「餓狼」李思捷數月前偷食陳年「世界妹」李思蓓斷正，拍拖兩年正印「春卷」王寶寶依然啞忍放生，無王管，在夜場愈擒愈狼，掃背摸pat兜胸連環出手，連李思蓓身邊好姊妹亦唔放過，受害人包括陶喆緋聞女友岑潔儀以及落選港姐曾愛媚。當晚有同場男士不值「餓狼」所為，狠將李思捷掟出門口，事後一班女受害人不甘被「餓狼」完鬆，在fb鬧爆「禽獸」。

 

叫停唔收手
據了解，食過翻尋味的李思捷，早前再偷會緋聞女友李思蓓，大班人在尖沙嘴上樓bar飲完紅酒飲啤酒，向來好酒量的他幾杯落肚，居然扮醉向現場單身女士逐個抽水。首先用手箍實目標，再用另一隻手掃背，繼而兜向前摸胸，現場女人個個中招。席間，有男士愈睇愈火滾，開聲叫李思捷停手，不過有人扮聽唔到，最後由無綫藝人李天翔帶頭，聯同其他男性友人，用武力將李思捷掟走。記者事後發現，當晚有份目睹事發經過的觀眾與受害人，在李天翔facebook內繼續大講「禽獸」，雖然未有指名導姓，但就指「禽獸」曾經在「紅館開show」，而當晚出席藝人中，就只有李思捷在紅館做過演唱會。「禽獸」呼之欲出，有睇唔過眼的友人更在facebook內表示，願意出錢買鎖，叫李思蓓「捉番禽獸入籠」。記者致電李天翔，對當晚合力將李思捷趕走，他未有否認。「我係有份負責送佢走，佢太醉嘞。（佢係咪向現場嘅單身女人抽水？）總之冇摸我囉。」至於緋聞女友李思蓓，亦跟「禽獸」劃清界線：「你哋問番佢啦。」

禽獸再出籠
早前TVB幕後人搞生日party，李思捷一知道會有唔少索女出現，即飛撲現場，飲多兩杯壯膽，即猴擒出手抽水。

外號「福祿獸」
據了解，近兩年憑「福祿壽」扮嘢上位的李思捷，因多次向三、四線女藝人抽水，醜事逐漸浮面，在電視城獲封「福祿獸」。「佢好叻㗎，次次都扮到好醉，如果俾佢摸過或者搣過pat pat嘅女仔即場發嬲反面，佢會say sorry，話自己飲大咗，然後當冇事發生走人。」知情者說。

受害人指證
獸性難改的李思捷唔知衰，早前與岑潔儀、曾愛媚、崔建邦、揚明以及陳少邦等人在灣仔一間樓上吧為無綫幕後人慶祝生日，飲大兩杯，先撩坐在bar枱的曾愛媚飲酒猜枚，繼而掃背搣pat。遭女方推開後便轉移目標，對坐在另一邊的岑潔儀上下其手，被女方踢走後，腳步浮浮的他轉身離開bar枱時，被崔建邦大聲叫收手，才無癮離場。身為苦主的岑潔儀亦直認被抽水。「嗰晚在場嘅人都見到佢（李思捷）摸啲女仔pat pat，我知道佢事後有打電話同曾愛媚講對唔住，不過冇同我講，呢啲咁嘅人，幾有才華都冇用。」

帶女澳門再食
香港偷食抽水唔夠喉，李思捷早前帶埋私家菜過澳門「陪瞓」。二月十日晚，記者發現他到澳門威尼斯人做騷，同行還有任職公民足球隊宣傳經理Naomi（馮鎵瀅）。當晚十一點半，李思捷先安排Naomi到賭場睇他做騷，散場後即孖住新女及兩名助手，搭的士到新益飯店食消夜。食到一點左右，飽暖李思捷拖住新女搭的士到金沙酒店過夜，直至翌日下午四點，才前後腳離開。「其實思捷食女都好揚，近排周圍介紹俾人知Naomi係佢女友，又要朋友叫佢做阿嫂，啲friend問佢春卷仲係咪阿嫂，佢又話係，都唔明點解春卷可以頂得順。Naomi之外，仲有郭思琳，個女仔同自己啲friend講佢係思捷條女。」知情者說。 ####


岑潔儀：佢摸我pat pat！（真實對白）


曾愛媚：佢同我道歉囉！（真實對白）


李思蓓：內有禽獸！（真實對白）


K房現場目睹李思捷連環抽水，嬲爆的李思蓓影合照時照撥開對方的手，與他劃清界線。


去年十一月，李思捷背住春卷夜歎「世界妹」李思蓓斷正，事後話二人密會八小時純傾公事。


正印春卷自從跟李思捷拍拖後，即被私有化唔再做幕前。


澳門爆房　新女Naomi 李思捷唱完show，跟同去澳門的新女Naomi在賭場內，會合兩名助手搭的士出發食消夜。


落車後，小心翼翼的李思捷終於放下戒備，跟新女孖住行。


散餐女郭思琳曾經上崔建邦屋企過夜的郭思琳，近日在微博晒幸福，表示跟李思捷high tea，男方更送演唱會飛給她。


填飽肚，李思捷同新女飛的士返金沙過夜，到翌日下午四點，二人才前後腳離開。


情人節正日，李思捷撇低一眾「散餐女」，做司機送春卷出街。

arrow
arrow
    全站熱搜
    創作者介紹
    創作者 stinglife 的頭像
    stinglife

    娛樂八掛大放送★

    stacylife 發表在 痞客邦 留言(0) 人氣()

    E-mail轉寄