落選港姐禁相外泄 尺度大膽被疑曾整容
今年港姐水平比往年要高，有翻版湯唯又有翻版佘詩曼，但論風頭最盡的一定是已經落選的25歲“寸嘴Barbie”廖祉甯 。首次面試記者問她叫什麽名字，Barbie一句：“我贏得冠軍後再告訴你！”已成爲焦點，雖然最後未能晉身最後15位准港姐，卻成爲各大傳媒追蹤對象。
原來Barbie不只是嘴巴厲害，還好大膽，記者從秘密渠道取得Barbie面試前的超激裸照，盡情展示33D的巨胸。
Barbie半裸上身，力保三點，除剩泳褲，相中的 Barbie身形明顯較豐滿。
封面
大熱港姐寸嘴 Barbie 禁相外洩
2010年06月09日
今年港姐質素升呢，有翻版湯唯又有翻版 Race，但論風頭最勁一定係 25歲的「寸嘴 Barbie」﹝廖祉甯（音：玲）﹞。首次面試被記者問叫咩名， Barbie一句：「我贏咗冠軍先講你知！」已成為焦點，雖然最後未能晉身最後 15位準港姐，卻成為各大雜誌追蹤對象。
原來 Barbie唔只寸嘴，仲好大膽。本刊從秘密渠道取得 Barbie面試前的超激裸照，盡晒 33D巨咪；另外更有一位選美卧底向本刊大爆料，話原來每位港姐入選覆試即要簽下苛刻合約；要焗睇無綫指定醫生、更要着泳衣影監躉相。選港姐分分鐘慘過去富士康返工喎。
上年港姐質素慘不忍睹，無綫決定今年放寬條件，持有香港身份證及 27歲以下都可參選。 25歲的 Barbie（廖祉甯）首次面試時，由於輪廓標致加上身材不俗而成為焦點，當時 Barbie更對在場記者講：「等我攞咗冠軍先話你知啦（全名）！」一「寸」成名，被封「寸嘴 Barbie」。
埋門撻 Q
寸嘴 Barbie未選已成為港姐風頭躉，可惜本週一（ 7日）最後 15位入選佳麗竟然冇 Barbie份。據知 Barbie死因，就係覆試會見評判環節問答技巧太差所致。據知當時樂易玲問 Barbie：「你係咪好鍾意被傳媒追訪呀？」當時 Barbie因沒想過樂小姐會單刀直入而出言頂撞，其後工作人員宣讀合約時， Barbie再多口問：「係咪唔簽冇得選先？」此舉令樂易玲相當不滿，最後被叮出局。
Barbie背景神秘，早前就有網友同佢起底，爆佢原名廖麗芳，參選前曾於投資公司做秘書，讀過劉德華母校可立中學。不過據知 Barbie現已改名廖祉甯，做過兼職模特兒的她，曾於英皇教育的平面廣告扮學生及表演過婚紗騷。
Barbie於首輪面試當日成為頂頭大熱，但佢因為唔識做人得失咗製作資源部總監樂易玲而被踢出局。
又身又除衫， Barbie性格其實都幾大膽，選乜鬼港姐吖，去做 o靚模啱佢多啲喎。
唔入圍照受約束
Barbie除做過奀模，更拍過裸照。上週本刊便得到一批 Barbie的半裸激相，比起時下的水着 o靚模更大膽噴血。
上週六本刊拿着祼照到 Barbie位於天后的住所向她了解。 Barbie見相後表現尷尬，堅拒回應，「我唔可以答任何嘢。」
據知，無綫曾要求每位進入覆試的佳麗都要簽下一份合約，其中一項條款，就係半年內除無綫外，不得私自接觸其他傳媒接受訪問，及跟其他娛樂公司簽約，否則無綫有權追究。無綫咁霸道，難怪只有億萬港姐張舒雅敢反抗啦！
露勻前後
TVB週一剛公布入圍港姐名單，雖然 Barbie連入圍港姐都做唔成，不過呢輯激相絕對拍得住師姐高海寧（右圖）。
08年港姐高海寧當年亦有裸照流出，雖然佢三甲不入只攞咗個「旅遊大使」獎，不過都無損高海寧前途，獲無綫力捧做新咪神！
