童星，都可以深入民心。

就如今年九歲人稱一哥或一仔的譚真一，身形肥嘟嘟，加上口甜舌滑，記性又好，自四歲便開始他的演藝生涯。

戲裏的他七情上面，全情投入角色中；戲外與其他小朋友無異，喜歡吃喝玩樂，更憑自己的小聰明去應付考試，幸而得到譚媽媽的寵愛，令他可以在毫無壓力下成長，更可以兼顧拍戲和學業，過其無牽無掛的童星生活。

一仔性格開朗活潑，與譚媽媽同樣是「玩得」之人，所以分外投契，而且兩母子感情要好，經常打情罵俏。

社交能手

譚真一四歲開始入行，全因薛家燕的提攜接拍無綫第一部劇集《師奶股神》，之後一劇接一劇，目前為止已接拍超過十部電視劇集、兩部電影，譚媽媽憶述：「佢讀幼稚園時見過幾次家燕媽媽，有次喺街度同佢打招呼，之後仲去埋家燕媽媽開嘅中心上咗半年戲劇課程。」聽完媽媽這樣說，身旁的一仔立即插嘴：「我超鍾意拍戲o架，最深刻係拍《富貴門》嗰陣，導演叫我哋一齊掟蛋糕，成組人都好好玩。」

譚媽媽覺得一仔有演戲天份，而且在娛樂圈闖蕩可以令他見識更多，尤其待人處世方面更為成熟；加上一仔口才了得、性格爽快，又懂得逗人歡喜，所以能與很多合作的明星打成一片，而且劇組上下都對他寵愛有加。「佢好識social，家燕媽媽好錫佢，成日叫佢食飯；拍電影《殺人犯》時仲同郭富城friend到喺張牀度瞓着咗添。」

一仔鬼主意多多，經常想出「冧招」o氹得媽媽滿心歡喜，如去年媽媽生日，他即場點了一首〈真的愛你〉的歌給媽媽，令媽媽感動得哭了出來。

一仔出世時因為未足月曾入住醫院的深切治療部，自幼身體較虛弱的他，全靠譚媽媽用燕窩水加奶粉，才令他肥肥白白。

除了人緣好之外，一仔的記性亦特別好。「佢天生唔怕醜又唔怯場，而且記性好，記得佢第一次去無綫casting（試鏡），可以一次過背晒成張A4紙嘅對白，我先知佢記性原來咁好。」在背對白和做戲方面，他自有一套獨門秘方，一仔一本正經地說：「細嗰時媽媽會講啲劇本我聽，依家自己識睇劇本，去到拍戲嘅場地自然會知點講，唔使特別去記。」他即場一口氣唸出《回到三國》一劇中的港男十八式，記性果然一流。一仔熱愛做戲，更視之為一種課外活動，通常放學後他會做完功課才去拍戲，從不覺得辛苦，還覺得好好玩。

一仔曾在電影《殺人犯》飾演郭富城的兒子，早前在一個慈善活動上，一仔更向「爸爸」送上香吻。