上週五（19日）台慶，陳總復職出席首個TVB活動，成為全場焦點，而當晚反骨黨員廖碧兒、鄧健泓、崔建邦一個都唔見影。陳總當堂醒神晒，仲喺當晚指揮在場工作人員。
台慶當晚六嬸送完六叔去酒會，即應記者要求同三位高層合照，其間六嬸更親自排位，拉陳總到中間，同李寶安一齊企中間，凸顯陳總位置。
今年7月陳總、崔建邦應髮型師Michael Lam邀請出席開幕活動，當日遲到嘅崔建邦被在場記者邀請同陳總合照。不過崔建邦就話：「要放低酒杯先。」之後冇再出嚟，擺明唔想同陳總合照。
崔建邦死都唔肯同陳總單獨合照，就算影都要拉埋髮型師Michael Lam喺中間，點都要同陳總隔一隔。
家陣陳總好友收樓，job又冇以前咁多，崔建邦家惟有用8千蚊租住西貢龍蝦灣村屋。
雖然陳總喺保釋期內，唔可以接觸同案花旦，不過陳法拉唔係涉案，加上同陳總關係良好，當晚更向陳總獻吻，認真識撈！
王喜
陳總出事至今，一直陪伴陳總出入法庭，又為佢放生祈福，令陳總深受感動。佢拍好嘅倉底劇《冏樣踩過界》亦下週出街。
馬浚偉
馬仔、王喜本身係曾勵珍愛將，佢喺陳總受查期間公開表示過有SMS同打電話畀佢加上髮型屋一事，令佢喺陳總心中地位急升。
古巨基
基仔一直支持陳總，就算陳總被廉署正式起訴，依然企硬撐，絕冇騎牆、冇轉軚。
梁政珏晚裝向下移位，搞到砵仔糕都露埋，仲引起騷動。仲搶過一眾小生花旦，唔怪得笑到四萬咁口。《蘋果日報》圖片
梁政珏被在場攝記狂影，搞到經理人嘉莉，即刻叫佢返入化妝間，仲命兩個服裝姐姐即時幫佢換衫，重新幫佢着過件衫。
重新着過之後，梁政珏件衫啱哂位，亦冇露砵仔糕，當堂冇晒嘢睇，在場攝記亦冷靜番，不過梁政珏就有啲黑面喎！
高海寧晚裝由Walter Ma設計，首飾由謝瑞麟贊助，總值1,100萬。
苟芸慧件晚裝雖然冇牌子，兼係公司衫，不過勝在身材夠fit一樣搶鏡！
鍾意睇你哋fing！(真實對白)
苟姑娘同高海寧喺台慶玩fing波，志偉即時講咗句：「啲觀眾好鍾意睇你哋fing。」
留言列表
{{ article.title }}
