十蚊起有交易嘅童裝，點忍得唔睇吓，搵到心水好嘢，李民橋攞定錢俾老婆找數。

愈有錢嘅人，愈緊張錢！八珍對呢種講法，深信不疑！除咗個人體會，亦可以提供實例。

上個禮拜，《壹》仔喺銅鑼灣分別見到兩位身家億計嘅有錢人，先講東亞銀行主席李國寶位大公子李民橋，元旦第二日假期（一月二日），午飯時間過後，李民橋同舊年結婚嘅第二任太太 Bonnie，帶埋前妻羅寶盈所生嘅囡囡 Adrinne一齊行街。路經利園山道一帶有賣童裝嘅小販檔，標明「公司大清貨，十蚊起」！咁筍！李家三口唔執輸，同啲普羅師奶逼埋一齊血拼，結果真係揀到好嘢有交易。
隔兩日（四日），《壹》仔見到生咗個仔叫周星馳，求其賣一間天比高大屋，已經進賬 3.8億嘅星媽凌寶兒，喺老牌凍肉店和興行買完嘢，跟住等巴士返歸。
等咗十五分鐘都冇車嚟，年過七張嘅星媽雖然做足禦寒措施，但當街大風，最後都忍唔住打的走人！
小富由儉，大富由天，大小富都有齊，仲有乜好講。

 

放大圖片
 

2/1行過見到第二檔，李太 Bonnie又郁手。

放大圖片
 

掃完街，經過優之良品又逼入去買，原來富貴人家唔單只對 See’s、 Godiva有興趣。

放大圖片
 

買完平嘢，兩公婆一人一邊拖住囡囡，搵番司機走人。

放大圖片
 

 

放大圖片
 

4/1有大褸毛毛頸箍加埋手襪護體，但等咗十五分鐘都未見有巴士，星媽決定打的。

放大圖片
 

幫襯一年四季都排長龍嘅和興行，星媽跟住排冇打尖。

放大圖片
 

見到 Mannings有折，星媽走入去吓啲牙膏牙刷平幾多？

 
arrow
arrow
    全站熱搜
    創作者介紹
    創作者 stinglife 的頭像
    stinglife

    娛樂八掛大放送★

    stacylife 發表在 痞客邦 留言(0) 人氣()

    E-mail轉寄