池城氣質清秀，加埋一副運動家身形，絕對引死女，難怪粉絲隊伍愈嚟愈龐大，連玉女明星鍾嘉欣都超迷佢。
亞熱帶
池城 so cool 嘉欣也瘋狂
韓國 K-pop組合令人瘋狂，演藝界明星一樣令人迷痴痴。繼張根碩、崔始源同朴有天之後，型男靚仔池城亦強攻香港。
講起池城，佢同金在中合作 嘅電視劇《守護 BOSS》（喺有線娛樂台播放緊）、電影《我愛瘋 sex》又 啱 啱上畫，所以香港觀眾對佢唔會陌生，連無綫玉女花旦鍾嘉欣都勁冧佢，更揚言今年最大目標係學韓文，希望有朝一日可以同池城合作喎﹗
03年出道，原名郭太根、 36歲「高」齡 嘅池城，比起一眾偶像年紀係大 啲、亦唔屬於「花美男」，但就有一種難以言傳 嘅魅力，唔止吸引韓國女粉絲，連鍾嘉欣都話自己係佢 嘅 super diehard fans。鍾嘉欣之所以「墮池」，係睇 咗池城 嘅《最後之舞》俾佢深深吸引，之後翻睇又翻睇，足足睇 咗廿次，真係攞你命三千。
唔講唔知，池城 喺入藝能界前，係國家級別 嘅棒球手，但因為夢想係演員，雖然校長老竇同教師阿媽反對，唔理三七二十一，將自己 嘅資料寄去 SBS，結果試鏡一 take pass，從此墮入演藝界 嘅深淵。 03年，參演第一部劇《 All in真愛的賭注》，因為外形清秀、斯文氣質，唔止搶咗男一號李秉憲鏡，仲吸納一大批粉絲。 04年拍《最後之舞》，奠定演藝界阿哥地位。
鍾嘉欣因為接受訪問時，坦言見唔到池城好失望，搞到全個電視城都知佢係池城 die hard粉絲。
《最後之舞》可以講係池城演技大考驗，事關佢喺劇中原本係富家子，高大俊朗，因意外失憶後，變得清純中帶有傻氣。鍾嘉欣曾揚言係俾失憶後嘅池城迷倒，竟然可以睇 20次，簡直發晒花痴。
池城喺劇集《金首露》入面飾演格鬥功夫一流嘅伽 倻王，大晒六嚿腹肌係閒事。
咪睇池城已三張幾，但童心依然未泯㗎，睇佢同金在中玩手電都笑得咁開心就知囉。
同行如敵國呢句話，對韓國藝人嚟講，似乎唔係幾啱使。好似池城，佢同張根碩係老死。舊年張根碩拍攝《愛情雨》期間，池城不時帶埋午餐車去探班，老友到呢！
戲路多變
池城屬百變型，可演斯文靚仔、亦可走反叛硬漢路線，可塑性甚高，事業順風順水，令他擸獎無數。 05年，池城要履行國民責任服兵役。根據韓國影藝界習慣，男藝人一般退伍後，冇幾個會 喺短時間內回復昔日光采，唯獨池城例外。 07年 6月他退伍後，休息冇幾天，即接拍改編日本推理小說家東野圭吾 嘅《宿命》，電影還有宋承憲、權相佑。池城飾演宋承憲 嘅好兄弟，獲得韓國影評家一致好評，更憑《宿》獲得 2008年 MBC演技大賞之黃金演技獎。之後電影、電視劇拍之不盡。 12年，他除跟池珍熙合作電視劇《大風水》（現正 喺韓國電視台播映）外，亦跟金亞中合演電影《我愛瘋 sex》。池城今次唔做溫柔靚仔，破格做自卑宅男，演技又上一層樓！
早前為雜誌拍攝封面，着住皮褲嘅池城，更顯得陽剛硬朗。
池城雖然否認同李寶英已婚，但舊年兩人去睇 Psy嘅《江南 Style》騷時，被發現戴上婚戒（紅圈）。
池城演技多元化，乜嘢角色都手到拿來，就算喺《我愛瘋 sex》飾演自卑宅男，一樣揮灑自如，跟喜劇天后金亞中合作，簡直如魚得水啦。
池城退伍後第一部電影，就係跟宋承憲（左二）、權相佑（右二）合拍嘅《宿命》，所謂精英雲集，難怪成為韓國 2008年嘅大片。
留言列表
{{ article.title }}
