場見她頭髮已長出來，留了一個男仔頭，身形比前發福，精神不錯，現場一眾演員見到她即紛紛上前問候打氣，場面溫馨。
已好轉仍需治療
林淑敏坦言拍攝《法 III》時已接受化療，頭髮一夜間盡甩，所以要戴上假髮拍攝，她說：「當日只有可頤、導演及小青姐知，佢哋好遷就我。」但為何化療期間仍頂硬上埋位，令自己如此辛苦？林淑敏謂：「其實我自己都驚，諗番都覺得好搏，始終做化療身體係有變化，如果發燒拍唔到就會影響全組人，但多謝劇組咁包容。」她透露現已康復，但仍有少許療程要進行，副作用亦已減到最少。
放大圖片 
吳卓羲和徐子珊合作多時，今次再拍檔默契十足。
放大圖片 
陳茵媺在劇中僅穿黑 bra上陣，播出該片段時全場譁然。
茵媺逼陳豪捧場
另外現場播出片段，當中一場講蕭正楠因倒了咖啡在陳茵媺身上，她在廁所清理時除去恤衫露出黑 bra，這片段一播出全場人譁然，陳茵媺坦言今次是最大膽演出，當時亦感到尷尬，男友陳豪是否批准？她笑說：「我係專業演員，咁真係劇情需要。」會否叫陳豪收看？陳茵媺笑言：「我會叫佢睇晒全套，因為要佢專業意見，佢唔會介意。」此外，張馨予之前在微博似暗示跟吳卓羲分手，他表示：「佢只係分享個角色啫，總之我冇嘢改變。」而祥仔表示若首播收視有 35點（ 224萬人），會自掏腰包請食飯。同場的元華之前跟城市電訊的王維基見面，是否跳槽？他表示一切言之尚早。採訪、攝影：溫敏芝 
林淑敏接受化療休息一段時間後昨日復工，一頭短髮的她精神奕奕。
陳豪期待媺來
陳豪早前跟廖碧兒（Bernice）甩拖後即搭上陳茵媺，但Bernice耿耿於懷，其助手更於微博數臭陳豪，但陳豪卻不介意繼續跟她扯上關係！
舊愛陳豪跟陳茵媺打得火熱，Berice似乎耿耿於懷，其助手日前更於微博力數陳豪。陳豪昨日為運動服裝行騷時表示，心情沒受影響，提到被Bernice助手數臭，他大方地說：「唔緊要啦！唔回應咁多，多謝佢！」問到會否覺得自己太好人？他說：「我係一個普通人，有時好，有時唔好。」問到會否建議Bernice放低過去？他說：「過去一切都係美好回憶，我依家只想有美好將來！」
陳豪還不介意與Bernice繼續扯上關係：「過去一切唔可以否定，過去點都過啦！我都要為將來打算！」談到未開拍的《金枝慾孽2》可能陣容不完整，他說：「仲有半年時間搵其他卡士，但如果少咗人會有啲寂寞。」
陳茵媺剝衫等評分
另一邊廂，陳茵媺昨日宣傳新劇《法證先鋒Ⅲ》，首播劇集的片段，其中一場講述她換衫除剩Bra，她直言是拍劇以來最大膽一次。問到有否叫陳豪欣賞？她說：「要睇晒成套，要佢畀專業意見。」此外，Bernice昨日出席活動時表示，不排除日後會以外援身份替無綫拍劇。
專案組
陳豪強調沒看過Bernice助手數臭他的文章，也沒有生氣。
在新劇除Bra的茵媺笑言，要陳豪欣賞整套新劇再畀意見。
眼見舊愛陳豪蜜運，Bernice不愁寂寞，跟狗仔咀嘴。
留言列表
{{ article.title }}
