周二(22日)，甄子丹偕老婆汪詩詩從成都旅行回港，原本心情靚靚的他，當被記者追問母親病重要賣樓籌錢一事，他即時面色一沉說：「媽咪身體幾好，多謝關心。」他更向記者堅稱冇賣樓一事。

號稱宇宙最強的甄子丹，自 08年主演電影《葉問》叫好叫座後，星途從此扶搖直上。往後所拍的電影，除企硬收三千萬片酬外，豐厚身家更令他在今年首次躋身入福布斯中國名人榜十大。
雖然甄子丹身家過億，但近日網上卻驚現其妹甄子菁廣發電郵，指其母罹患重病，急需放賣珠海一層市值八百萬人民幣的豪宅套現。記者日前聯絡甄子菁，她直認電郵是她發出的。
周二（ 22日），甄子丹與老婆汪詩詩暢遊成都返港，記者向他求證其母患重病和急放樓一事時，甄子丹卻說：「媽咪身體幾好，亦都冇賣樓一事。」唔通丹爺忙住拍戲，少理家事？

據甄子菁所發的電郵內容表示，甄母現時罹患重病，因此甄父打算盡快放賣位於珠海的豪宅，她更 着朋友廣發這個電郵，等多些人知道。可見甄父對賣樓非常急切。上周三（ 16日），記者就電郵所提供的電話，以買家身份致電身處美國的甄子菁，她在電話中一開始便承認自己是甄子丹胞妹。「賣樓……唔係因為錢 嘅！係媽咪唔舒服，佢依家 喺波士頓，始終老人家唔方便郁動，所以先咁急賣樓。」
記者留低聯絡電話，翌日甄父親自致電記者，交帶會有一位姓吳的老朋友會帶記者睇樓。當記者問及甄子丹時，他猶豫了片刻後說：「佢都好忙 嘅！」然後匆匆收線。



記者訪問期間，汪詩詩一直緊貼老公甄子丹側邊，但當聽到有關甄的前妻時，即時借故與旁邊同行的楊小娟傾偈。

與甄子丹一樣，少年時開始習武的甄子菁， 07年得哥哥穿針引線，與 Twins合拍電影《雙子神偷》，可惜往後發展不如意，現已移居美國。

細妹廣發 email

急放樓套現甄子丹細妹甄子菁近日在朋友間廣發電郵。信中提到父親現正急放珠海的豪宅，問朋友有冇買家可介紹。

甄母病重甄子菁更在電郵中提及母親健康出現問題，更指現時正面臨艱辛的境況。

吳先生透露甄母現時病況嚴重，手尾很長，需要長期留院。同時，他亦爆甄父母一直疼錫甄子丹前妻和其兒子，反而對現時新抱印象麻麻。

甄母患病手尾長

上周五（ 18日），記者按約定的時間，前往珠海水灣路甄父放賣的屋苑。現場所見，大廈樓高 20層，甄宅位處高層單位，單位內分客廳、偏廳和四個套房，面積約 2,200呎，開價 780萬，據附近地產經紀講屬市價。
據甄父朋友吳先生所講，全屋所有傢俬電器將會免費送給買家。吳先生說：「其實佢 哋買 咗呢層樓三年左右咋，你睇 啲傢俬咁新淨就知啦。不過甄太有病，個病手尾都長 㗎，要 喺美國 嗰邊留醫，所以先賣呢間屋 啫。」記者問他甄子丹有否住過？吳先生「唉」了一聲說：「佢拍戲咁忙，甄生甄太都同我講話好少見佢，唔好話返 嚟住，連見面都少啦。以我印象中，呢度裝修後，佢好似 嚟過一次，但就從未住過呢度。甄生仲專登買個鋼琴返 嚟俾子丹彈，依家佢都話唔要囉！」

二千呎豪宅

記者日前以買家身份，到甄父打算放盤的珠海豪宅海灣半山採訪。據其朋友吳先生透露，甄父三年前買下這個單位，每年暑假都會和太太返來度假四個月。現場所見，豪宅背山面海，廳連四個套房面積超過 2,200呎。甄父開價 780萬人民幣（折合港幣 1千萬）。


