$42源緣玄圓完
$38好鬼懵
$42蕉迹朱古力
$42情迷歌劇院

潮𡃁便當

下午 Tea Cafe

2013年02月27日 ~~ 第301期 Face

每日 3、 4點鐘，午飯剛過又未到晚餐時間，總係牙痕想 tea一 tea，但就怕食得太飽，夜晚冇晒胃口，呢個時候輕食就最啱：細細件，有得揀，感覺食咗好多但唔會好飽！
諗嚟諗去，舒舒服服的 cafe小店，至啱輕食原則，仲要全部都係新開小店，又可試新嘢！

舒適度：★★★★（英式香檳色裝飾如水晶吊燈及宮廷座椅）
好味度：★★★（ Tiramisu及布甸均有酒香，不甜。）
音樂：★★★（美國創作歌手如山形瑞秋及 Norah Jones）

帶我走$45
其實是 Tiramisu，帶香濃 bailey酒香，女生至愛。

鬼脆拿破崙$42
拿破崙脆皮一咬層層鬆開，非常香脆，吉士醬入口意外地煙韌，似棉花糖多啲。

中女愛粉紅$45
在布甸之內加入士多啤梨味 vodka，布甸呈粒狀，酒味濃郁。

柏豪好友靚模 Zelia開 cafe

走進 Ghost Cafe，就如置身英國宮廷，全店以白色及香檳色為主調，英式古董座椅、水晶吊燈、英式下午茶必備的 3層架及餐具，通通有齊，同店主模特兒鍾浠文 Zelia，一樣咁養眼！雖然不懂烹飪，但自幼已夢想開 cafe的她，以前因能力問題未果，至近年出道後，財力許可，又咁啱有適合鋪位，一拍即合做老闆，稱之為 Ghost Cafe，因為她外號「鬼小姐」，想法相當「鬼馬」，好似一款「中女愛粉紅」布甸加入士多啤梨味 vodka，酒香突出，以為得罪人多，反而吸引很多 fans專程去吃，又如泡芙「源緣玄圓完」一啖一口、脆身，味道不算太甜，改了個古靈精怪名字，原來是想客人點時一連氣讀 5個「完」，大概想人誤會對方口吃。

店主 Zelia
推介「帶我走」，芝士香味濃又滑，唔太甜，適合又想食又怕肥的女仔。

Zelia乃柏豪「好朋友」，柏豪演唱會 2人仲跳舞激吻足 3晚，掀起演唱會高潮。

鬼小姐 Ghost Cafe

地址：灣仔摩利臣山道 84-86號
太平洋帆船酒店地下
電話： 3755 1616
營業時間：星期一至日 12nn-8pm

女生輕食 cafe
香甜蜜餞洛神花包

千日紅洛神花茶
雜菜沙律
意式奶凍
黑松露天使蛋
薔薇洛神花包

Gooday在大道中 118號 5樓，以白色為主調，播着王若琳、小野麗莎等的輕音樂，大玻璃面向大街，與街上繁忙大對比。 Cafe店主 Fay曾為婚禮統籌師，所以 cafe門牌的絲帶設計是參考婚禮布置，而店名 Gooday，更是從「好日子」而來，開業 2個多月來，已有 3-4位男士在此求婚，非常浪漫。下午茶餐提供多達 15款花茶如玫瑰、薰衣草以及細細件小吃如花茶包、沙律、松露雞蛋等，麵包以蜜餞洛神花蓉入饌，酸酸甜甜，沙律則加入 honey mustard，好開胃，適合想樣樣食少少又想健康的女生。

千日紅洛神花茶配 3道小吃連是日甜品
(下午茶餐)$60

下午茶餐以花茶為基本，每加一道小吃及甜品加$8，最有驚喜是雜菜沙律及奶凍，前者加入自行調配過的 honey mustard，酸酸甜甜好開胃，後者入口嫩滑帶奶香！

店主 Kit
好少 cafe會主力提供咁多款花茶，當中玫瑰花茶更是來自法國，仲會將花茶入饌，等食物味道更豐富，亦健康啲。

食客
Yuen＆ Natalie學生
我之前嚟過一次，所以今次帶朋友嚟，鍾意呢度嘅洛神花包，甜甜哋幾好食，同埋呢度好舒服。

Macaron$12/粒金百合花茶$32
Macaron來自法國，當日有士多啤梨、杏脯、咖啡可可及朱古力 4款口味選擇，食完甜食配番清淡飄香的花茶最啱。

舒適度：★★★（座椅背有大絲帶裝飾，好似參加緊婚宴。）
好味度：★★★★（以花茶入饌的洛神花茶包，清甜不膩。）
音樂：★★★★（輕音樂如小野麗莎、王若琳、莫文蔚）

