沈卓盈為生仔避輻射
早前與男友到日本旅遊的沈卓盈，因擔心東京受輻射影響而重遊九州，為生BB作好準備！不過做媽咪前，她打算努力搵銀，儲錢做業主。
無綫藝人沈卓盈（Jess）剛與男友到日本九州旅行返港，全程以休閒及輕鬆為主，沒有Shopping，結果因大吃大喝而肥了4磅。有男友陪伴當然開心，難怪向來「油浸都唔肥」的她也會增磅！其實Jess已非首次遊九州，問到為何不去日本其他地方，她說：「因為東京有輻射，所以寧願去其他地方浸溫泉。朋友話如果想生BB就唔好去，去過嘅就5年內都唔好生。（你想快啲生？）5年內點知會發生咩事，幾個月都唔知啦！不過我未咁快，要勤力啲搵錢先，我要儲定錢，都未買自己第一層樓。」
浸四晚溫泉
Jess此行一星期浸4晚溫泉，疲勞盡消，她說：「喺酒店房嘅私人溫泉浸，其他時間就周圍行同食嘢，我上次去復活像嗰度玩，叫極隻牛都唔睬我，今次有兩隻驢仔見我拎住杯雪糕，就即刻走埋嚟，我都忍唔住同佢哋影相。」她還趁機到廟宇祈福，祈求事業、愛情兩得意：「今年係好開始，接咗好多飲食節目做，不停去食嘢，真係過肥年。（幾時結婚？）十畫都未有一撇。（好甜蜜？）正常嘅，有人錫好啲，自然會開心。」
影視組
沈卓盈出動雪糕誘惑，成功吸引驢仔埋身。
沈卓盈到廟宇祈福，祈求事業、愛情兩得意。
沈卓盈在日本大吃大喝，以致發福返港。
沈卓盈再訪復活像，依然興奮留影。
與男友甜蜜蜜的沈卓盈，為免輻射影響生育而拒遊東京。
沈卓盈拖實男友 返歸纏綿
日前ontv獨家追蹤部隊發現無綫小花沈卓盈與楊秀惠舊愛Ray Mak拍拖撐枱腳，之後更雙雙往男友的跑馬地寓所繼續溫馨。另一邊廂，楊秀惠亦不愁寂寞，夜蒲期間call定新歡在酒吧門口等候。
ontv獨家追蹤部隊日前就發現沈卓盈、楊秀惠兩位「情敵」不約而同各自與另一半在街頭大晒恩愛！去年無綫小花沈卓盈與楊秀惠盛傳爭仔，沈卓盈更被指從楊秀惠手上撬走名測量師、身家逾億的金融才俊Ray Mak，不過楊秀惠亦「唔輸蝕」甩拖後亦火速撻着家住半山的葉姓富貴新歡。日前下午時分沈卓盈與Ray就現身銅鑼灣撐枱腳，之後二人更旁若無人全程十指緊扣行街街，最後更拍拖漫步至男方的跑馬地寓所，似乎要趕往「下半場」。
單拖夜蒲 表現風騷
至於痛失Ray Mak的楊秀惠亦輸人唔輸陣，同日晚上她與好友現身中環酒吧談心，雖然當晚身邊好友都成雙成對，但身為「電燈膽」的楊秀惠全晚卻表現風騷，ontv獨家追蹤部隊發現原來楊秀惠早已致電新男友報告行蹤，凌晨時分楊秀惠盡興離開酒吧時，其男友早已駕車到酒吧門口等候，認真廿四孝！想知道沈卓盈和楊秀惠有幾風騷？立刻Click入ontv去片啦！
沈卓盈與男友回家繼續溫馨。
楊秀惠（右）與朋友夜蒲，全程表現風騷。
楊秀惠男友開車在酒吧門口等候，但未見真面目。
文：專案組
留言列表
{{ article.title }}
