娛樂八掛大放送★

阿Sa泰國炒車當擋災

蔡卓妍（阿Sa）聯同鍾欣桐（阿嬌）、羅力威及洪卓立出席水晶首飾品牌活動，阿Sa透露早前與男友陳偉霆及朋友到泰國旅行，期間玩越野車時不慎炒車而跌瘀手腳：「我玩咗三分鐘就炒車喇！當時我見架車就快跌落個山坡度，於是跳車，結果隻腳攝咗落架車度，好在我着嘅波鞋比較鬆。（男友有冇英雄救美？）所有人都只係笑，我炒車個彎位仲命名為阿Sa彎。今次當擋災囉！唔使去洗牙出血。（犯太歲先要出血喎！）唔係年年都要洗牙出血o架咩？」

而羅力威同樣鬧出笑話，問到是否喜歡水晶時，他表示當年奪得亞洲星光大道冠軍時，其中一份獎品是一隻巨型水晶龜，問到有何意思？他本想說是龜年，後來表示可能是要他努力向上！問到今日會否順道揀件首飾給女友？他說：「睇吓囉！」

悉心打扮的阿Sa（右）與阿嬌，已率先換季會粉絲。

羅力威（右）與洪卓立出席活動時順道欣賞水晶。

蔡卓妍開車三分鐘即炒

昨日蔡卓妍（阿Sa）、鍾欣桐（阿嬌）、羅力威及洪卓立出席水晶首飾品牌活動，早前與朋友及男友陳偉霆遊泰國的阿Sa透露在當地玩越野車時不慎弄傷，她說：「我玩咗唔夠三分鐘就炒車，架車好重好難控制，去到個彎位時架車唔郁，我一踩油架車就翻去隔籬個山坡度，我即時跳車，我隻腳攝咗落個車轆度，好在我對波鞋好鬆先無事。（男友有冇英雄救美？）全部人都喺度笑，我炒車個彎位仲命名為阿Sa彎。」她笑言今次炒車當擋災，不用去洗牙出血，記者指若不是犯太歲，毋須出血，她反問：「乜唔係年年都要洗牙同捐錢出血o架咩？」雖然有炒車前科，但阿Sa稱計劃考車牌，並將考筆試。

阿Sa與阿嬌結伴出席活動，並齊齊自爆瘀事。

而阿嬌則自爆以前考車牌時，教車師傅竟不知她是誰，她說：「當時我學緊車，我話前面有記者，師傅話記者都唔識你，學完車我叫佢車我去的士站，佢話使乜搭的士，搭巴士啦﹗好好笑﹗」

羅力威（左）及洪卓立齊表示會考慮送水晶給女友。