小特搜
披肩熱
近日天氣忽冷忽熱，與其帶多件外套，唔少女藝人都寧願「搭」條披肩上身，事關披肩保暖之餘，仲可以當配飾，唔使咁寡。
陳庭欣 花喱碌
陳庭欣經常着晚裝出席活動，披肩係必備之選。「我最鍾意呢條 Handsome Hero披肩，圖案好特別，夠花碌碌。我自己就唔鍾意格仔款。」
莊思敏 格仔癡
莊思敏家中衫多鞋多，連披肩都有十幾條，最貴一條值 4千幾蚊。「我身上呢條係台灣 fans送嘅。我特別鍾意格仔同豹紋披肩，質地一定要滑身，我好怕拮到皮膚出紅點。」
王君馨 毛神神
王君馨不時出埠登台，披肩唔單止保暖，仲可以防走光。「呢條毛毛披肩我好鍾意，最啱出埠登台着，夠保暖又高貴。試過有次着晚裝，條裙嘅吊帶突然鬆咗，都係多得呢條披肩救我一命。」
$850
蔣家旻 英倫風
蔣家旻對格仔有情意結，貪佢有校園風味，所以買衫同披肩都愛格仔款式。「呢條 Ice fire披肩係朋友送嘅，好有紀念價值，經常都會戴住。我就鍾意買羊毛或棉質披肩，軟身得嚟又舒服。」
朱慧敏 民族癖
朱慧敏好怕凍，無論夏天定冬天，都會隨身帶備一條披肩，以備不時之需。「呢條披肩幾貴下，係人手釘花。我怕凍，會專揀厚身質料。」
$2,500
全站熱搜
留言列表
{{ article.title }}