Check！

花茶作用：
1.洛神花：可生津降火，提神解疲勞。
2.法國玫瑰花：寧神，能有助消化不良。
3.千日紅：養顏、清肝明目。

Gooday Cafe

地址：中環皇后大道中 118號流尚鋪 5樓
電話： 2871 2297
營業時間：星期一至六： 9am-9pm（逢星期日休息）

鹹食首選海鹽法包

辣肉腸碎蛋沙律 Focaccia配玫瑰 Latte$39
Focaccia食落鹹香，有陣陣迷迭香味，配埋 D.I.Y.凱撒沙律，蛋味濃郁，肉腸又有辣香，多重口味。

多咗人玩城市隨拍，灣仔一級歷史文物藍屋都變成好去處，一片海藍色，周圍又有橙橙黃黃舊式唐樓，唔用 filter都夠晒懷舊味道！不過影到攰，最想都係坐低 tea一 tea，藍屋橫街盡頭，正好有間 Me Plus Cafe，店小但骨子，坐低望到一部小型自磨咖啡機，一問店主 Carmen，原來並非裝飾，真係磨得出咖啡粉，多手食客可試！另外，朱古力醬、沙拉、檸檬茶等，亦全由 Carmen親自調配。咖啡選用本地咖啡粉，新鮮炒好後立即送貨，味道夠突出，更可配合各種 syrup，如玫瑰味令咖啡帶玫瑰香，似飲花茶但奶香濃郁，值得一試。 Cafe更提供一款法國 Focaccia麵包，表層有海鹽，食落鹹鹹哋，更有迷迭香味，可夾沙拉蛋辣腸或芝士煙肉，層次複雜但好夾，勁驚喜！

舒適度：★★★（店子雖小，但有木製凳子及紅磚櫃枱，好 warm好 match。）
好味度：★★★★（以鹹食為主，法包鹹鹹哋又帶香草香，好味。）
音樂：★★（流行歌如 PSY〈江南 Style〉）

熱狗$28
看似平平無奇，但香腸辣味足，酸瓜呈深褐，味道特濃，間中或咬到麵包上烘脆芝麻粒，好正！

店內一部既是裝飾、又可磨豆的咖啡機仔，購自上海街。寄意 Carmen希望客人喝着自磨咖啡，享受 D.I.Y.之樂的理想。

店主 Carmen
推介大家試呢個 Focaccia法包，法包是我從一對熟悉外國麵包的夫婦取來，外邊較少見，仲可以配辣肉腸碎蛋或者芝士煙肉。

Me Plus Cafe

地址：灣仔堅彌地街 1A號地下 H2鋪
電話： 5499 2555
營業時間：星期一至日： 8am-6pm

款式心意之最
檸檬味芝士蛋糕

檸檬蛋白 cup cake$22
蛋白微脆帶焦糖味，配合檸檬批酸酸甜甜又軟滑，好難停得口。

沿電車路往上走，經過街市及零星雜貨小商店， Corner Cafe零零舍舍位於 corner位，取名 corner，名副其實。店主 Charcoal曾為西廚，在澳洲及上海酒店工作過 2年，在西邊街有一間 bakery shop，甜品蛋糕乃親製，現在開了 cafe，蛋糕同樣有賣，而為了這間新寵， Charcoal更特別前往法國 3個星期偷師，當中 cheese cake，入口有檸檬味， refresh得來，帶出芝士味道，另一款朱古力蛋糕，用上法國名朱古力品牌 Valrhona，蛋糕較有 texture，唔似一般海綿蛋糕一味腍軟。而咖啡則選用來自意大利卻在澳洲加工的咖啡粉，當中 Vienna咖啡，打上牛奶忌廉，甜甜哋，咖啡味道特意 double up，混和忌廉飲就好 match，以甜品來說， 4間 cafe中最驚喜！

舒適度：★★★★（大窗開揚向街，冇壓迫感。）
好味度：★★★★★（食物看似普通但相當見心思，充分考慮到口味配搭。）
音樂：★★★★（ Jazz美國及加拿大 Jazz及流行歌手如 Frank Sinatra、 Louis Armstrong、 Michael Buble）

New York cheese cake
配 Latte$50(下午茶)
芝士蛋糕內驚喜地帶檸檬味，非但沒有覆蓋芝士味本身，反而更能帶出芝士獨有酸酸哋又鹹鹹哋的味道。

Valrhona chocolate cake$38
選用 78度黑朱古力，但入口不算苦澀，帶濃郁酒香，蛋糕入口略有粒粒質感，層次佳。

店主在西邊街亦經營一間西餅店，𠵱家開了 cafe，客人就有得堂食慢慢歎！

店主 Charcoal
cheese cake至緊要係唔膩，唔會食完好飽，推介！