TVB資深女藝人涉嫌販毒 電話遙控月賣十萬
TVB資深女藝人涉嫌販毒
香港娛樂圈毒禍一向嚴重，去年先有關楚耀和衛詩在日本因藏毒被捕，又有17歲靓模周凱盈在校內藏毒而被判守行爲，藝人吸毒問題備受關注。
毒品泛濫，一名毒品前拆家大爆一名資深TVB女藝人夥同侄子，向娛樂圈中人提供毒品。還有多位歌手演員不時透過中間人“送外賣”于私人地方開毒品派對、甚至有幕後音樂人常年開毒品獲取靈感，看來除了學校要強制驗毒，娛樂圈都應該要實行了！
朱茵
販毒已經滲入咗各行各業，咩都會發生。我覺得啲毒品名起得太可愛啦，乜嘢 K仔、藍精靈，應該叫番原名，好似氯胺酮，先會嚇到人！
另類副業
前拆家驚爆 TVB毒后月散 10萬貨
2010年06月09日
娛圈毒禍一向嚴重，去年先有關楚耀和衛詩喺日本因藏毒被捕，又有 17歲 o靚模周凱盈因校內藏毒而被判守行為，藝人吸毒問題更受關注。
毒品泛濫，一名毒品前拆家更向本刊大爆一名資深 TVB女藝人夥拍侄仔，向娛圈中人提供毒品；還有多位歌手演員不時透過中間人「送外賣」於私竇開毒 P、甚至有幕後音樂人長年靠毒品攞靈感，睇嚟除咗學校要強制驗毒，娛樂圈都應該諗諗喎！
20歲 Graze
Graze除咗踢爆娛圈吸毒秘史外，亦狠批政府嘅「校園驗毒計劃」對禁毒冇用：「其實即係幫黑社會做埋市場調查啫。」
今年 20歲嘅前古惑仔兼毒品拆家 Graze，浪子回頭，犯事後決志改過自身，之前於商台 903節目《你睇我唔到》中公開踢爆大佬兄弟瘀事，拆穿黑社會扮型假象，勸喻 o靚仔咪貪威。
拍侄仔攞貨
Graze接受本刊訪問時，更表示自己加入黑社會四年來一直擔任小拆家，負責安排發放毒品，毒網更涉及娛樂圈。 Graze力證 TVB一位資深女藝人透過侄仔向佢買毒品，再轉賣畀其他藝人圖利。 Graze說：「佢哋都算係我嘅大客，平均每個月都有 2至 3單 order，最多嗰次係月尾找數都差唔多有 10萬。其實係 TVB女藝人個侄仔主動過嚟搵我話：『我哋不如夾埋搵食』先開始，佢話幫姑姐手都係為咗賺外快，所以佢父母都唔知個仔幫姑姐接毒品。」問到女藝人會唔會包辦晒娛圈毒品， Graze就話：「唔夠膽話佢哋包起晒個娛圈，但係圈內人都叫佢做『大拆家』﹗」
袁彌明
絕對唔奇呀，一條龍自己人做晒，唔怕俾人出賣。
《蘋果日報》圖片
伍詠薇
行家同屋企人一齊做就更加係悲劇，希望佢快啲收手啦！
《忽然 1周》圖片
陳敏兒
販毒任何地方都有可能發生，家連小學都有拆家，呢盤係大生意呢！
惠英紅
我寧願人賭錢好過販毒，可能我個樣比較惡，啲人見到我都雞飛狗走，唔敢叫我試。
商天娥
呢種事不嬲都有，政府都要做多啲宣傳教育吓！
老黑有名單
此外， Graze一直見盡唔少有吸毒習慣嘅藝員名人，更有人已經成為社團內嘅攞貨 VIP， Graze續說：「雖然好多明星吸毒吸得好狼，但都會好低調，只會由中間人出面向我哋攞貨。但係社團點會唔起清客人個底吖，所以有唔少明星嘅衰嘢，我哋古惑仔都知道得一清二楚。」黑社會手握娛圈毒網名單，有份吸毒嗰堆應該有排驚。
毒后電話散貨
已婚 TVB資深女藝員，亦曾拍攝不少電影，夥拍唔少巨星，與當年只有 16歲嘅親侄一直合作販毒。每次都購入不同嘅貨源，如丸仔（搖頭丸）、可卡因、海洛英及大麻。
有次親侄將毒品帶給毒后，毒后即場致電給某歌壇新晉男歌手說：「啲貨已經返咗嚟，遲啲再 call你出嚟攞。」侄仔方知該名歌手有毒癮。
啲貨返咗！
《真實對白》
TVB資深女藝人
已婚
人緣勁好
電影電視通吃
音樂人匿埋食
Graze稱生活低調嘅幕後音樂人一直有吸食白粉獲取靈感的習慣，毒齡超過十年以上，而且每次都大批入貨，喺社團間廣為人知。另外，經常接拍電影嘅男歌手 N君，多年來經常相約好友扮潮人於私竇上開毒 P，佢哋亦玩得相當謹慎，只會由中間人將丸仔和可樂（可卡因）帶上私竇，以防惹禍上身。
男歌手
N君
歌影兩棲
家境富裕
幕後音樂人
年資深
為人低調
藝人講禁毒
周永恆：唔好喺娛樂圈度做！
再有歌手同藝人涉入毒網，娛圈毒風禁不住，不過一問到毒品問題卻個個話未聽過，係得犯過藏毒罪嘅周永恆說：「做衰嘢唔好喺娛樂圈度做。」似番個正常香港人。
周永恒
我 04年先（藏毒）被人拉， 02、 03年都係幫圈外人買，啲價貴好多，做衰嘢就唔好喺娛樂圈度做，出去搵仲賺錢啦！
古巨基
呢種事情真係唔了解！我本身參加好多禁毒活動，做藝人應該出力支持禁毒先啱。
詩雅
政府要做多啲教育，最好由小學生開始。
江若琳
我身邊啲朋友唔煙唔酒，更加唔會有人接觸毒品，如果係真，就真係好得人驚。
梁政珏
做藝人連飲酒都要好小心，何況吸毒？希望差人快啲拉晒班人。
以上全為真實對白
留言列表
{{ article.title }}
