Lam仔同朋友夜蒲中環，唔夠兩個鐘已經搵到獵物跟自己返屋企過夜。

繼上月初，吳雨霏（ Kary）摸上 Lam仔林德信屋企過夜斷正，本刊記者發現鍾意周圍「試食」的 Lam仔，約埋一班鬼聲鬼氣朋友到中環蒲夜店，不消兩個小時，已經在酒吧搭通一名長髮女；有着落， Lam仔隨即撇低朋友，同長髮女走出街頭談心「培養感情」，之後更返屋企繼續下場。
揀中個花心蘿蔔， Kary插錯飛！

企街吹水

放大圖片

上週六（七日） Kary出席《第 34屆十大中文金曲頒獎禮》憑《我本人》獲選《十大文金曲》，事業有起色，愛情卻觸礁。

踏入二○一二年，歌手忙住攞樂壇成績表，出席各大頒獎典禮，子承父業，但未出碟冇份落場砌的 Lam仔林德信好得閒，早兩個禮拜，凌晨一時半， Lam仔一支公由雲咸街行去擺花街，其間左望右望搵朋友，與兩女一男會合後，一行人走到位於卑利街的「 Peel Fresco Music Lounge」，亦即是○九年，曹格同側田酒後起衝突的 Jazz Bar。
在酒吧的路口， Lam仔遇到相熟朋友，當中以女性為主，眾女先後熱情送上熊抱，在外國長大的 Lam仔照單全收，其間一名友人遞上啤酒，他二話不說，大啖大啖飲落肚，企街吹水半小時，才走入酒吧繼續。

即場女

在插針都插唔入的酒吧內玩到凌晨二時半， Lam仔同友人行出酒吧門外時，他身邊已多了一名低胸長髮的 ABC，二人一齊攞住電話，交換聯絡號碼。
之後的一段時間， Lam仔全副精神同對方咬耳仔「增進感情」，再無理會其他朋友；女方對他似乎相當受落，頻頻報以熱情甜笑。不夠半小時， Lam仔同朋友示意離開，長髮女有默契地跟住行，兩人向士丹頓街進發，行到一間酒吧門外，二人排排坐低，在路邊繼續傾。

 

放大圖片
 

Lam仔火速同新歡在酒吧門外交換電話。

放大圖片
 

Lam仔撇低朋友同 ABC坐街邊談心。

放大圖片
 

扮單支
Lam仔返到屋企樓下，做戲做全套，扮開門入閘返歸。

放大圖片
 

睇水
隔咗一陣，確定冇人跟踪，再行番出大廈，打電話叫女伴埋位。

放大圖片
 

入閘
終於「有得食」，長髮 ABC到第二朝早都未見離開。

睇清環境

大約坐了十分鐘， Lam仔着長髮女離開，並向屋企方向進發。返抵屋企樓下後 Lam仔即一支箭飆入大廈，但不夠十秒，他又再走出門外，視察四周的環境，確定安全後， Lam仔便打電話給原本一直跟在他身後不遠的長髮女，通知對方安全，可以「造訪」 Kary也曾經在此宿一宵的 Lam仔竇。
轉會環球後在頒獎禮有斬獲的 Kary，十個理由同 Lam仔一刀切。

 

放大圖片
 

Lam仔為 Kary新歌《我本人》拍攝 MV時撻着，早前， Kary更被拍得戴住口罩、 cap帽鬼祟摸上 Lam仔新居過夜，留宿十一粒鐘。

放大圖片
 

 

 

 

arrow
arrow
    全站熱搜

    stacylife 發表在 痞客邦 留言(0) 人氣()

    E-mail轉寄