娛樂八掛大放送★

年尾月曆戰，多位o靚模剝得就剝，推出「廁所月曆」（供男士放在廁所內欣賞）。
手法各有不同，熊黛林早前就率領公司一班model，Angelababy、姚予晴、戴小奕及劉丹等人，遠赴澳洲昆士蘭拍攝月曆外景，實行以靚人靚衫靚景取勝。
貴為天王嫂，熊黛林當然有別於一般o靚模只識得一味靠剝，隨意著件超緊身閃石Girdle，露出黑色喱士花邊，升起34C咪咪，已經夠晒。

三十人大隊
每年熊黛林都會為所屬的model公司拍攝月曆，今年更落重本，連工作人員一共三十人拉隊飛澳洲取景，擺明走高貴路線，Valentino、Dolce & Gabbana同Loewe等多個大牌子都肯贊助靚衫。
身為一姐的熊黛林，著了一件由Barney Cheng設計的閃石Girdle，將已經有料到的34C，進一步升cup，變得更加洶湧。

歎多過做
以為澳洲之旅大家都會日影夜影用到盡，但啱啱相反，大家歎多過影相。
「今次真係好舒服，去咗五日，只係其中一日要做嘢，其餘時間就係去玩，我哋分別去咗摘士多啤梨、Warner Bros. Movie World同動物園，我其實好耐無放過假，今次當係放咗假啦。」熊黛林說。
但Angelababy就無熊黛林咁好彩，因為拍攝行程同電影撞晒期，所以只能在澳洲留三日，扣埋來回飛機同半日影相，Baby只有半日時間玩。

著起束衣的熊黛林，將34C身材逼爆，仲要露埋黑色喱士，加埋扭晒腰動作，充滿誘惑。

影相只係影咗一日，熊黛林其餘時間吃喝玩樂，去了農場玩摘士多啤梨。

唔敢同大蛇影相的熊黛林，只肯餵小袋鼠食嘢。

熊黛林與一眾model去到華納影城參觀，更吸引了當地傳媒報導。

因為男友城城影響下，熊黛林對賽車都有興趣，在澳洲都與一班賽車手合照。

Baby行程最緊密，到埗後即刻要開工影相，只得半日時間同熊黛林去玩，Baby跟住就要離開大隊，返大陸拍電影。

來自青島的戴小奕，被欽點成為十二個月曆女郎之一。

劉丹十分大膽俾條十二呎大蛇纏身都可擺出唔少pose。