（《蘋果日報》圖片）

張學友去年四月在紅館舉行了二十場「1/2世紀香港演唱會」後，隨即展開美加、星馬及內地巡迴，經過百多場演出，五月回歸香港，於機場博覽館作為終結站。同一個演唱會，一年最貴門票由上次680元加至880元，加幅達百分之三十，結果，演唱會開賣至今，仍有大量門票供應，打爛學友神級招牌。相比同月同場地開show最貴飛賣1,580元的Lady Gaga，美國天后簡直賣大包！

一年填氹
張學友每次開演唱會，例必掀起撲飛熱，去年四月，相隔四年再次在紅館開騷的他，兩度加場開到二十場，依然一票難求。「近年演唱會市道根本就唔好，但好似學友呢隻級數歌手，始終有吸引力，演唱會一開賣就會即刻去晒飛，內部認購就更加搶手，根本唔憂賣，如果唔係，搞手陳淑芬點可能要求喺開騷前五個月收晒錢，訂飛無得揀日子咁巴閉！」一名資深搞手說。張學友○九年因為雷曼事件損失近億，被迫全面復出跑數，一口氣接拍了《月滿軒尼詩》、《全城熱戀》、《七十二家租客》三部戲，同時籌辦演唱會及舞台劇；吸金大計包括去年開始的「1/2世紀世界巡迴演唱會」，至今已舉行超過一百二十場，打破了○七年一○七場紀錄，雷曼損失，一次過返晒嚟！「有唔少雷曼苦主可以攞番部分投資啲錢，但好似學友呢隻就完全冇份，好彩佢賺錢能力高，唱一年就賺過億，快過打針！」

比紅館平租
除了學友歸本，主辦商陳淑芬同樣大賺！「1/2世紀世界巡迴演唱會」終點站，舉行地點由上次紅館搬到機場亞洲博覽館，最貴門票比上次六百八十元貴多兩百。「上次賣六百八十元已經加咗價，依家同一個演唱會，竟然再加多兩百，其實好唔合理，加上入到機場咁遠睇騷，車錢都要過百蚊，一個人消費要成千，唔係超級fans，根本唔考慮啦！」一位行內人說。事實上，演唱會移師機場博覽舉行，成本比紅館平一截。紅館除了日收六萬場租外，還要抽門票收入百分之二十，但機場博覽連電費、水費及場租，每場約四十萬，有數得計。終站門票勁加，影響銷情，演唱會開賣了一個月，中價門票至今仍有大量供應，陳淑芬未打響算盤，反而打爛學友一賣即爆的神話招牌。

炒到飛起
同樣以亞洲博覽館作為演出場地，五月於香港首次開騷的Lady Gaga，掀起全城撲飛熱，1,580元、1,280元、780元及480元四種價錢，以美國天后計，比學友抵睇得多。上週，信用卡客戶進行優先購票，大批市民早上10時起上網搶飛，造成網絡大塞車，有歌迷在售票處門外通宵排隊，門票在30分鐘內火速售罄。當日下午，最貴1,580元的門票，炒至三萬元一張。本週一（27日）門票進行公開發售，有市民更以時薪100元聘請「排隊黨」五日前開始瞓街排隊，同樣開賣唔夠半小時，搶購一空。 ####


自稱唔多跳得的學友，在演唱會上加入不少舞步安排，更大玩一字馬。


以往一賣即爆的學友，今次演唱會開賣成個月，中價飛仍有大量供應。


09年，學友為雷曼損失全面復出，以代言人身份在迪士尼演出。


學友開騷，每次都吸引唔少紅人捧場，去年Eason入後台探班，更扮學友跳舞。


除了唱片、演唱會收入豐厚，學友亦復出接戲，包括與湯唯合作的《月滿軒尼詩》及靚靚有份的《七十二家租客》。


雷曼出事後，學友已經唔敢再自己投資，所有收入全交給老婆負責。



arrow
arrow
    全站熱搜
    創作者介紹
    創作者 stinglife 的頭像
    stinglife

    娛樂八掛大放送★

    stacylife 發表在 痞客邦 留言(0) 人氣()

    E-mail轉寄