末世打核戰係好多遊戲嘅題材，今次《 Fallout： New Vegas》預言中美發生衝突，一場毁滅性戰爭後，世界格局大變，新重建嘅維加斯仍保持賭城嘅特色，玩家出去打完敵人同怪物，仲可以去賭番兩手試吓運氣。記者：許福合
自由度高出名 放大圖片 
■戴上拳套抽擊怪物，爆晒血勁爽！
好多玩家對《 Fallout》系列，最有印象都係佢哋打起來自由度夠高，想做破壞王嘅可以隨便將場景內物件打爛佢，而想玩故事嘅玩家，又可因應遊戲進度而進入不同結局。今集連個名都轉埋 New Vegas，當然係用新發展賭城做背景。玩家一開始會在賭城外圍探索，而進入城內後，會發現本來嘅不夜城，在戰爭後滿目瘡痍，甚至因為核輻射而出現一批異形怪物。城內間中會見到似曾相識嘅賭城地標，而且仍然有賭場，可以賭番兩手，幫補吓裝備、補品嘅費用。
放大圖片 
■可隨自己的喜好令角色成長、加入或攻擊某個陣營。
放大圖片 
■戰後一片荒凉，畫面其實有啲似西部牛仔咁！
升級似 RPG 放大圖片 
■核戰之後，戶外活動經常會遇到變形人。
講到玩法，《 Fallout》更係有其特色，就係任你調校，除咗勇闖過關之外，仲要好好計劃主角「發育」方向。雖然遊戲係以射擊為主，不過戰鬥時會獲得經驗值及升級元素，可以學似 RPG玩法，設定角色發展方向。在網上討論區中，有唔少玩家就公佈自己嘅見解，如提高角色游說能力，遇到麻煩時都比較易搵到幫手；升級開鎖及潛入能力，方便偷偷地走入敵方基地，唔使打又可以慳番彈藥費；仲有個科學能力仲勁，變身黑客經電腦控制對方機械人或炮台幫手，不過講到尾，角色本身都要有番起碼嘅戰鬥力，唔係都幾難爆到機。
放大圖片 
■使用 Vault-Tec輔助瞄準系統，會先預估攻擊效果。
放大圖片 
新增 Hardcore難度 放大圖片 
這類射擊遊戲，主要睇玩家嘅反應同射擊準繩度，今次新版《 Fallout》仲會加大挑戰性，要照顧埋角色嘅起居飲食，新加入嘅「 Hardcore」難度，要注意補充角色食物同水份，咁都唔止，仲要安排佢瞓覺，最難玩仲係加入負重限制，無法帶晒全部裝備，出發前要好好規劃一下喇。今集仲有個比較有趣嘅系統，就係可玩名聲，賭城有三大主要勢力：新加州共和國（ NCR）、 Caesar's Legion（奴隸商人）以及 New Vegas居民，只要穿上佢哋制服做事，就有機會提升對應組織嘅名聲，好處就係可以叫人幫拖同買嘢有折扣，不過，着住制服遇到敵對組織時，就要準備開戰了。
放大圖片 
■ Hardcore要兼顧支援，難度更高。
放大圖片 
■高爾夫球桿都可以當武器，唔服唔得。
Profile 放大圖片 
主機： PS3/Xbox 360開發商： Obsidian Entertainment遊戲類型：射擊角色扮演遊戲人數： 1人推出日期： 10月 19日 
留言列表
{{ article.title }}
