嘩！惡婆杜麗莎露點影 PLAYBOY face週刊 159期 @ 娛樂八掛大放送★

超平莎

大發現

嘩！惡婆杜麗莎露點　影《 PLAYBOY》

2010年06月09日

《超級巨聲 2》本來冇乜驚喜，但忽然爆出個躁底評判杜麗莎，連環鬧喊參賽者，連首席評判 Miss Chan Chan（陳潔靈）亦照窒，惡婆莎犯眾憎，結果做咗 5集，下週就「暫別」叮走。
杜麗莎逢人鬧，有被 out參賽者話佢侮辱人格兼爆佢《巨聲》惡行，本刊更發現惡婆莎原來 24年前曾為成人雜誌《 PLAYBOY》拍過露點寫真。 53歲杜麗莎原來唔只惡，當年仲係前衛中女添！

杜麗莎 86年為《 PLAYBOY》拍露點寫真，當年佢 29歲，身材超平估計得 31A，對於拍過寫真，她曾說：「家想騷都冇得騷！」似乎對拍露點寫真無悔，但翻查資料，杜麗莎影呢輯性感相時正值人生低潮，開演唱會蝕 300萬私己入肉，首段婚姻亦淪陷。

影得開心

當年杜麗莎拍寫真時曾表示：「人人以為我台上好狂嘢，其實真人啱啱相反，我影完輯相，好懷疑自己有冇錯，好在攝影師影得好靚，我好開心！」充滿自信。

惡死杜麗莎嚇呆主持犯眾憎

雪中送炭

陳潔靈被問到拍檔杜麗莎廿年前拍寫真，佢就幫口話：「唔係佢，家杜麗莎係老師嚟，呢個係以前嘅佢啦！」

據知《巨聲工房》中杜麗莎大喝：「 Quiet」，鬧爆 Mini（右一）一段在 YouTube勁傳，見 Mini嚇到即時狂鞠躬講 sorry，在場學生當然都 O晒嘴唔識反應。

教開唱歌身兼《巨聲 2》評判和參賽者歌唱導師的杜麗莎，幾乎逢人抦，尤其她在 J2台的《巨聲工房》中大喝 TVB Music話事人 Mini「 Quiet」最經典。

「生個女唔係畀佢鬧！」

落淚控訴<br/>鄭媽見囡囡感觸落淚，即時收口冇再數杜麗莎，拖女走人。
落淚控訴
鄭媽見囡囡感觸落淚，即時收口冇再數杜麗莎，拖女走人。

做評判火爆，查實杜麗莎中女時代已相當激， 86年 29歲女曾替成人雜誌《 PLAYBOY》拍露點寫真，身材正否見仁見智，但尺度相當大膽，連周秀娜都要企歪。
所謂激開有條路，除現時網友勁講的《巨聲 2》躁狂事件外，據知杜麗莎仲有多單惡行，只係俾無綫剪走冇出街。其中喺第 2集翻唱王菲〈愛與痛的邊緣〉的鄭詠之俾杜麗莎鬧：「你着衫好難睇，見到你個樣，已經唔想聽你唱歌！」據知鄭詠之同鄭媽媽返到屋企大喊覺得大受侮辱，耿耿於懷而連日失眠。
週日（ 6日）鄭詠之同母親外出時，談及遭杜麗莎侮辱，鄭詠之只說：「 TVB唔畀做訪問， sorry！」但身旁鄭媽就代女出頭：「我知個女當晚表現唔好，都唔使咁講嘢！我哋覺得好侮辱，我生個女出嚟唔係畀佢鬧！」而鄭詠之則在旁邊聽邊喊，好可憐。

爆粗 fxxk

除當眾鬧參賽者，據知杜麗莎原來鬧自己學生一樣狠，更有傳有學生家長因抵不住人身攻擊而出律師信警告，甚至連幕後亦一樣遭殃，一《巨聲》工作人員說：「佢好嚴格，有時綵排隊 band打錯拍子，會勁鬧啲 band友唔專業，又爆粗：『 Fxxk!』搞到所有人都好驚佢。」
惡婆個個插，但曾遭她當面寸爆的陳潔靈卻撐她說：「我哋個個都好惡 o架，邊有不和啫，最好合作搞個『聲沙沙』（ Teresa& Elisa）演唱會添。」 Miss Chan Chan大方，呢啲先得民心 o架！