Barbie眼大鼻又高，似章小蕙加陳敏之，胸前又夠偉大，可以諗吓投靠王晶旗下做晶女郎喎。
上週六（ 5日） Barbie見到裸照表現驚訝，話自己唔可以回答就急腳走人。
冇整容？
有報道指 Barbie學生時個樣同家好大分別！不過本刊從 Barbie facebook發現佢幾年前嘅相，個樣唔係太大分別啫！
fb私相
本刊於 facebook搵到 Barbie 4年前的旅行相片，當時 Barbie的樣貌與現時分別不大，唔似整容喎！
參選港姐前 Barbie任職投資公司文員，更不時旅行，其中一張就見她歐遊時跟老外合照。
見評判衰咗
覆試佳麗都要身穿泳衣見 4位評判，分別係製作資源總監樂易玲（左起）、製作部總監何麗全及兩位女高層何小慧、陳惠英。據知 Barbie只見了 5分鐘，而有幾位廣東話唔叻佳麗就有專人繙譯，更有疑似內定佳麗面試達 10分鐘咁耐，其間更着住泳衣跳舞。
爆港姐臥底刻薄合約
大熱 Barbie被叮出局衰高調，本刊亦收到一位港姐臥底爆料，指 TVB迫她簽一份苛刻合約，分分鐘辣過富士康。
1. 15分鐘迫簽
進入覆試嘅佳麗換完泳裝，即有工作人員派發合約，工作人員將合約讀一次，若佳麗沒有特別疑問，約 15分鐘後便要佳麗簽名，合約更不讓佳麗存底。
2.焗睇公司醫生
合約中寫明佳麗由參選到完成賽事，如生病只能睇無綫指定醫生，要請病假，病假紙都要指定醫生開出。擺明無綫受到張舒雅上年狂請病假教訓，以免今屆有佳麗有樣學樣。
張舒雅
3.面試影監躉相
所有覆試佳麗身穿泳衣，然後再手持一個寫上號碼、姓名的板，前後、左右影相，猶如監犯般。
合約有權保留
梁永鏗律師：「法律冇寫明，不過合約係應該雙方都有權保留，如果最後上到法庭，法官會考慮簽約者當時係唔係受威嚇情況下，或者唔公平情況下被迫簽約，一經證實，當事人毋須履行合約。」
入圍港姐素顏打針
15位入圍港姐週一（ 7日）正式扑鎚。之前嘅「拉長版鄭融」 Ju Ju、「嶺大富貴女」 Debbie、「洪天明舊菜」 Lillian及「寸嘴 Barbie」，所有風頭躉全部被叮出局，不過反而被指整容大執嘅 Jelly Girl成員張莉莎 Suyen就有份入圍，而張天愛提名的「翻版湯唯」李文萱（ Elle）亦有得留低。
本週一除公布 15位入圍者外，早上 15位佳麗更到尖沙咀一診所打防疫針準備下週一出發印度拍外景，個個素顏上陣，最真面目啦！
翻版湯唯 李文萱
冇咗寸嘴 Barbie，翻版湯唯李文萱（ Elle）即成大熱，就算去到診所打針都戴黑超！
枯乾 Race 林海玲
有枯乾 Race之稱嘅林海玲亦入圍，據知係國泰空姐。
Jelly Girl 張莉莎
Jelly Girl張莉莎被雜誌指佢有整容之嫌，個樣同之前好唔同，不過依然成為 15位佳麗之一。
疑似 les 莊思明
莊思敏細妹莊思明順利入圍，仲同其他佳麗極速混熟，不過素顏上陣嘅佢，有啲娘味喎！
巨咪 呂慧儀
巨咪呂慧儀上圍相當有睇頭，但未化妝嘅佢相當驚嚇。
翻版王祖賢 張秀文
翻版王祖賢張秀文，有報道指佢曾經吸毒，不過何麗全就指傳聞無根據。
暫時陪跑
有熱門亦有冷門，今年質素平均，就算翻版湯唯李文萱（ Elle）家都係比其他佳麗突出少少，家陣暫時陪跑唔代表之後冇機會。
冇眉師奶
油面小醜
骷髏郭可盈
透視 OL
插蘇大口扒
娘版獸獸
Sweet鍾麗淇
留言列表
{{ article.title }}
