我要十個鐘頭瞓覺！（設計對白）
Niki唔只簽約麻煩，據知拍劇時亦要求多多，絕對係麻煩友一名。鬼咩！ Niki近年出席活動打個白鴿轉就有錢袋，點想賺辛苦捱眼瞓錢吖！
C7上身
唔肯簽約　得罪珍姐　扭計周麗淇冇運行
2011年01月12日


因唱片公司 bma加入 HKRIA，搞到周麗淇（ Niki）慘被叮出李添勝新劇《我的如意狼君》，幸得 bma老闆羅傑承放生提前解約，令周麗淇翻生。
翻生有條件，據知 Niki須簽無綫藝員約一年，但 Niki竟對合約細節唔滿意拒簽。
請無綫食檸檬， Niki辣㷫戲劇製作總監曾勵珍，本週一試造型更冇現身， Niki隨時再撻 Q，女角由唐詩詠頂上。


你發夢啦！（設計對白）
珍姐對於 Niki唔簽約極之不滿，如果 Niki再扭計，換人事在必行。

《巾幗》金牌監製李添勝新劇《我的如意狼君》原本由周麗淇做第一女主角，但自從其經理人及唱片公司 bma加入四大唱片（ HKRIA），女主角一席即出現變數，但好彩於今年 1月底約滿 bma的 Niki，得到 bma老闆羅傑承願提早解約，令 Niki翻生。
簽約扭計
bma提前同 Niki解約，回復自由身嘅 Niki即可拍劇，但無綫要求 Niki簽藝員合約一年，但 Niki對於合約細節唔多滿意，上星期拒簽合約，原本於本週一（ 10日）的《我》劇試造型， Niki因為拒簽亦令戲劇部總監曾勵珍極為不滿，硬食蒸發密令。據知情者說：「珍姐見添哥咁想用 Niki，加上珍姐同 Niki以往關係良好，諗住佢實簽啦，點知佢扭計唔簽，即刻辣着珍姐，家隨時搵唐詩詠頂上。」
隨時攝位


我會努力！（真實對白）

據知藝員科今年力谷啱啱攞咗「飛躍進步女藝員」嘅唐詩詠，亦極力游說添哥用佢，但據知添哥驚佢孭唔起，對於被添哥嫌棄，唐詩詠話：「添哥選角好有眼光，我當然想再同添哥合作啦，如果今次唔得都唔緊要，我會努力！」世界女喎！而添哥就話：「總之我最想用周麗淇，其他人我唔理 o架喇。」
'06蜜月期 


Niki同珍姐關係曾經非常好， 06年孖住出席鄭嘉穎鄭重聲明音樂會記招，仲喺台下咬耳仔有講有笑。
老細放生 


Niki 05年簽約 bma，一直備受力捧，今次 Niki開聲要拍劇，羅傑承亦成人之美，秘密搵陳總密斟，仲提前同 Niki解約。
姐級要求
Niki唔滿意細節，據知 Niki希望舒服開工，更想有汪明荃阿姐級對待，每日有 10個鐘休息，更要於合約訂明。「佢一向唔捱得，連開幾日就話要唞，又成日對 rundown諸多要求，班助導全部叫佢做『契姐』 o架，因為佢成日都當班助導係契弟。」知情者說。
臭當難服侍，不過添哥對 Niki仍情有獨鍾，但 Niki一定要氹番珍姐先有得傾。不過添哥對於 Niki做女主角仍然好有信心：「周麗淇係我不二之選，我一開始已經想用佢，係佢公司走去加入咩鬼 HKRIA……真係頭痕！（唐詩詠唔好咩？）冇後備，一定係佢，冇第二個 o架喇。」難得有高層撐，好心 Niki好好珍惜咪再耍大牌啦！


週一（ 10日）原本戲中所有主角要出席試造型，但由於 Niki甩底，搞到其他主角黃浩然等冇晒影，要下週一（ 17日）先試造型。


 
等公司決定！（真實對白）
雖然女主角仲未定，不過男主角就一定係黃浩然，本刊問佢知唔知 Niki隨時被飛，佢話：「我唔知呀，等公司決定啦！」
 
我會作戰到最後，爭取到底！（真實對白）
周麗淇唔簽約，女主角隨時換人，不過添哥仍然好堅定。

梁奕倫唔憂做
周麗淇因為 HKRIA差啲被飛出新劇，而與 Niki同屬 bma，唔係歌星嘅梁奕倫亦被牽連，被無綫暫停《今日 VIP》主持工作。雖然暫時冇得同無綫合作，不過梁奕倫亦唔憂做，三月份會自資出廣東歌，二月亦要為講述同性戀題材《我的基本生活》舞台劇公映，絕對有排忙。梁奕倫對本刊說：「我唔嬲，但好唔開心同無奈，可能 TVB想我專心做好我套舞台劇啦！」


梁奕倫 2月會夥拍姜文杰、關逸揚演出舞台劇《我的基本生活》，家忙為綵排，之後再忙於錄歌。

爆周麗淇脾氣臭難服侍 不肯簽約TVB得罪高層

爆周麗淇脾氣臭難服侍
因唱片公司BMA加入HKRIA，搞到周麗淇(Niki)慘被叮出李添勝新劇《我的如意狼君》，幸得BMA的老板羅傑承放生提前解約，令周麗淇翻生。

翻生有條件，據知周麗淇須簽TVB藝員約一年，但周麗淇竟對合約細節不滿意拒簽。據知此舉得罪了戲劇制作總監曾勵珍，本周一試造型就沒現身，周麗淇隨時會再被炒掉，女主角由唐詩詠頂上。

arrow
arrow
    全站熱搜

    stinglife 發表在 痞客邦 留言(0) 人氣()

    E-mail轉寄