六嬸帶團誘劉華撐《勁歌》
2011年01月13日


無綫與四大唱片版稅風波拉鋸年多，依然無法破冰，今年甚至放棄轉播力撐「四大」的商台《叱咤》及港台《十大中文金曲》頒獎禮，態度企硬。
為了鞏固大台地位，加上今年是《勁歌金曲》三十周年，無綫揸 fit人六嬸（方逸華）下旨，本週六（ 15/1）舉行的《勁歌頒獎禮》不容有失，必定要做到星光熠熠，唔可以失禮。
為此，無綫向已經退出樂壇頒獎禮四年，剛剛在紅館舉行完二十場演唱會的劉德華埋手，力邀他出席攞獎。在劉華尾場演唱會上，六嬸更破天荒搵埋三大高層，陳志雲、李寶安及樂易玲撐場，用人情打動劉華。
不容有失
上星期六（一月八日），劉德華二十場演唱會尾場，觀眾席上竟然出現演唱會稀客，無綫老闆娘六嬸（方逸華），她帶埋三大高層，包括業務總經理陳志雲、財政及行政總經理李寶安，以及製作資源部總監樂易玲，睇足全場，隆重晒馬，程度有如無綫台慶同六叔（邵逸夫）擺大壽。
六嬸今次高調拖馬捧劉華場，其實另有目的。她之所以親自帶隊，是希望打動劉華，俾面出席星期六（一月十五日）舉行的《勁歌金曲》頒獎禮。
「同四大唱片嘅版稅問題原本傾得好好哋，無綫喺錢銀上都有少許讓步，點知四大嗰邊得寸進尺，要無綫簽份備忘錄，裡面仲提到四大嘅歌手可以自由亮相其他電視台，無綫唔可以再一台壟斷。六嬸知道就梗係嬲到震，寧願反面，都唔就範，堅持唔簽呢份備忘錄。」一名無綫內部員工說。


睇足全場
六嬸俾足面，睇到紅館開晒大光燈先離場，而陳志雲同樂易玲更交足戲，睇到手舞足動。
 
後台合照
開騷前，六嬸帶埋一眾高層到後台，影相之餘，仲搵到劉華密斟。

巨獎利誘
被四大唱片辣到着晒火，為了面子，為咗啖氣，六嬸下令要搞好今次《勁歌》頒獎禮，唔可以比電台搞的失禮。要出王牌，無綫決定搵剛剛在紅館舉行完二十場演唱會、在樂壇分量、話題性及人氣都能以一敵百的劉華出席，務求《勁歌》可以有聲有色。
但礙於劉華自從○六年便絕跡所有樂壇頒獎禮，絕非有獎便可以請得到他出山，加上「最受歡迎男歌星」及「亞太區最受歡迎男歌星」劉華都攞過唔少次，多一個唔多、少一個唔少；無綫終於諗到適逢《勁歌》今年三十周年，而劉華同樣入行三十周年，於是專登為他設計出一個三十年殿堂級大獎，表揚劉華是過去在《勁歌》頒獎禮最強，得獎最多的歌手。度定靚位，候駕劉華上台。


慶功 Mark實
去到慶功宴上，樂易玲聯同何麗全繼續黐實劉華，力邀他出席《勁歌》。
 
出席完 06年《勁歌》頒獎禮後，劉華就絕跡所有音樂頒獎禮。

劉華俾面
至於向來對娘家無綫表現得尊重的劉華，雖然已經同無綫無任何合約關係多年，但在接受其他電視台訪問時，他仍然堅持以普通話做訪問，是四大天王中唯一一個例外，所以當無綫主動開聲邀請，加埋六嬸親自出馬到場落嘴頭，劉華想推，都有難度。
「其實劉華都心郁郁，覺得自己好有面子，至於東亞（劉華所屬唱片公司）就梗係想佢去，因為劉華肯去，對幫同公司嘅歌手爭獎始終有利！」知情者說。
無綫方面將劉華當作撒手鐧，一直秘而不宣，加上劉華仍未正式落實出席，上週六晚，劉華在慶功宴上被問到會否出席《勁歌》頒獎禮時，他便講笑說：「咁克勤去唔去？（克勤係四大唱片去唔到！）咁克勤唔去，我都唔去啦！哈哈……」


九十年代劉華與其他三位天王經常在頒獎禮中鬥個你死我活，製造過不少經典場面。
 
劉華請來小龍女陳玉蓮做嘉賓，更批准她唔使唱歌。


原本新城想安排做劉華嘉賓的 Twins順手將獎項攞到紅館交到劉華手上，但遭劉華拒絕。
 
英皇歌手 Twins、容祖兒及古巨基都力撐無綫，早前齊人出席《勁歌》記招。
 
興奮狂射
唱到尾聲，觀眾送上香檳，劉華即刻在台上開埋兼亂射。


劉華 high到香檳照頭淋，更用口狂噴。

《勁歌》最強 


《勁歌金曲》頒獎禮自八三年開始舉辦，要數當中攞得最多獎的歌手，絕對非劉華莫屬，而女歌手就竟然係容祖兒，超越了梅艷芳的成績。

TVB頒獎禮鬧星荒 方逸華帶高層利誘劉德華撐場

TVB與四大唱片公司版稅風波拉鋸一年多，依然無法破冰，今年甚至放棄轉播力撐“四大”的商業電台頒獎禮及香港電台頒獎禮，態度強硬。

爲了鞏固大台地位，加上今年是《勁歌金曲》三十周年，TVB老板娘六嬸方逸華下旨1月15日舉行的《勁歌金曲頒獎禮》不容有失，必定要做到星光熠熠，不可以失禮。

爲此，TVB向已經退出樂壇頒獎禮四年，剛剛在紅館舉行完20場演唱會的劉德華招手，力邀他出席拿獎。在劉德華尾場演唱會上，六嬸方逸華更破天荒找來三大高層，陳志雲、李寶安及樂易玲撐場，用人情牌打動劉德華。

arrow
arrow
    全站熱搜
    創作者介紹
    創作者 stinglife 的頭像
    stinglife

    娛樂八掛大放送★

    stinglife 發表在 痞客邦 留言(0) 人氣()

    E-mail轉寄