代言人都俾個磅呃秤！（設計對白）
探熱針
減肥受騙　麥玲玲踢爆蠱惑磅
2011年02月24日
最近皇室纖形被警方懷疑以不良手法推銷纖體療程，纖體公司蠱惑招爆煲，做過皇室纖形的代言人玄學家麥玲玲，啞忍多時忍唔住大爆，指前年亦被「蠱惑的磅」呃秤，搞到同纖形公司炒大鑊，反面收場。麥玲玲指責：「估唔到佢哋連代言人都咁樣對待！」
三階段收錢
○九年，當時身懷一百三十八磅贅肉，腰圍三十二吋的麥玲玲，被皇室纖形睇中，以五十萬代言身價，接劉嘉玲及楊思琦棒任瘦身代言人。雙方達成協議，要在兩個月內由一百三十八磅減至一百一十五磅，踢走廿磅為達標；酬勞則分三期過數，簽約後，麥玲玲先袋廿萬，若兩個月後能達標，於○九年十二中舉行記者會前，再有廿萬進賬，剩下的十萬，需在達標後的一年內，持續保持一百一十五磅體重，成功的話，麥玲玲便可於去年十月約滿時，獲得全數酬勞。
據了解，麥玲玲一開始接受減肥挑戰，就被「蠱惑磅」整蠱。到纖體公司做機減脂，節食及每朝自發跑步四十五分鐘多管齊下，麥玲玲終於打破體重有升無跌宿命，不過，每次她在家中上磅發覺體重逐步回落，轉頭到纖體中心上磅卻變番重秤，起初麥玲玲不虞有詐。
「當時麥玲玲每星期要去纖體中心上磅兩次，每朝早跑完步，佢水都唔飲啖返屋企上磅 check吓，跟住即刻躭車去纖體中心上磅；但每次顯示 嘅磅數，都同麥玲玲屋企個私家磅相差三、四磅。初初麥玲玲仲信晒中心 啲員工講，可能係用嚟包住身磅重 嘅毛巾太厚，影響磅數。」知情者說。


早前皇室纖形高層涉嫌串謀詐騙，警方拘捕多名男女職員，更將懷疑做過手腳的蠱惑磅帶走。代言人麥玲玲亦因這個磅，搞到同纖體公司反目。 


相差五磅
到○九年十二月中舉行記者會前，即纖體公司第二期「磅水」的日子，由於根據纖體中心的磅重顯示，麥玲玲一直唔達標，換句話說，她應有的中期酬勞凍過水。
你有張良計，我有過牆梯，麥玲玲開始懷疑纖體公司個磅有古怪，於是索性帶埋私家磅上皇室纖形，破解疑團。
「臨近記者會前一個禮拜，麥玲玲帶埋自己個日本電子磅走上纖體中心，當住職員面前用私家磅磅重，證明佢減到一百一十六磅，比目標只差一磅。但即時再上纖體中心個磅，麥玲玲卻重多五磅，即一百二十一磅，同目標有大段距離。當時仲有個高層寸麥玲玲話佢唔掂，又話佢一身都係肌肉唔係脂肪，所以無得減，達唔到標。麥玲玲梗係唔忿氣，雙方為磅數拗到面紅面綠。
「最後麥玲玲話公平起見，搵醫生磅重作準。聽到要出動醫生做證，纖體公司高層態度突然軟化。最後雙方拗掂數，纖體公司如期支付第二期酬金。開記者會當日，麥玲玲雖笑容滿面交足功課，但實質同纖體公司已經鬧到好僵。」據知情者稱，自此麥玲玲便絕跡纖體公司，即使 keep目標磅數一年，可以收埋十萬尾數，她亦置之不理。


纖體兩個月，皇室纖形於前年 12月為她舉行記者會，展示她由 32吋水桶腰減至 29吋的成功戰績。（《忽然 1周》圖片）
 
跟纖體公司簽約後，麥玲玲即搵大隻男陪住跑步減肥，其大水桶身形加埋 42G上圍，跑步簡直大震盪。（《忽然 1周》圖片）


搵醫生證明
對於同纖體公司合作出現磨擦，麥玲玲起初說件事已過去唔想提，但一聽到「蠱惑磅」，她就㷫爆，承認與皇室纖形鬧不快。
「呢件事係真 嘅，我估唔到佢 哋連代言人都咁樣對待。每次上佢 哋個磅，我都好似阿婆賣紙一樣，濕 咗水重秤 啲，之後我咪帶埋私家磅去磅！舊年十月我已經約滿，剩番 嗰十萬蚊尾數，仲諗緊追唔追，如果要追，我會搵醫生證明，我依家仍然保持到一百一十五磅達標體重，咁就冇得拗。」


當日麥玲玲跟皇室纖形的高層傾合約時還有說有笑，沒想到最後不歡而散。（《忽然 1周》圖片）
 
同是皇室纖形代言人的胡杏兒，表面合作看似相安無事，但早前對纖體公司涉手法詐騙新聞，她回應時亦語帶雙關的說：「最好帶私家磅去磅！」

袋錢變受氣
廣告商同代言人本來互惠互利，各取所需；但合作過程出現磨擦，以致不歡而散，袋錢最後袋埋一肚氣。


戚美珍
09年三嫂戚美珍為復出拍劇鋪路，簽約任纖體公司代言。有傳拍廣告當日，三哥三嫂與工作人員為廣告 idea有拗撬，三嫂唔願提供減肥前的相片作對比，雙方拉鋸近一個月；老闆娘謝沇錤唔想錯過夏季黃金銷售檔期，最後將三嫂廣告的版位抽起，轉由豐胸代言人袁潔瑩頂上。 


林志玲
林志玲 01年開始出任唐安麒豐胸瘦身系列代言人，合作至 08年，雙方因意見分歧，不再續約，唐安麒亦親自赴日，另覓新廣告人選。

巨胸玄學家麥玲玲踢爆減肥受騙 被迫翻臉收場

麥玲玲
最近皇室纖形被香港警方懷疑以不良手法推銷纖體療程，纖體公司出蠱惑惹出禍，做過皇室纖形代言人的玄學家麥玲玲，啞忍多時忍不住大爆，指前年也被“蠱惑的秤”騙到，搞到與皇室纖形翻臉收場。麥玲玲指責：“想不到他們連代言人都這樣對待！”

arrow
arrow
    全站熱搜
    創作者介紹
    創作者 stinglife 的頭像
    stinglife

    娛樂八掛大放送★

    stinglife 發表在 痞客邦 留言(0) 人氣()

    E-mail轉寄