與 㗎妹已分手上周六（ 19日）台慶夜，葉翠翠只係睇 咗高鈞賢與 㗎妹 嘅錫錫相一眼，就酸溜溜話唔想回應。其後高鈞賢即表明與 㗎妹已分手，翠翠條氣應該順番啲啦！

葉翠翠多年來只 buy有錢佬，自富商男友黃有龍娶趙薇後，敗犬葉翠翠仍不乏觀音兵，先有大茄韋家雄，近期再來個港男高鈞賢（ Matthew）。韋家雄冇錢又冇樣，葉翠翠當然情傾高大威猛 嘅高鈞賢。
本刊收到消息，高鈞賢撻 着葉翠翠的同時，仲私藏 㗎妹女友 Haruka，月前 㗎妹訪港，兩人仲甜蜜遊迪士尼。上周六（ 19日）台慶，葉翠翠睇到高鈞賢啜爆 㗎妹 嘅相，眼火爆回應：「人 哋 嘅 嘢我唔理！」高鈞賢亦即場補鑊：「我同 㗎妹已經分 咗手！我唔介意翠翠大我兩年，佢係好女仔。」

05港姐冠軍葉翠翠遇上 05年港男冠軍高鈞賢，二人相識 6年才撻 着，只因向來拜金的女方口味轉變了。 08年葉翠翠與內地富商黃有龍拍拖，當時她豪擲三千萬連買兩個北角賽西湖千呎單位，變成有米港姐。未幾黃有龍戀趙薇，兩人結婚生女。葉翠翠頓失靠山，與她一直友好的高鈞賢終於有機可乘。
知情者透露：「其實翠翠同 Matthew（高鈞賢）一直都係好朋友，之前翠翠揀親都係有錢佬， Matthew點敢追呀！咁多年佢 哋都以兄弟相稱，加上成日合作拍劇都係演情侶，平時行街食飯一 啲避忌都冇，不過最近佢 哋單獨約會多 咗。翠翠仲同朋友講有錢佬多數冇本心，都係搵可以同佢講心，溝通到 嘅男友實際 啲。 Matthew雖然細佢兩年，但思想上都幾成熟。翠翠唔開心，佢都會花心思佢。」
葉翠翠與高鈞賢早前合作拍攝無 綫新劇《當旺爸爸》已出雙入對。 11月 13日王浩信與陳自瑤結婚擺酒，葉翠翠更被斷正駕車管接送，二人關係不言而喻。



啜爆自拍高鈞賢與日籍女友 Haruka相識後一拍即合，很快就打得火熱。高鈞賢更曾當街錫女友自拍。

同遊迪士尼今年 9月， Haruka來港遊玩，高鈞賢帶她遊迪士尼，影咗唔少親密照。

生日送冧相早前 Haruka生日，高鈞賢自製照片送俾女友，大大隻字講我愛你，冧女果然有一手。

韋家雄無望今年年中葉翠翠與韋家雄合作拍劇集《 4 In Love》，有指男方對葉翠翠癡心一片，不過神女無心呢！

火速戀上 㗎妹

不過，記者卻收到消息，高鈞賢還私藏一日籍女友 Haruka（木南晴夏），兩人打得火熱，月前女方更訪港兩個月。「 Haruka喺日本拍過唔少電影同電視劇，今年年中由朋友介紹認識 Matthew，好快就拍拖。兩個月前 Haruka嚟香港玩， Matthew帶佢四圍去， Matthew去打籃球， 㗎妹都有到場打氣，佢 哋人前人後都好 sweet。」知情者說。
上周六（ 19日），葉翠翠現身無 綫台慶夜，對於高鈞賢有日本女友，她看了一眼二人的親熱照，酸溜溜地說：「我唔知，人 哋 嘅 嘢我唔理！（咁高鈞賢係咪追你？）咁我唔知喎！（係咪揀男友口味轉變 咗，唔再揀有錢佬？）我唔想答呢 啲私事。其實我同 Matthew都係俾人影到一次之嘛！（咁即係冇俾人影到就好多次？）我唔知呀！」



台慶扮唔熟上周六下午，葉翠翠與高鈞賢齊齊為台慶夜綵排，兩人刻意保持距離，連傾偈都唔多見。

拍拖斷正11月 13日王浩信結婚擺酒，葉翠翠揸車去將軍澳接男友，兩人泊車後四圍張望然後鬼祟拖手（下圖），婚宴後翠翠再揸車送高鈞賢返歸。《壹週刊》圖片

眼見高鈞賢同苟雲慧有講有笑，企喺附近嘅葉翠翠就離遠監視，實男友嘅一舉一動。

《壹週刊》圖片

唔介意姊弟戀

其後，高鈞賢亦識做地與 㗎妹劃清界線，他說：「我同 㗎妹 啱 啱分 咗手。（上個月佢 嚟香港你 哋仲好好 㗎！）佢返 咗日本喇！分手係因為佢唔係好識英文，我 哋溝通唔到，只係拍 咗個幾月。（依家同翠翠發展成點？）我同翠翠依家都係 single。佢都係我紅顏知己，佢係好女仔。（翠翠大過你？）佢大我兩年，我冇所謂，以前 啲女朋友多數大過我。（但佢向來鍾意有錢佬！）我都有車有樓，依家雖然唔係話好有錢，但我會努力做 嘢，將來都會有。」高鈞賢唔介意姊弟戀，仲會為對方努力賺錢，擺明車馬愛的宣言喎！

日本二線女優



《 20世紀少年》電影照

高鈞賢的 㗎妹女友 Haruka（木南晴夏）大有來頭，今年 26歲的她生於大阪， 01年加入日本藝能界，是歌、影、視三棲藝人。 Haruka拍過不少日本偶像劇，早前無 綫播出的日劇《守財奴》，她飾演第二女主角三國茜。而在電影《 20世紀少年》， Haruka飾演小泉響子一角。

港姐配港男

葉翠翠與高鈞賢外形匹配兼同是上海人，不過身家卻相差一大截，難怪高鈞賢話要努力賺錢。

葉翠翠


葉翠翠入行前曾做模特兒， 05年選港姐奪冠後是非不絕，她被指月入港幣萬多元，但 08年竟買入兩個共值逾港幣 3,000萬元的賽西湖豪宅。同年 8月她成功把其中一個豪宅放盤，短短兩個月賬面賺港幣 100萬。早年葉翠翠以月租 7萬豪住西貢竹角四千呎獨立屋，最近才搬回賽西湖居住。

高鈞賢



葉翠翠身高 5呎 8吋，與身高 6呎的高鈞賢非常合襯。兩人拍過《公主嫁到》與《當旺爸爸》等無綫劇集，亦曾一起主持節目。 07年兩人拍攝廣告特輯時，趁空檔一齊去扭蛋。

高鈞賢 7歲時隨家人移民到加拿大多倫多， 04年參加 Toronto Sunshine Boyz選舉奪得冠軍後返港做模特兒， 05年選港男奪冠軍，繼而簽約無綫成為旗下藝人。高鈞賢月薪二萬多，向來投資有道的他， 06年以 380萬買入將軍澳君傲灣單位，現已升至 680萬。

arrow
arrow
    全站熱搜

    stacylife 發表在 痞客邦 留言(0) 人氣()

    E-mail轉寄