唔好啦！真實對白
一眾壯男包括翟威廉、楊潮凱、劉天龍、陳志健及魏焌皓爆衫合照， 喺香香面前晒肌，仲叫香香埋位影埋一份，搞到香香有 啲尷尬，最後佢話：「唔好喇！你 哋影啦！」
封面
搖胸喪跑 5壯男剝衫裸聊岑麗香
上年一套《爸不得媽媽》令岑麗香一劇上位成為女神，樣靚身材正兼係 TVB五大處女之一，自然引來一眾狂蜂浪蝶。
最近忙拍新劇《神槍狙擊 2013》飾演神槍手 嘅香香，同一眾男演員有多場受訓群戲，一眾大隻男藝員暈晒浪之餘，當然爭取機會向香香大獻殷勤。上週拍外景，香香着住白色貼身背心跑步， 33C身材跌跌蕩蕩，鬼咁澎湃，引到港男溫家偉同前 BOYZ成員張致恒好似螞蟻摟蜜糖咁黐實香香。一個扮馬騮、一個谷肌，更有人當眾除衫騷肌撩香香，劇未上，已經搶晒女主角周海媚同徐子珊鏡。
33C o浪住跑
28歲岑麗香 10年國際中華小姐冠軍，上年首度拍劇《巴不得媽媽》憑 儍大姐性格，加上 33C身材，一躍成為女神。除 咗被力捧，更係無 綫新一代吸金王，接騷接到手軟之餘，亦成無 綫一眾小生爭溝對象。最近超筍盤馬國明便自爆跟香香農曆年間 BBQ，由蛋散到一線小生，通通俾香香電暈。
香香拍攝跑步戲分時，雙腳各包 5磅鉛跑，跑起上 嚟更加用力同震撼。
餓男 1張致恒騷肌
一眾猛男當中，以 Steven最冇肌肉，不過都 喺香香面前谷老鼠仔，扮 man。
餓男 2楊潮凱掃背
翟威廉撩合照，猛男即時埋位，在《天與地》扮少年陳豪的楊潮凱更用手輕摸香香背。
餓男 3溫家偉撩玩
溫家偉同香香兩個鬼聲鬼氣玩得最埋，未埋位前更同香香扮打功夫。
每逢有香香 嘅戲分，一眾男演員就份外投入，一有時間就撩香香大合照，隨即上載微博。
溝女多過開工
香香最近忙拍新劇《神槍狙擊 2013》，劇中飾演新紮女神槍手。戲分雖然不及周海媚及徐子珊，但勝在經常跟班男警察出生入死，角色相當搶鏡，最近香香便經常跟一眾男藝員拍攝受訓場面，令呢班色中餓鬼相當興奮。
劇組人員爆料：「除 咗結 咗婚 嘅張兆輝、陳子健外，其他個個都好似蟻摟蜜糖咁，尤其 Steven（張致恒），狂教香香做戲，又幫人攞通告，明明收 咗工又等埋人……呢班仔似溝女多過開工。」
子珊狙擊海媚
《神槍狙擊 2013》為今年無 綫重頭劇之一，除 咗有岑麗香外，第一男主角係逢劇都叫狙擊 嘅謝天華，第二男主角係張兆輝，女主角就由徐子珊、周海媚 孭飛，但據知以子珊戲分較多及搶鏡。該劇以神槍手為主角，劇中更會有類似電影《殺神特工》 嘅轉彎子彈鏡頭，及大量槍擊特技場口。無 綫玩特技？真係要剝定花生睇好戲喇！
周海媚劇中同張兆輝一對，但就以感情戲為主，所以唔及超多動作場面的子珊及岑麗香搶鏡。
子珊 喺《神》劇由頭打到落尾。早前拍攝飛車場口，更親身上陣，飛身撻落地 5次，認真搏命。
大隻港男啱 key
上週四（ 21日）《神》劇到粉嶺皇后山拍攝外景，天氣清涼，加上香香的小背心更令現場 8位男藝人熱血沸騰， 33C身材完全擋唔住，加上拍攝跑步戲，令香香身材顯得更跌蕩。
現場所見， 08年港男溫家偉同 Steven最落力，當日 Steven喺香香面前谷手瓜，不過香香並唔過電，反而同鬼仔 嘅溫家偉最有交流，大家鬼聲鬼氣，香香更同佢 喺鏡頭外大擺功夫 pose，明顯勁冧溫家偉。
香香慘叫：唔好！
香香早前到南生圍拍外景，要搽到成塊面都係迷彩，難得仲識笑，鬼妹仔係貪玩 啲！
當日氣溫得 15度，不過在場 5位猛男包括楊潮凱、翟威廉、陳子健、魏焌皓及劉天龍收工突然興起要爆衫合照留念，明顯係想騷肌引香香，更叫香香埋位一齊影，不過香香就慘叫話：「唔好喇！你 哋自己影啦！」
本刊曾致電問香香，對於自己俾仔圍有乜感受，但香香亦禮貌地話唔方便回應。大家就放長雙眼，睇吓邊位小生跑出啦。
女神多仔冧
香香除咗夠索，加上鬼妹仔性格，同好多男藝人自然一拍即合傾得埋，自《巴不得媽媽》上位後，埋身嘅唔只二打六，就連一線嘅馬明亦嗒糖。
馬明互相欣賞
《蘋果日報》圖片
香香係女神，馬明又係大眾筍盤，早前更一齊到《衝上雲霄 II》監製陳維冠家中 BBQ。不過香香就話以工作為先，暫時唔諗發展住，隔空大讚對方條件好。
Steven扮師兄
Steven一早𥄫中香香，據知一齊上射擊堂時已成日坐香香隔籬，又成日以師兄身份教香香做戲，借意親近。
港男同聲同氣
香香（左一） 喺溫哥華長大，而港男溫家偉就 喺美國讀書，二人都係鬼聲鬼氣，溫亦成日同香香講笑。拍《神》劇期間，二人玩得最埋。
隊長追唔到
巨星幫 嘅陳國峰上年拍 J2節目《 Big Boy Club》搵 咗香香做嘉賓，之後就開始狂追，更試過等埋香香收工一齊搭的士，可惜之後冇下文。
香香 3年大兩 cup
10年岑麗香代表溫哥華出戰國際中華小姐，更獲得冠軍。當時香香大熱姿態勝出，甜美笑容同雪白肌膚更深入民心，相反身材就未算太突出。但自從《巴不得媽媽》落水一幕，即令網民留意其身材，上年尾拍《衝上雲霄 II》更升到 C cup，當日真係走漏眼喇！
’10華姐 33B
10年香香參選國際中華小姐，身材冇𠵱家咁凸出，但就以平均取勝。《蘋果日報》圖片
’12變女神 33C
上位後香香連身材都升埋 cup，有 33C女神級身材，自然引得更多無綫小生埋身啦！《壹週刊》圖片
留言列表
{{ article.title }}
