又會唔搞慶功嘅？（設計對白）

《天與地》在元旦日播完大結局，收視高收接近三十九點，一直贏盡口碑又獲網民全程力撐，但 TVB無動於衷，陳豪、林保怡及黃德斌合唱的大熱主題曲更被踢出《勁歌金曲》榜，就連新任無綫行政主席梁乃鵬早前公開表示有好成績會慶祝，亦講過就算。
無綫大隻講，令一班演員睇唔過眼，在劇中做大家姐的金燕玲，索性自費帶埋紅酒邀請同劇演員擦餐勁，自己友搞慶功。

愈食愈 high

上週六（一月七日）晚，《天與地》一班演員陸續到達位於灣仔的老字號生記飯店，七點半左右，吹雞做波士的金燕玲最先出現，未幾，監製戚其義、黃德斌、陳豪、陳芷青以及朱慧敏等劇中演員輪住到。在劇中跟金燕玲最多對手戲的林保怡，原本答應連夜趕返香港出席慶功宴，但最後因要留在內地工作未有蒲頭。當晚一班演員 high爆，尤其被網民力捧演技超班的金燕玲，出錢之餘，更自備多支價值數千元的紅酒，跟大家分享。
「金燕玲好開心，佢雖然拎過唔少獎，演技早已受到肯定，不過都只限於電影方面，《天與地》令好多人留意佢，有口碑又有唔錯收視，算係佢近年拍劇代表作，就算播完大結局成個星期，佢都堅持要同大家慶祝；加上梁乃鵬之前講過成績好會有慶功宴，但結果又冇件事，金燕玲更加覺得要同大家打打氣。」知情者說。

 

放大圖片
 

《天》劇在網上大熱，網民更自製玩嘢慶功宴菜單，全部以家明做菜名，繼續以人食人為主題。

放大圖片
 

 

放大圖片
 

上週六晚七點半，主人家金燕玲跟友人先行到達生記。

放大圖片
 

朱慧敏在飯店見記者，不單有禮貌打招呼，入後，又頻頻向鏡頭揮手，她更表示當晚由金燕玲請客。

放大圖片
 

刻意打扮的戚其義跟黃德斌孖住到場，二人邊傾邊行。

放大圖片
 

早前澄清婚變謠言的陳芷青，當晚全黑打扮，由司機送到飯店門口，隨即急步走入大廈。

放大圖片
 

陳豪見附近有記者舉機影相，即時指向飯店，表示入去開餐。

放大圖片

《潛行狙擊》大收，梁乃鵬（前左三）自掏腰包請一班演員食飯慶祝，同樣有口碑有收視的《天與地》，對待卻是差天共地。

監製感觸

因為另一半蘇施黃識飲識食，身為搞手的金燕玲亦悉心安排慶功宴菜式，大部分都是酒樓的出名小炒。
「金燕玲不停咁加 餸，雖然當晚只有一圍大 枱十幾人，但佢叫 咗成廿幾味餸，大家都食到好飽，食到十一點，大家仲轉竇去食糖水。其實 嗰晚有份去 嘅台前幕後都好大感受，因為好難得拍到一個咁有水準 嘅劇集，阿戚（其義）尤其感觸，佢話雖然收視最後都去唔到四十點，但計埋網上五十幾萬點擊率，《天與地》已經有好好成績，證明觀眾可以接受新嘢，但要拍電影版，機會就微乎其微。」知情者說。

 

放大圖片
 

現年五十七歲，出道多年的金燕玲跟影壇大美人關之琳屬好姊妹，二人早前出席時裝活動，跟同樣來自台灣的桂綸美（左一）、侯佩岑（左二）影合照。

放大圖片
 

《潛行狙擊》大收，梁乃鵬（前左三）自掏腰包請一班演員食飯慶祝，同樣有口碑有收視的《天與地》，對待卻是差天共地。

星級小炒

放大圖片
 

 

位處灣仔軒尼詩道的生記飯店，有超過 30年歷史，最大特色是店內無魚缸，所有海鮮都是老闆娘黃太每日親自到避風塘艇家挑選。馳名撚手小菜有招牌鹽焗雞、煎黃腳 鱲、豉油王煎海中蝦、家鄉煎蓮藕餅、咕嚕肉及古法泥鯭粥等，菜式價錢由 50元至 240元不等，豐儉由人。沒有堂皇裝修，靠口碑吸引唔少名人幫襯，包括劉鑾雄、蘇施黃、李燦森、佘詩曼、楊天命等。

arrow
arrow
    全站熱搜
    創作者介紹
    創作者 stinglife 的頭像
    stinglife

    娛樂八掛大放送★

    stacylife 發表在 痞客邦 留言(0) 人氣()

    E-mail轉寄