楊怡去年憑《宮心計》獲得「我最喜愛女角色」後，一年下來，連踩四部劇冇停過，上月終於「冧廠」，要向無綫請假入院。對外，楊怡聲稱感冒及做身體檢查，但原來六月開始患上感冒的她，因為長期缺乏休息，令下巴神經受細菌感染，以致肌肉硬化，歪埋一邊。數月來中、西醫雙管齊下，為免病情繼續惡化，有錢冇命使，楊怡決定停工半年。

病足五個月
有得有失，花上超過十年時間，楊怡穩佔無綫當家花旦一席，但卻付上健康，不過，硬淨的她一直隱瞞病情，甚少在同事間提及。長期過勞，細菌侵入神經，發病至今五個月，仍未完全康復，月初她出席無綫電視節目巡禮時，大細眼、下巴向右歪埋一邊的情況未有改善。
早在六月底，楊怡一邊拍《點解阿Sir係阿Sir》，又同時為《談情說案》做宣傳，感冒纏身的她，面部浮腫，左邊面的肌肉亦出現僵硬狀況。
「其實阿怡（楊怡）好驚，因為長期感冒唔好，過濾性病毒入咗下巴神經，搞到嗰個位置嘅肌肉硬晒，連講說話都有困難，九月拍《真相》做律師，佢連口都擘唔大，見到佢下巴唔係好郁到，工作人員都嚇親，因為唔知會唔會再惡化，當時佢已經睇緊專科，之後又搵中醫針灸。因為一直拍劇冇停過，所以下巴歪咗都冇得即時放假。但公司都知佢個病可大可小，已經有內部通知，安排早啲放阿怡收工，就算宣傳活動，都盡量唔使佢出席。」知情者說。

放半年假
病情雖然稍為好轉，但十月台慶亮燈儀式，楊怡亦因為要入院臨時缺席，令她下定決心，正視身體，決定停工。
「阿怡都係死撐累事，如果佢好似其他人咁，唔舒服就冧廠，就唔使搞成咁，不過佢拍咗咁多劇都未出街，就算同公司請半年假，都唔會有大影響。」
經此，「爛做」的楊怡亦終於諗通，不再得個做字，甚至跟一直有意翻撻她的前男友藍偉傑恢復來往，不時相約食飯，將只有工作的生活習慣，加以調整。

可大可小
與楊怡同病相憐的，還有早前在加拿大登台冷親，感染貝爾氏麻痺的羅家英，據醫生指出，有八成患者可於兩個月內康復，但亦有少數永久不能痊癒。
羅家英染病後，左邊面肌肉出現麻痺，左眼不能眨，說話時嘴角亦有點歪；幸而及時醫治，正在山東拍劇的他，在微博表示自己正在康復，面部肌肉開始回復正常。除了羅家英，十多年前，關菊英亦曾患此症。
貝爾氏麻痺，是過濾性病毒入侵控制面部肌肉第七條神經所致，患者起初作感冒，慢慢引致一邊面僵硬，眨眼有困難，甚至影響進食。醫生一般會處方消炎藥及類固醇，患者亦要多休息才會康復。


上：10年11月
下：09年6月
正常


入院相
今年十月，楊怡頂唔順入院休息，不過她只透露入院檢查。


拍《宮心計》做奸角壓力大，加上在唔夠休息下拍一場浸水戲，長期感冒的楊怡因過濾性病毒入神經，下巴歪咗。


病得最厲害時，楊怡拍劇以外，又要為《談情說案》做宣傳，欠缺休息的她，面部十分浮腫。


半年來，楊怡放上微博的相，因下巴出現問題，大部分闔埋嘴笑。


一班人影相，楊怡刻意側面向鏡頭，以免大細面出鏡。


拍完《真相》，楊怡決定休息半年。


臨放大假前，勤力楊怡繼續搏命搵銀，早前出席商場聖誕活動。


arrow
arrow
    全站熱搜

    stinglife 發表在 痞客邦 留言(0) 人氣()

    E-mail轉寄