左起：譽恩、瑜斌、先藝（隊長）、惠琳、昭熙
WG今年加入華人惠琳，代替已離隊的宣美，湊夠腳又可以打入中國市場，一舉兩得。台灣《蘋果日報》圖片

一首〈Nobody〉橫掃亞洲的韓國女子跳舞組合Wonder Girls（WG），下月中殺到香港開騷，WG港迷終等到。
早前有指WG邀請扮WG扮到出晒位的「福祿壽」做嘉賓，但福祿壽三件再加李亞男開價50萬，銀碼大之餘，檔期亦遲遲未度掂。有錢都未必請得郁，據知大會惟有另邀台灣幫撐場，有韓妹有台星，個騷抵睇喎！


雖然「福祿壽」於早前的演唱會中扮Wonder Girls大受歡迎，亦令WG演唱會主辦單位欲出天價50萬邀請三子加王祖藍女友李亞男同台演出，但可惜王祖藍人忙難度期，遲遲未肯落實演出，故最近主辦單位有意改請台灣幫助陣。
據知大會現聯絡中的台星包括唱得的蕭敬騰和林宥嘉，另外飛輪海和黑Girl都在考慮之列。據知情人士說：「福祿壽係好，不過50萬真係幾貴，反而班台灣星就平好多，50萬已經可以請到幾個單位，而且又啱WG班fans口味，所以到時轉陣都唔定。」
本刊就請台灣幫撐場一事，致電WG演唱會發言人Natalie，她說：「福祿壽個期仲度緊，我哋亦打算聯絡台灣啲artist，不過未落實暫時唔可以透露。」

未必有期
福祿壽騷價50萬
扮WG跳〈Nobody〉出晒名嘅福祿壽吸引埋主辦單位出50萬邀做表演嘉賓，可惜祖藍難度期，就算想搵祖藍女友李亞男一齊搵錢都未必請得郁。


除咗「福祿壽」，主辦單位仲搵蕭敬騰、飛輪海等台星撐場，就算4個單位加埋都唔使50萬，除笨有精喎！

WG經理人JYP香港招兵《FACE》協辦
韓國組合大熱，為咗強攻大中華市場，連Wonder Girls都要加個華人惠琳入隊，而最近WG的經理人公司JYP更準備喺香港搞招兵活動，由《FACE》協辦，將於12月17-18日公開招募新成員，到時WG更會來港參加揀蟀，成功入圍嘅港仔港女除咗可以飛去韓國受訓外，仲有機會成為新跳舞組合嘅成員之一，咁好機會，成班韓迷已經一早準備好面試，唔知到時又有幾多位港仔港女變韓星呢？

送WG海報及演唱會門票
只要答中簡單問題，再填上姓名及聯絡電話，聯同《FACE》書內印花，寄回將軍澳郵政信箱65207號《FACE》編輯部，即有機會贏到WG海報及超搶手演唱會門票。


今年WG 5女作亞洲巡迴演出，先後到訪馬來西亞、澳門，最後一站係12月17日香港站。VIP貴賓飛$1,280已一早賣斷！



飛輪海騷價20萬
《蘋果日報》圖片


蕭敬騰騷價10萬
台灣第 183 期 大乜週刊 圖片


林宥嘉騷價10萬


黑澀會騷價8萬


WG橫掃亞洲，巡迴演唱會場場爆，成功入圍的港女分分鐘變WG師妹甚至新成員。


WG嘅經理人公司JYP將於12月17-18日於九展舉行香港招兵活動，入圍可以成為JYP嘅練習生，受訓後隨時做韓星。


JYP搞招兵咁大壇，成班香港韓迷已經磨拳擦掌，希望成功殺入JYP。


arrow
arrow
    全站熱搜

    stinglife 發表在 痞客邦 留言(0) 人氣()

    E-mail轉寄