殘爆擔煙龜縮美加近月，航班一改再改的陳冠希，終於上周四（ 17日）早上返抵香港。他步出機場即煙不離口，殘爆愁容與昔日的溝女靚仔樣相差甚遠。

　在情場未逢敵手的陳冠希，早前竟然遭只得 16歲的模 Cammi擺上 枱，自製啜嘴慾照流出，更日日出街有問必答，搞到一身蟻的陳冠希要避走美國。
　據知，原本㷫過火屎的陳冠希，本打算與 Cammi一刀兩斷，近日卻驚聞在女方手機內，仍私藏多張二人仍未曝光的情慾牀照，為防 Cammi重施故技，陳冠希局住與她復合。日前他更鬼祟返港，又又叫 Cammi交出相片，雖則暫時讓女方乖乖封口，但肯定仲有手尾跟。影相影出禍的陳冠希認真自食其果。



離開機場，陳冠希即飛奔回位於中環的瘟女竇，埋首處理工作及感情事，諗計搞掂 Cammi呢個炸彈。

三年前一役，曾痛心疾首公開認錯的陳冠希，自跟 Vincy分手後，雜食本性又再復發，點知今次遇 着集郵 Cammi，最終搞到一鑊粥。據知， 08年淫照事件後仍出力硬撐他的老闆林建岳，今次亦嬲到停止泵水旗下的娛樂公司 CMD。聞到味的陳冠希，上周四（ 17日）終返港收拾殘局。

越洋箍煲

返港當日，陳冠希為避傳媒，特登選搭早上 6點抵港的航機，只見一臉殘爆的他，步出機場後，即秒速到戶外扯煙，其間不時拿出手機傳短訊。據知情者透露：「 EDC（陳暱稱）返港除咗要同岳少交代，亦知道 Cammi手上仲有佢 哋 啲 牀上相，有幾張仲係玩男上女下層層疊㖭。 EDC怕佢愈爆愈多，所以今次返嚟，最重要係攞番嗰啲相。佢 喺美國 嗰陣，已經日日同個女仔傾視像（電話）。 喺自己個 Whatsapp， EDC仲叫緊佢做 BB；又同佢講，知道之前有人教唆佢，依家已經冇嬲佢。 Cammi以為自己同 EDC仲有機會，所以呢排咪乖乖收口唔肯答記者 嘢囉！」
據知，陳冠希返港後一直留在所住的中環四季酒店的服務式住宅。原打算約 Cammi到酒店見面的他，眼見有記者在酒店外駐守，即改變初衷，改以電話與她談心。在電話中，陳冠希多番游說 Cammi交出相片，但有大把「籌碼」在手的 Cammi，據知卻扮失憶表示冇印象影過這些相。



熱褲嘆火鍋陳冠希北上登台，同樣潛水多日的 Cammi，日前終出動跟父母到油麻地嘆平價火鍋。雖則近日天氣轉涼， Cammi仍以熱褲示人。而她對於現場記者提問，一概不回答，完全不似以往有問必答的作風。《蘋果日報》圖片

跟家人用膳期間， Cammi一直心不在焉，頻頻拿出手機傳短訊，細閱短訊時更狀甚肉緊。《蘋果日報》圖片

大陸夜場撲水

啜錯 Cammi的陳冠希搞到聲名狼藉、兼老闆閂水喉，令他旗下娛樂公司 CMD近日出現財困。為撲水維持生計，陳冠希不再像以往般精挑細選工作，更降 grade到大陸登台跑夜場。上周六（ 19日）凌晨，他現身廣州品流複雜的酒吧，一出場即大唱 rap歌，但未 rap完第一首歌，陳冠希已喘氣坐下，由拍檔廚房仔主力 rap。 唞順條氣的他則主動走向台前與女觀眾握手，其間更有女歌迷對 着他大嗌：「今晚帶我返屋企。」可惜陳冠希被重重保安護送下離開，未能又食又拎。
據該店經理表示：「慾照件事係對佢有 啲影響，不過佢 喺內地都仲有市場 嘅，唱三首歌要收 15萬。」翌晚，陳冠希再飛上海為另一夜場表演，兩晚 hea唱合共三十分鐘，即穩袋三十萬人仔，難怪一向以鬼仔潮人自居的陳冠希，寧願放下身段，亦要硬 着頭皮到內地跑夜場搵快錢。



hea唱袋 15萬以往唔接大陸騷的陳冠希，上周六為撲水，亦要委身到廣州一個可容納過千人的夜場登台。

專埋女人堆陳冠希久未到廣州跟歌迷會面，他一出現全場女性隨即進入瘋狂狀態，更有女歌迷大叫想跟他返歸。衰足咁多次，陳冠希溝女依然無難度。

冇氣坐低唞唱到一半，陳冠希已上氣唔接下氣，坐低休息， rap歌重任留給其拍檔廚房仔。 15萬人仔唱唔夠兩首歌，好執過拍戲。

陳冠希原當晚 11時多出場，不過貴公子遲足兩個鐘才現身。夜店惟有安排一班打扮略帶 SM feel的 dancers先暖場攝時間。


陳冠希臭名遠播，雖然在夜場登台，但他為確保銷飛，登台前已在微博上載海報及留言發功。

上海繼續 hea翌日，陳冠希再飛往上海 Tdub登台。表現仍未回勇的他，頻頻甩嘴發台瘟。

arrow
arrow
    全站熱搜

    stacylife 發表在 痞客邦 留言(0) 人氣()

    E-mail轉寄