何以偏偏選中我！（設計對白）
金賢重歌唱事業順風順水，但有意挑戰劇壇嘅佢，卻波折重重。先係《惡作劇之吻》收視不濟，而舊年接拍嘅《都市征伐》更因政治因素而冇電視台肯播。唔通佢今年流年不利？
出外埠
金賢重做炮灰
韓國新總統（ 2月 25日）就任，應該舉國歡騰先係，偏偏有人禮炮都未發，就已經做咗炮灰，邊個咁慘情？咪就係憑《花樣男子》走紅、組合 SS501隊長金賢重囉！自《花》後，金賢重銳意向戲劇發展，可惜成績並不理想， 2011年 嘅《惡作劇之吻》（ J2台播映中），收視低迷到令電視台喊驚。
仲未黑完 噃，上年有製作公司搵佢拍《都市征伐》，點知拍拍吓出現阻滯，原來無一個電視台肯播，只有 KBS應承 咗 2月播，誰不知最後縮沙，事關正值新總統上任，而劇集內容涉及社會不滿及過於暴力，所以拒播。
講到最無辜 嘅，當非金賢重莫屬囉，一心諗住靠《都》劇發圍，想唔到竟然做 咗炮灰。真係黑仔到呢。
《都市征伐》改編韓國人氣漫畫家申邢彬同名嘅漫畫，金賢重（左）飾演嘅白米爾，對社會種種不公心懷怨憤，欲以一己之力維持公義。
《都》大部分外景都喺日本，故劇集開拍之初，金賢重（中）及劇組大鑼大鼓喺日本開記招。
金賢重及鄭壽敏搭檔嘅《惡作劇之吻》，只得 3.5%收視。認真估佢唔到。
全站熱搜
留言列表
{{ article.title }}