甄父在珠海購入的豪宅，位處當地豪宅區，背山面海，景色一流。
甄父在珠海購入的豪宅，位處當地豪宅區，背山面海，景色一流。

客廳偌大客廳中擺放多件簇新家具和電器，甄父表明所有傢俬電器將會免費送給買家。

偏廳甄父買樓原打算俾甄子丹住，因此特別買了一個三角琴，讓自小已學琴的甄子丹在技癢時可以彈奏。

浴室甄父入伙時，特別花了四萬元在浴室添置按摩浴池，十分揼本。

八月美國探雙親11歲便隨父母移居波士頓生活的甄子丹，今年八月帶老婆及一對仔女到美國探父母。當時他透露已有四年冇返家鄉探親。

吸金最強


今年五月公布的「 2011福布斯中國名人榜」，甄子丹挾着「宇宙最強」之名，輕輕鬆鬆位列第六位，連國際巨星李連杰、周潤發的名次也在他之後。單計今年工作量，收入已逾 2億 5千萬。

放前妻獨子照片

其間記者走入書房，發現牆上貼滿甄子丹由細到大的照片，其中幾張更是兩老與甄子丹前妻的獨子甄文卓的合照。據吳先生表示，兩老十分疼錫這個孫，「雖然子丹好少提呢個仔，不過甄生甄太就好錫佢，覺得佢好乖好懂事，唔似得佢兩個細佬妹（汪詩詩所生）咁百厭。甄生甄太呢幾年每逢暑假都會 喺美國返 嚟住四個月，佢 哋次次都會帶個孫過 嚟住。（咁前妻呢？）前妻唔肯 嚟，怕見到子丹 啩！」
提到甄子丹前妻梁靜慈，吳先生透露甄家兩老對她讚不絕口，相反對汪詩詩印象麻麻。「兩個老人家好鍾意呢個新抱，話佢識大體又識尊重老人家，反而阿詩（汪詩詩）就話麻麻。佢 哋每次返 嚟珠海，放低行李就第一時間落香港搵呢個新抱同孫食飯，但一定唔會過夜，就算搭夜船幾辛苦都返珠海。因為怕子丹知道佢 哋見面，二 嚟佢 哋唔鍾意同依家呢個新抱住，話佢麻煩。」
雖然兩老疼錫甄子丹前妻，但據吳先生表示，二人生怕兒子不喜歡，在他面前從不提及前妻。而甄子丹在過往訪問中，亦絕口不提前妻，相反對前妻這個兒子，他卻表示愧疚：「 喺我人生中，我無遺憾，除 咗呢個仔，我好後悔俾唔夠愛佢。」

前妻獨生子曝光

近年憑功夫片走紅的甄子丹，經常與老婆汪詩詩晒幸福，少有提及他前妻和獨生子。但在甄父的書房中，記者發現在牆上的照片中，貼有不少兩老和甄子丹兒子甄文卓的合照，可見二人極疼錫這粒孫。




相中甄文卓年約 9歲，據知今年他已 16歲，在香港一間國際學校就讀中學。

父子合奏其中一張照片，是少年時代甄子丹和拉着小提琴的父親合奏，戴上黑框鏡和留長髮的甄子丹，扮相有幾分似李小龍。

甄媽媽麥寶嬋一生醉心武術，是世界聞名的武術家，排名位列 100名內，早年更奪得「終身成就獎」。

偕老婆暢遊成都

都旅遊返港。對於母親病重和賣樓套現一事，甄子丹表示未聽聞過。
甄子丹：甄　記者：記
記：你媽咪患重病，佢病情點呀？
甄（愕然）：唔係 吖，佢身體幾好，多謝關心。
記：你細妹網上賣樓，仲話媽咪健康出 咗問題，你知唔知？
甄（抿一抿嘴）：唔係，冇 啲咁 嘅事。
記：有冇返過珠海間屋？
甄：好少。
記：最近有冇見你前妻個仔？
甄：（面色一沉）我唔答啦，私人事我唔答，唔該晒！
記者事後再致電甄子菁，她在電話中慌張說：「唔好意思呀，我冇?回應！」隨即掛線。



甄子丹日前同老婆和呂良偉夫婦到成都旅行，更將旅行相放上微博。


甄子丹極少提及前妻梁靜慈，二人唯一一次公開合照，要數 93年出席電影《蘇乞兒》首映。

二人婚姻只維持短短兩年，有指甄子丹 95年因與萬綺雯撻着，而向梁靜慈提出離婚，梁當年曾報警指遭人毆打，事後二人為爭撫養權而要對簿公堂。

arrow
arrow
    全站熱搜

    stacylife 發表在 痞客邦 留言(0) 人氣()

    E-mail轉寄