娛樂八掛大放送★

先後開過六次個人演唱會，入行十一年的容祖兒，近年要對抗全面復出樂壇的鄭秀文，兩后埋身肉戰。臨近年尾樂壇頒獎禮，Joey瞓身谷行演唱會，場數亦刻意一加再加，誓破去年底，鄭秀文的十場跨年演唱會紀錄。
打仗冇錫身，Joey三個鐘喪跳高難度勁舞，與男女dancers肉搏，大膽演繹3P火辣動作，解放32AAA板塊身材，與Sammi看齊！

打硬仗
唔係得把聲，近年容祖兒不斷苦練舞步，試過在演唱會上爆玻璃，同dancers人疊人擺出45度高難度舞姿，撞到周身瘀傷，亦毫無怨言。今次開騷，要應付四part勁舞，又不停要排舞師加多啲高難度動作，硬仗一場。
「佢一練舞就癲晒，排完八粒鐘舞，返到屋企仲會唔停咁跳，Joey媽都知個女嘅性格，明知佢叫唔停，唯有日日煲定靚湯，煮定消夜等佢練完食，怕個女唔夠體力！」一名工作人員說。
本來甚少機會同Sammi正面交鋒的容祖兒，去年底因為對方全面復出，十場演唱會大賣口碑又好，眼見強手當前氣勢如虹，Joey更加唔衰得。
「以前Joey都會要求排舞師盡量加多啲高難度動作，唔會就住就住，今次都唔例外，加上見Sammi個騷反應好，佢對今次演唱會就更緊張，度咗好多新元素！」知情者說。

性感底線
個唱開始，Joey由台底用跳板彈上舞台，貼身see through衫，挑戰性感底線，仲要一嚟就跳十三分鐘，擺明話俾大家知，即使之後還有三part勁舞要應付，但她毋須留力。
Joey亦一早向現場觀眾保證：「如果今晚唔好睇，我退番錢俾你哋！我未試過演唱會要cut嘢，因為愈度愈多嘢，太多嘞！有啲構思可以留番下一次！」
為顯示個人實力，Joey還刻意個人solo跳足十分鐘，全程冇其他dancer陪跳掩抰，晒料向之前在演唱會上晒身的Sammi挑戰。
「你知啦！我都三十歲，一下子要將體能推到極限，所以都幾辛苦！」Joey完騷後說。

大膽3P
第六次開騷，Joey亦豁出去，以前唔敢做的都做，與一班男女dancers在台上廝磨，演繹大膽3P動作，還被女dancer伸手入衫內任摸。
「初初聽排舞師講呢個構思，我自己都嚇咗一跳，但佢哋講得啱，話我好命都做咗人阿媽，唔好再扮少女無知！所以我就豁出去！」Joey說。
狂操到得番106磅、AAA size的Joey，連身材都同Sammi睇齊變成「板女」。逐點擊破，Joey滴水不入！

平到好似洗衫板一樣，Joey自嘲有工作人員叫她加番個墊，「唔好性別不分先得！」才有依家少少女人線條。

擺四十五度舞姿好考腰力，呢個動作之前做過，對Joey來說毫無難度，不過就無乜新意。

鄭秀文早前開騷，瘦到心口現排骨。

雖然中價飛仍然有得賣，但開騷日再加開第十二場，明破Sammi紀錄。

俾人抬起施展橫一字馬再與女dancer嘴，是個高難度動作。

被男女dancer前後夾攻，祖兒擘腿任人上下其手，意識大膽。

坐住鐵籠升上四十呎高，背後睇，都幾誘惑。

踏入三十歲，容祖兒豁出去，但知道有這樣火辣辣的3P場面，初時也嚇一跳，更難怪觀眾嘩然。

一晚要應付四part舞，難怪容祖兒都話自己點食都唔肥。

祖兒忽然波濤胸湧，全賴燈光所賜，是全晚唯一有料一刻。

容祖兒在演唱會上彈結他，竟跟之前開騷的千嬅如出一轍，Joey師父更是密友何韻詩。

臨尾的一套歌衫，據Wyman透露原來價錢高達三十萬，認真揼本。

著住Deep V長裙，露晒胸前排骨，同Sammi有得比。