無綫新劇《缺宅男女》中，飾演霉友與妻女擠住舊樓的梁烈唯，現實中身為無 綫多產綠葉，卻因人工奀，為與女友今年底拉埋天窗大計，搏命搵彈藥，近日更在茶餐廳秘撈樓面，一身兼兩職，無非為婚後有瓦遮頭，儲血汗首期。
上週五梁烈唯於午市前返到其表哥在跑馬地經營的「大少爺茶餐廳」開工，見他寫完 order轉頭攞住碗麵俾客人，為儲首期買樓結婚，他甘由配角變樓面。

兼職儲老婆本

梁烈唯做秘撈的茶餐廳「大少爺」，位於跑馬地，常有藝人幫襯。上週五（一月六日），本刊記者到茶餐廳視察，午市旺場，原本負責收銀位的梁烈唯要幫手落單。
「幾多位呀？」，「要 啲乜 嘢？」部分初次光顧的街客，發現上前招呼的是個熟口熟面的無綫藝員，均感愕然，但亦有不少熟客對這位「藝人侍應」斟茶遞水，見怪不怪。據了解，梁烈唯之所以選擇到「大少爺」做兼職，原因老闆 Eric（陳見飛男友）是他表兄。


剛出街的《缺宅男女》，梁烈唯與黃智雯飾演一對窮夫妻，搶鏡度不比男女主角遜色。


過 咗午市繁忙時間，梁烈唯又主力返回收銀位。其實在他之前，不少無 綫二，三線藝人如麥包、李泳豪等都要為生計兼職做公關及教飄移。


他與女友 Tina拍拖九年，決定年底置業結婚，跟一般香港八十後一樣，認為結婚同買樓要同步進行。

在新劇《缺宅男女》飾演苗僑偉細佬的梁烈唯，與妻女逼住二百呎唐樓；現實中，他要一身兼兩職，同樣要為有磚頭揸手拼搏。計劃今年底與拍拖九年的女友、應采兒助手 Tina拉埋天窗，梁烈唯要儲老婆本又要置安樂窩。無 綫人工奀，演員十居其九好睇唔好食，在公司捱 咗七年，三十二歲的梁烈唯去年開始被稱爆騷王，一年拍四五個劇，但據悉計埋爆騷錢，人工都只不過約二萬元。
份糧低於通脹，現時跟父母及女友一家四口同住深井五百多呎麗都花園的他，為買屋，連茶餐廳樓面都照做，搵得幾多得幾多。


之後他倆約了地產經紀，到深井另一屋苑海雲軒睇六百呎、市值約三百多萬的樓，為年底結婚搵定新竇。據知海雲軒是繼深井風水屋苑碧堤半島，屬區內第二大高價屋苑。


上週四（五日）梁烈唯中午與女友離開愛巢深井麗都花園，便到附近的街市熟食檔醫肚，食得慳。


睇 咗大半句鐘，梁烈唯與女友返回熟食檔會合食緊飯的父母，據知他現跟父母及女友擠住在深井五百呎的屋。

城城贊助婚禮


在無綫當綠葉的梁烈唯，因人緣佳被圈中人冠以友誼先生，其好友包括早年拍電影認識的張智霖、郭富城及蔡一智等。

「之前唯唯父母住嘅村屋，連窗都係得一個，佢自己就同女友家人住赤柱公屋，唯唯好想賺多 啲錢改善父母生活環境，近年搏命接劇拍又返內地登台，半年前，佢終於有能力『上樓』，同父母、女友一齊，喺深井租咗個單位住。女友 Tina就 嚟三十歲，大家又共過患難，佢好想俾女友一個名分，希望今年拍拖十周年日子結婚，同埋買樓過二人世界。」知情者透露。
身為無 綫「散打」，但身邊好友卻是張智霖、蔡一智、郭富城等輩，一班好友得悉梁烈唯計劃結婚，紛紛提出做婚禮「贊助商」。
「其實佢表哥同身邊班朋友好似張智霖，郭富城都話要送佢酒席，不過唯唯想靠自己，所以只要無劇拍，登台、茶餐廳樓面乜都做。」
在茶餐廳兼職一事，梁烈唯坦白承認是為儲老婆本。「我係一有時間就落老表間茶餐廳幫手，其實唔係單單為搵錢儲老婆本，仲想跟表哥學 嘢，希望日後有機會拍住一齊做生意。」至於距離儲首期的目標還有幾遠？他無奈說：「我同女友希望買間四百幾萬 嘅樓，依家儲 嘅彈藥當然仲有好大距離，結婚連屋都冇間俾老婆住，我接受唔到。」

做過男主角

現年 32歲的梁烈唯，是前 TVB藝員梁家仁姪兒， 99年出道擔正做電影《監獄風雲之少年犯》男主角，電影收 400多萬，其後撞正電影市道疲弱，發展停滯不前。 04年輾轉加入 TVB，由二打六做到今時今日的二線， 08年憑《尖子攻略》提名萬千星輝頒獎典禮「最佳男配角」和「飛躍進步男藝員」。演出機會越來越多的他，屬 TVB綠葉中較年輕的一個，每年參與四至五部劇集，角色戲份亦越來越重。 2012年將有《飛虎》、《大太監》等新劇陸續出街。

 

arrow
arrow
    全站熱搜

    stacylife 發表在 痞客邦 留言(0) 人氣()

    E-mail轉寄