海南島實試：Phaeton 公路贏晒　豪華唔招積－娛樂八掛大放送★

有錢人分兩種，有大劉般高調具台型嘅，又或彤叔般實事實幹偏向低調嘅。就如今次海南島實試 2011全新 Phaeton一樣，外表高貴但不至鋒芒畢露，內櫳豪華舒適先夠務實。揸起上嚟，享受嘅唔係虛榮，而係體貼乘坐感同駕駛樂趣。記者、攝影：徐影龍

聰明頭燈自動轉向

福士全新 Phaeton年頭剛喺北京車展亮相，香港廠方已安排年中試車。雖然廠方一口氣公佈 4款引擎型號，不過今番到海南島三亞試戰，係最啱香港路面嘅 3.6L TSI。外觀上，就算唔係增加 12cm嘅長陣版，一望標準版已知 2011 Phaeton仍走大型轎車格局，保留 VW家族式設計，除電鍍鬼面罩擴闊加大、更具氣派外，前後泵把亦從新設計，而霧燈、側鏡指揮燈、尾燈等，均全換上更亮眼既 LED， HID頭燈組更首度加入 DLA功能（動態照明系統），鏡頭分析車前情況，自動調校大燈指向，比跟軚盤轉向頭燈更先進。叫得大型轎車，內櫳空間肯定夠闊落豪華。除獲獎嘅 18個方向調校座椅，當然一如過往， Alcantara真皮、雪櫃、多媒體系統等，全都可付錢一一個性化。視覺上，木料、電鍍及真皮，搭配上舒服順眼，風格偏向沉實穩重，後生仔要威要型未必啱。

放大圖片
■ HID頭燈會因應車前鏡頭而分析數據，自動調整大燈角度。

■ HID頭燈會因應車前鏡頭而分析數據，自動調整大燈角度。

放大圖片
■發佈會上，擺放咗最頂級嘅 W12版本。

■發佈會上，擺放咗最頂級嘅 W12版本。

放大圖片
■憑藉 4 Motion功能，遇着泥路濕地，一樣穩如泰山。

■憑藉 4 Motion功能，遇着泥路濕地，一樣穩如泰山。

放大圖片
■測試型號為 V6版，車身雖沉，但直路疾駛仍具火氣。

■測試型號為 V6版，車身雖沉，但直路疾駛仍具火氣。

放大圖片
■幼身木質軚盤貴氣之餘，操控感及路面感亦不俗。

■幼身木質軚盤貴氣之餘，操控感及路面感亦不俗。

放大圖片
■中控台及波棍位，有齊鍍金、木料等襯托，甚具氣派。

■中控台及波棍位，有齊鍍金、木料等襯托，甚具氣派。

V6偈加速有勁放大圖片
■在無車公路上，揸得相當痛快淋漓，發揮出 280匹應有表現。

■在無車公路上，揸得相當痛快淋漓，發揮出 280匹應有表現。

新車配備 4款引擎， 3.0L V6 TDI行柴油，香港唔啱用，除 4.2L V8、 6.0L W12外，對港人嚟講，更為實際嘅係 3.6L V6 FSI，所以廠方都安排呢個型號作試車之用。走在三亞，少不免走番轉天涯海角，途中避開繁忙市集，穿過一大列酒店區，再到碧海藍天既名勝地標。揸完半日，體驗到座椅曲線設計，以及真皮軟熟度，調整平衡度相當高，腰骨無叫痛， Pat Pat無坐到滾燙，大長途旅程一樣令人愜意。回程自選路徑，誤打誤撞闖到一截未完成嘅公路，由於舉目無車，駕駛上可以更暢快淋漓。 V6版具 280匹馬力，車身雖紮實沉厚，但加速起嚟相當順暢有勁，加上 4 Motion聰明四驅系統以及 6速波箱，轉彎時收放自如，難怪 0-100km/h都只需 8.6秒，以大型轎車格局嚟計，行駛時頗具霸氣，走在這段無人駕駛路段，實有幾分公路我行晒嘅氣概。

放大圖片
■駛過天涯海角，風景如畫，揸長途車一樣可以好舒服。