多多都殺得起呀！（設計對白）前一個禮拜先動筆簽約，黃日華已經有資格孖住王維基一齊舞獅助興，地位十分吃重！

有「電訊魔童」之稱嘅王維基，上星期五（二月二十四日）現身將軍澳工業邨，為CTI電視及多媒體製作中心主持動土儀式。


舊年開始，王維基不斷向無綫幕前幕後高薪搶人，動土儀式上，終於見到藝人班底，包括盛傳以七倍人工過檔做一姐嘅張可頤、林文龍、劉玉翠、駱應鈞、周家怡以及黃日華等。曾經以「totally very bad」大鬧無綫嘅華哥，當日孖住王維基一齊舞醒獅，凸顯一哥身份，問佢有咩金句形容新東家，佢再晒英文：「Can do independent，可以獨立發展，唔好叫我哋叛將，東家唔打打西家，我哋只係做開國功臣！」大條道理嘅華哥仲話唔排除叫埋個女黃芷晴簽約，一於買大送細，父女檔同撈同煲。 ####

 
王維基（右三）表示十月一日會正式開台，預計幕前藝人會由一百四十人增加到 二百五十人，搶人戰，有排打！

 
（右起）黃日華、張可頤做一哥一姐，林文龍剛動筆簽下兩年約，太太郭可盈照顧囡囡暫時唔復出，至於廖碧兒，雖然冇簽約，但如果有好劇本時間又配合到，都會幫城市電訊拍劇。


華哥大女黃芷晴讀埋今年就理大畢業，有傳將會父女檔上陣，合作科幻劇，有錢齊齊搵。


阿佘好姊妹周家怡一早就過咗檔，當日更以性感造型擔任動土儀式司儀。



arrow
arrow
    全站熱搜
    創作者介紹
    創作者 stinglife 的頭像
    stinglife

    娛樂八掛大放送★

    stacylife 發表在 痞客邦 留言(0) 人氣()

    E-mail轉寄